ГАК ќе го одбележи 17 Ноември – Светскиот ден на предвреме родените деца, годишно во државата се раѓаат 600 предвремено родени бебиња

Годишно во нашата држава се раѓаат 600 предвреме родени бебиња на кои покрај борбата за живот, правилната нега и грижа треба да им се овозможи и максимално можен квалитет на живот во иднина. 

Клиника за гинекологија и акушерство (ГАК) како најповикана институција и прв дом на сите предвреме родени дечиња, ја продолжува традицијата и заедно со сите центри во светот денеска ќе го одбележи 17 Ноември – Светскиот ден на предвреме родените дечиња.

Мотото под кое ќе се одбележува годинава овој ден е „Роден прерано: Обезбедување на соодветна грижа, во соодветно време, на соодветно место", а целта е подигнување на јавната свест во општеството со цел подобри резултати во згрижување на предвремено родените бебиња.

На настанот во просториите на Клиниката за гинекологија и акушерство ќе се обратат директорката на ЈЗУ ГАК доц.др.Викторија Јовановска, началничката на Одделението за интензивна нега прим.др. Елизабета Петковска, како и претставникот од граѓанската организација „Лулка" со која Клиниката има потпишано меморандум за соработка при што ќе бидат изнесени реализираните заеднички активности во изминатата година. Најавена е и прес-конференција во амфитеатарот на ЈЗУ У ГАК на која ќе бидат презентирани новите статистики за намалување на смртноста кај новороденчињата, како и за набавката на нов апарат.

Како што соопштуваат од Клиниката, на настанот ќе присуствуваат и сопругата на претседателот на држвата, првата дама Елизабета Ѓоргиевска како и Зорица Заева, сопруга на премиерот на државата.

Предвидено е Ѓоргиевска и Заева да ги посетат просториите на Одделението за интензивна нега на недоносените новороденчиња, а ќе се одржи и настан посветен за најмалите дечиња кои биле поранешни пациенти на Одделението за интензивна нега на ГАК. /МИА

Трагично почина 27- годишниот внук на Елвис Присли

Внукот на Елвис Присли и синот на Лиза Мари Присли, Бенџамин Кеу (27) трагично почина. Според полицискиот извештај, тој се самоубил.

Неговото тело било пронајден во неговиот дом во Калабасас во неделата вечерта.

"Нејзиното срце е целосно скршено и таа е неутешна, но се обидува да биде силна за нејзините 11-годишни близнаци и најстарата ќерка Рајли. Таа го обожаваше тоа момче. Тој беше љубов во нејзиниот живот", изјави менаџерот на Лиса Мари за медиумите.

Таа го доби Бенџамин во врската со музичарот Дени Кеу. Претходно зборуваше за сличностите помеѓу нејзиниот син и Елвис, нарекувајќи ја неверојатна.

"Бен многу личи на Елвис. Секој сакаше да фотографира со него бидејќи сличноста е неверојатна. Понекогаш се чувствувам презаситено со емоции кога го гледам", рече таа.

Mama Lion with cubs ❤️🖤💚💙🦁🥰

A post shared by Lisa Marie Presley (@lisampresley) on

Полицијата известила дека биле повикани на местото на настанот во 18:30 часот по локално време.

„По пристигнувањето, полицијата ја пронајде жртвата со рана во горниот дел од торзото. Жртвата беше прогласена за мртва на местото на настанот“, објави полицијата.

Бенџамин живеел далеку од очите на јавноста и многу малку се знае за неговиот живот.

Медиумите во 2009 година напишаа дека тој потпишал договор од 5 милиони долари со Универзал, а потоа објавиле дека неговата музика нема да личи на онаа на неговиот дедо. Но, извршниот директор на Универзал, Питер ЛоФраменто, изјавил дека тоа не е точно.

Бабата на Бенџамин, Присила се омажи за Елвис во 1967 година и тие се разведоа шест години подоцна. Елвис почина во 1977 година на 43-годишна возраст.

Нивната единствена ќерка Лиза Мари се омажила за Кеу во 1988 година со кого имала две деца, Бенџамин и Рајли, денес успешен актер. Дваесет дена по разводот од Кеу, Лиза Мари се омажи за Мајкл Џексон со кого беше во брак две години.

Нејзиниот трет брак со Николас Кејџ во 2002 година траеше само два месеци. Четири години подоцна се омажи за Мајкл Локвуд со кого ги има близнаците Финли и Харпер. Тие се разведоа во 2016 година и сè уште се наоѓаат во валкана битка за старателство над нивните ќерки.

Најголем број од Ирците сакаат да работат од дома и по пандемијата

Повеќе од 80 проценти од вработените во Ирска сакаат да продолжат да работат од дома барем дел од неделата откако животот ќе се врати во нормала по пандемија на коронавирус, покажало истражувањето објавено денеска.

Како и многу работници во Европа, Ирците беа принудени да работат од дома во март кога беше прогласена пандемија на коронавирус и земјата се затвори.

Препораката на владата и натаму е да продолжат да работат од дома каде што е можно, бидејќи земјата се подготвува да ги укине и последните ограничувања.

24 проценти од нив сакаат да продолжат да работат од дома два до три дена неделно откако животот ќе се врати во нормала, според истражувањето на AIB/Amarach на 1.000 возрасни испитаници во текот на изминатите четири недели.

Оние што сакаат да работат еден до два дена од дома, а остатокот од неделата во канцеларија е 20 проценти. Исто така, 20 проценти од нив сакаат да продолжат да работат три до четири дена од дома, а 14 проценти од испитаниците рекле дека би отишле во канцеларија во текот на неделата само во случај на потреба.

Останатите 15 проценти претпочитаат да се вратат во канцеларија. Новата ирска влада вети дека ќе преземе мерки за трајно зголемување на бројот на оние мкои работат од дома, вклучително и даночни олеснувања за нив.

Притоа, се обидуваат да промовираат подобар баланс помеѓу работата и животот, поголемо учество на жените, поголем регионален баланс и да одговори на климатските промени со намалување на патувањата до работните места.

Германскиот министер за здравство тврди дека може да се спречи вториот бран на корона

Германија може да го спречи вториот бран на коронавирус наесен ако луѓето останат внимателни, особено за време на летните одмори, изјави денеска министерот за здравство Јенс Спан.

Спан на прес-конференција изјави дека е важно да се биде претпазлив на патувањата во странство и дека е загрижен за фотографиите од забавите за викенд во Мајорка каде се игнорираат правилата за физичка оддалеченост.

„Јас разбирам нетрпеливост, но на забавите ризикот од инфекција е особено голем“, рече Спан.

"Затоа треба да спречиме инфекции, особено сега за време на одморите. Не мора автоматски да очекуваме втор бран наесен и зима. Заедно, како општество, можеме да го спречиме, како што сме правеле порано - со кршење на бранот и контролирање на пандемијата".

Тој додаде дека над 15,5 милиони луѓе ја инсталирале апликацијата за следење на инфекцијата и дека 500.000 луѓе биле тестирани за коронавирус во Германија минатата недела, најмногу од кога започнала кризата.

Нешто помалку од 500.000 заразени и 9000 смртни случаи се регистрирани во Германија.

притисни ентер