Кофинансираните специјализанти за утре најавија протест, за Филипче нивното барање е легитимно

Група од 130 лекари на кофинансирана специјализација за утре најавија протест пред Министерството за здравство, на кој ќе го изразат своето незадоволство од условите и договорите по кои работат. 

Како причина за протестот го наведуваат тоа што нивните специјализации не се вклопуваат во Законот за здравствена заштита.

За протестот, кој беше најавен и на Фејсбук профилот на Здружението на лекари специјализанти – ЗЛС, министерот за здравство Венко Филипче вчера изјави дека дознал ден претходно, при што напомена дека нивното барање го смета за легитимно.

Тој потенцира дека имале работна средба, а закажана е и нова за да видат што може да се направи, затоа што, како што посочи, станува збор за потреба од измена на Закон за здравствена заштита.

-Ве известуваме дека на ден понеделник, 18.11.2019 година, ќе се организира протест на кофинансираните приватни специјализанти пред просториите на Министерството за здравство поради следниве причини: Нашите кофинансирани приватни специјализации не се вклопуваат во Законот за здравствена заштита, бидејќи содржат елементи и од приватни и од државни и не се целосно дефинирани, се вели во нивната објава.

Почитувањето, односно непочитувањето на договорот од страна на Јавните здравствени установи за трансформација на работниот однос од определено на неопределено време по завршувањето на специјализацијата се уште претставува проблем, додава ЗЛС, со тоа што млади доктори кофинансирани кои се завршени специјалисти добиваат плата во висина на една просечна плата на ниво на Република Македонија.

-И покрај тоа што земаме пониска плата од нашите колеги кои немаат никаква обврска кон државата (ниту да работат во одредена институција, ниту да враќаат енормни суми на државата), плаќаме одреден дел од нашата партиципација за специјализација сами и годините што треба да ги одработиме за установата се исти како и државните специјализанти, финансиите што треба да ги вратиме се повисоки од тие на државните специјализанти кои се во однос 1:2, а ние кофинансираните сеуште остануваме со однос 1:5 (5 пати повисоки од износот кој што е кофинансиран) доколку би се откажале од истата, нагласува ЗЛС.

Во врска со висината на нивната плата, велат изнесува колку една просечна плата на ниво на Република Македонија, која е пониска од платата на државен специјализант во иста „ЈЗУ", кој е со иста ангажираност, исти услови, ист обврзувачки договор, како и кофинансираниот. Со тоа, како што појаснува ЗЛС кофинансираните специјализанти не се опфатени со никакво покачување на плата за лекари специјализанти предвидено со закон.

-Очигледно овој пилот проект на кофинансирана специјализација има суштински проблеми кој треба детално да се разгледаат. Бараме трансформација на работниот однос од определено во неопределено и прецизно дефинирање и усогласување на решенијата за горе наведените проблеми во најкраток можен рок, се нагласува во нивната објава на Фејсбук.

Министерот Филипче вчера истакна дека во текот на минатата недела имал состанок со кофинансираните специјализанти и нагласи дека оваа Влада е првата, која одвоила средства во 2018 година приватните специјализанти за прв пат да бидат платени за својот труд.

-Тие до тогаш работеа практично без пари. Кофинансираните специјализанти се една посебна група која што има направено посебни договори заради тоа што преку специјализацијата тие имаат направено и договор на определено работно време.

Согласно Законот, кога ја завршуваат специјализацијата, нивниот работен однос се трансформира во работен однос на неопределено работно време, истакна Филипче.

За него е сосема легитимно барањето да се направи трансформација уште за време на специјализацијата за што во овој момент не постои законска можност, а се со цел да го добијат зголемувањето на средствата. кое сега го добиваат здравствените работници.

-Ние договоривме дека ќе направиме неколку работни средби во рамки на Министерството со правната служба во рамки на нашата соработка со Фондот за здравствено осигурување и веројатно со пратениците со цел да се види каква е можноста тој Закон во тој дел да се промени. Закажавме уште една средба за тогаш кога ќе ги имаме информациите во текот на следната недела за да видиме што и како можеме да направиме во однос на динамиката за тоа што следува во Собранието, истакна Филипче./МИА

Николоски во Прилеп : Семејството на власт нарачувало на кого да му се запали колата во Македонија, со такви бандити имаме работа

Три години пропаганди, прикаски, вака било, така било. Но, на крај им се врати како бумеранг тоа што за други го зборуваа, кај нив го гледаме. 

Еве денеска стигнале дотаму коли да нарачуваат да се палат. Семејството на власт нарачувало на кого да му се запали колата во Македонија, со такви бандити имаме работа и затоа ние потребна масовна референдумска излезност на 15 јули за ние, вие, сите заедно да ја одредиме иднината на Македонија, изјави денеска потпретседателот на ВМРО-ДПМНЕ и носител на листа во изборната единица 4 Александар Николоски, на средба со граѓаните во Прилеп.

Николоски посочи дека има одлична атмосфера помеѓу граѓаните, истакнувајќи дека секојдневно се приклучуваат над десетици илјади граѓани за обнова на Македонија.

Имаме одлична атмосфера, десетици илјади луѓе ни се приклучуваат секој ден, десетици илјади луѓе ја одбираат обновата, десетици илјади луѓе сакаат Македонија да се исправи после 15 јули да ги направат промените, да дојдат промените и заеднички да си ја градиме Македонија, тоа е порака која стигнува од целата четврта изборна единица, вели Николоски.

Николоски пред прилепчани рече дека не само во Прилеп туку и во цела држава три години колку што се СДСМ на власт се случува само пустош.

За Прилеп гледате и самите, пустош во овие три години колку што овие неработници се на власт. Денеска разговаравме со луѓето од културата, разговаравме со доктори, разговаравме со пензионери, со млади луѓе, и сите истото го кажуваат. Имаше повисоки плати, но сега ги нема, имаше дневници за работа на терен сега ги нема, имаше подобри услови, а сега ги нема, растеше пензијата на секој шест месеци а сега не растат, младите добиваа поддршка за само вработување а сега ја нема. Па ми се поставува едно логично прашање, каде се парите? Буџетот е ист, односно не само што е ист, туку расте од година во година, стигна на рекордни 4 милијарди евра. 4 милијарди евра има Македонија а камен не е ставен три години. Па затоа каде се парите, односно кој ги стопи парите? Одговорот е јасен, семејството, фамилијата на власт, тоа го гледате сите, тоа може да го почувствувате сите, вели Николоски.

Јас дојдов во четворката, затоа што глуми најголем локал патриот, го гледам шета од место на место и зборува како три години да бил во опозиција а не три години да беше на власт. Камен нема ставено во четворката, една работа немаат направено, додаде тој.

Николоски додаде дека кога ВМРО-ДПМНЕ предупредуваше дека СДСМ ќе го промени името на државата, ќе воведе двојазичност и ќе ја продаде историјата, тогаш многу малку веруваа во тоа. Но, како што рече тој еве после три години успееја да го променија името на државата, воведоа двојазичност и каде што треба и не треба, ја продадоа историјата и економски ја уништија Македонија.

Нашата опција е Христијан Мицкоски за премиер на Македонија, ВМРО-ДПМНЕ на власт со најстручниот тим до сега, реформирано, подмладено ВМРО-ДПМНЕ, со најдобрите кадри од Македонија и со најдобрите кадри од дијаспората кои што уште сега ги контактираме и веруваме дека ќе сакат да дојдат за заеднички да ја градиме Македонија, нагласи Николоски.

Николоски повика на масовна поддршка, обединување и масовна излезност за ставање на крај на понижувањата, повикувајќи ги граѓаните заеднички да ги направат промените.

Победуваме на 15 јули со масовна излезност, огромна референдумска излезност за да ставиме крај на ова понижување и да ги направиме промените, порача Николоски.

Центар за комуникации на ВМРО-ДПМНЕ

Левица отвори канцеларија на локалниот огранок во Гевгелија

Задоволни сме од одѕивот на граѓаните кои одлично не примаат и покрај отежнатите услови на кампањата поради здравствената криза, нагласи вечерва во Гевгелија носителот на кандидатската листа во ИЕ 4, Бранко Ристов.

– Мислам дека народот конечно е подготвен да го скрши овој бипартизам кој што триесет години не тоне се подлабоко во дупката и конечно да почнеме да создаваме функционална држава, рече Ристов.

Откако „Левица" ќе влезе во парламентот, носителот на кандидатската листа во ИЕ 4, на гевгеличани им вети дека партијата ќе се залага за бесплатно здравство и високо образование, за укинување на извршителите, за воведување систем на надворешна контрола на МВР, за носење Закон за потекло на имот, скратено работно време од осум на шест часа и за поништување на Преспанскиот договор и двојазичноста.

Тој ги повика гевгеличани без двоумење да го заокружат бројот 4 на гласачкото ливче на предвремените парламентарни избори на 15 јули.

Мицкоски во Илинден : Идната влада на ВМРО-ДПМНЕ се обврзува да ја намали невработеноста под 10% и да го намали рамниот данок на 8%

Претседателот на ВМРО - ДПМНЕ се обрати пред жителите на општина Илинден . 

-За само две и пол години успеавме да срушиме власт која беше ја окупирала и Македонија која што беше ги окупирала во франги на нашата држава, а за помалку од 10 дена од денеска сите ние ќе имаме шанса на 15 јули за каква држава сонуваме и во каква држава сакаме да живееме ние, нашите семејства, нашите потомци но истовремено да ги направиме горди нашите предци за сето она кое што го дале за нашата држава. За помалку од две недели од денеска ние ќе имаме можност дали сакаме на таа наша попатна раскрсница да завртиме лево и да го избереме криминалот, корупцијата или да одиме десно и да ја избереме честа и честитоста. Дали сакаме да избереме лево понижувања, обесправеност или гордост и исправена кичма. Дали сакаме да избереме неколку пати аболирани политичари, луѓе кои се од времето на транзицијата присутни на македонската политичка сцена, потрошени и буквално луѓе од кои не можеш да очекуваш ништо друго освен дополнително да ја парчат и распарчуваат нашата татковина. Или десно тоа се луѓе кои се млади , амбициозни, луѓе мотивирани, истакна претседателот на ВМРО-ДПМНЕ, Христијан Мицкоски во денешното негово обраќање во општина Илинден.

Мицкоски во своето обраќање рече дека е сигурен уште од првата средба од Охрид , а потоа и секаде низ Македонија каде се чувствувала поддршката од народот затоа што народот се ослободил, народот е одлучен и е решителен овие избори на 15 јули да го заокружи реден број 14 за историски најголема победа на ВМРО-ДПМНЕ и Коалиција За обнова на Македонија.

-Ова раководство на СДСМ ќе дојдат овде, ќе ве погледнат и со раката на срце ќе ја свртат главата на лево или на десно. Ќе слушате за жицата, за семето и така натаму, а она што најмногу ќе го слушате е некоја нова лага. Сега веќе нема 30 000 просечна плата, сега веќе 34 000 денари е просечната плата и ќе дојдат овде пред вас и ќе ја повторуваат таа лага дека можеле. Јас би се согласил дека можеа но, тоа е минато завршено време кое никогаш нема да се повтори затоа што на 15 јули тие ќе заминат заедно со нивното тешко, мачно, политичко мочуриште на темната страна на историјата, потенцираше претседателот на ВМРО-ДПМНЕ.

Претседателот Мицкоски посочи дека доаѓаат нови луѓе кои се подготвени да си ја кренат Македонија од пепел.

Едно можам да се сложам со нив дека можеа, да можеа да направат многу подостоинствено место за живеење, да можеа да направат многу подобри услови за живот наместо да ги договараат тендерите во четири очи, а се знае после договорот и исплатата следува арачот и се исплаќа на сите вам познатото место во еден ресторан во југоисточна Македонија по принципот евро за батето, евро за нешто друго. Отприлика таква е нивната филозофија на функционирање и таа непроменлива, таа е константа уште од независноста на Македонија, потсети тој.

Мицкоски во своето гостување укажа и на правосудниот систем кој е целосно заробен од власта за да можат да обелат некој дел од минатите нивни владеења.

-И ова раководство на СДСМ предводено од Зоран Заев се движеше на повој начин, но за разлика од претходните влади од СДСМ ова ги обедини, ги прошири и надгради сите овие понижувачки и криминални политики од минатото. Овие ги усовршија, буквално докторираа на криминалот и корупцијата, вели Мицкоски.

Тој во своето обраќање посочи дека му се случи да ја вида 30 месеци Пелагонија неожнеана, му се случи да ги види од Росаман оние честити земјоделци луѓето кои и кајсијата и праската по улица ги истурија, слично се случи и во Пијанец и Малешевијата со производството на сливи. Имено Мицкоски кажа и за познатото Муртино каде многу домакини имав можност да ги запознаам и прашам посочиле дека тежок е животот затоа што зелката останала на нивата, доматот, краставицата, пиперката и нема кој да ја купи.

-Затоа ние го нудиме Проектот Обнова. Таму ќе најдете најнизок данок во светот, рамен данок од 8% потоа 0 данок за секој оној кој што ќе вработи лице во 29 години, намелен данок на додаден вредност, намален данок за хотелиерите од 18 на 10%,ослободена студенстка партиципација, стапна на невработеност под 10% во еден 4 годишен мандат и уште многу други проекти кои идната влада на ВМРО-ДПМНЕ ќе ги реализира во својот четиригодишен мандат за подобар живот и стандарт на сите граѓани, додаде Мицкоски.

Центар за комуникации на ВМРО-ДПМНЕ

притисни ентер