Поминаа двајца кандидати за еврокомесари , уште една шанса за Вархелји

Двајца од тројцата кандидати на Европската Комисија успеаја денеска да добијат позитивни оценки, откако беа сослушани пред релевантните комитети на Европскиот парламент, додека унгарскиот кандидат мора да писмено да одговори на дополнителни прашања.

Францускиот кандидат за комесар за внатрешен пазар и индустриска политика Тери Бретон и Романката Адина Валеан, која беше предложена за комесар за транспорт, добија зелено светло откако беа сослушани пред парламентарните комисии.

Унгарскиот кандидат Оливер Вархелји, номиниран за комесар за проширување, ќе треба да одговори на дополнителни писмени прашања до понеделник на пладне.

Европскиот парламент ќе одлучи на 21 ноември дали Вархелји дал задоволителни одговори.

Бројни претставници го прашаа Вархелји дали може да гарантира дека ќе биде независен од унгарскиот премиер Виктор Орбан.

„Како комесар, од денот на моето назначување, ќе работам целосно независно. Јас нема да прифатам никакви инструкции од ниту една влада или институција, нема да дозволам никаква вмешаност“, рече Вархелји.

Откако беше сослушан пред Комисијата за надворешна политика на Европскиот парламент на иницијатива на социјалдемократите и либералите, беше решено Вархелји да мора да одговори на дополнителни писмени прашања пред да добие зелено светло.

Европската народна партија, од друга страна, го оцени Вархелји како соодветен кандидат за позицијата за која беше предложен.

Сослушувањето на Бретон беше полесно отколку што беше со претходниот француски кандидат Силви Гулар.

Бидејќи едвај помина тесно мнозинство, 12 „за“ и 11 „против“, во Комисијата за правни интереси за финансиски интереси, на расправата беше јасно дека двете најголеми политички групи - социјалистите и националистите - нема да му создадат проблеми.

Бретон беше француски министер за финансии и тој ја извршува функцијата извршен директор на големата технолошка фирма „Атос“, каде ги продаде сите свои акции за да ја преземе новата функција.

Романската кандидатка Адина Јоана Валеан, лесно го помина испитувањето.

Доколку Унгарецот Вархелји , како што се очекува , сепак да добие зелено светло, проблемот останува со Велика Британија, која не го достави својот предлог за кандидатот, па Комисијата против Лондон иницираше постапка за прекршоци.

Оваа одлука може да се толкува дека Комисијата со тоа би сакала да се заштити од можна постапка пред Судот на правдата доколку новиот мандат би започнал без комесари од сите земји-членки.

Скудетото му носи нов договор на Инзаги

Тренерот на Интер, Симоне Инзаги наскоро би требало да потпише нов договор со клубот, пренесуваат италијанските медиуми.

Интер игра одлично сезонава, во поголемиот дел од сезоната е лидер во италијанското првенство и само прашање на време е кога математички ќе ја обезбеди титулата, па нов договор за тренерот е само логичен редослед на настаните.

Неговиот актуелен договор истекува во јуни 2025 година, клубот сака да му обезбеди подолг престој, па ќе му понуди продолжување до 2027 година.

Симоне пристигна во клубот од Милано во 2021 година по неговиот ангажман во Лацио.

Оттогаш, тој освои вкупно пет трофеи – два Купа на Италија и три италијански Суперкупа.

Минатата сезона го предводеше Интер до финалето на Лигата на шампионите каде загуби од Манчестер Сити, а оваа сезона како што стојат работите ќе го освои првото Скудето.

Италијанските сили се дел од НАТО мисијата за воздухопловно патролирање над Македонија

Министерката за одбрана Славјанка Петровска и италијанскиот министер за одбрана Гвидо Крозето денеска во Центарот за обука на пилоти во касарната „Страшо Пинџур“ во Петровец го потпишаа Техничкиот договор .

Министерката за одбрана Славјанка Петровска и италијанскиот министер за одбрана Гвидо Крозето денеска во Центарот за обука на пилоти во касарната „Страшо Пинџур“ во Петровец го потпишаа Техничкиот договор со кој Италијанските вооружени сили и официјално се вклучија во НАТО мисијата за воздухопловно патролирање над македонското небо.

Министерката Петровска по потпишувањето истакна дека со вклучувањето на Италија во оваа НАТО мисија, единството во Алијансата го гледаме на дело.

„Често споменуваме дека Алијансата е приказ на сојузништво и единство, но зборовите не можат да го отсликаат тоа што можеме да го видиме на дело – италијански и грчки воени воздухоплови, во координација со македонското воено воздухопловство гарантирајќи ја безбедноста на небото на Македонија“, рече министерката.

Со Италија изградивме вистинско сојузништво и развивме силна соработка, рече Петровска, и додаде дека фактот дека италијански воздухоплови ќе ја гарантираат безбедноста на нашиот воздушен простор е приказ за целосна меѓусебна доверба.

Италијанскиот министер Крозето порача дека со денешното потпишување на овој историски договор, Италија заедно со Грција ја презема обврската за заштита на небото на Македонија и дополни дека сојузништвото во Алијансата значи своите сили да се стават на располагање на други земји кога има потреба за такво нешто.

„Италија има чест што може да даде свој придонес во оваа насока и ѝ благодари на Северна Македонија за довербата“, рече Крозето.

Небото на Македонија со официјалниот почеток на НАТО „air policing“ мисијата во нашата земја во декември 2021 година, и официјално стана дел од колективниот систем на Алијансата за воздушно патролирање. Досега, воздухопловното патролирање беше доверено на грчкото воено воздухопловство, а отсега тоа ќе се врши со воздухоплови на грчките и на италијанските воздухопловни сили, во координација со военото воздухопловство на Армијата на Република Северна Македонија.

Мисијата за воздухопловно патролирање на нашето небо ја раководи Сојузничката воздухопловна команда на НАТО, а тактичката контрола на мисијата е под раководство на Центарот за комбинирани воздухопловни операции во Торехон, Шпанија.

Министерство за одбрана

Бундесверот испраќа 10.000 артилериски гранати во Украина

 Германија ќе испрати 10.000 артилериски гранати од сопствените резерви во Украина како дел од долгорочниот план во три фази, изјави генералот на Бундесверот, Кристијан Фројдинг.

Фројдинг во интервју за Дојче веле вели дека по првата, итна фаза, на среден рок ќе биде поддржана чешката иницијатива за испраќање уште повеќе муниција.

„Ќе преземеме над 180.000 парчиња муниција, кои се планирани да бидат испорачани од почетокот на летото до крајот на годината“, рече генералот.

На „подолг рок“, Германија, покрај чешката иницијатива, потпиша и билатерален договор со кој се предвидува испорака на уште 100.000 артилериски гранати од четвртиот квартал годинава. Фројдинг не сакаше да каже со која земја е склучен договорот за испорака.

Според Фројдинг, моменталната најитна потреба на Украина е „артилериска муниција, друга муниција и наведувани проектили за модерни системи за противвоздушна одбрана и оклопни борбени возила“.

Фројдинг во интервју за Дојче веле зборува и за обуката на украинските војници во Германија. Минатата година, 10.000 припадници на вооружените сили на Украина беа обучени на германските воени полигони, а уште 3.000 до 4.000 луѓе ќе бидат обучени во првите месеци од 2024 година.

притисни ентер