Македонија

Гордана Силјановска Давкова вечерва гостин во „Само интервју“

Шест месеци после претседателските избори, ексклузивно интервју со универзитетската професорка и стратешки советник за политички систем на лидерот на ВМРО – ДПМНЕ, Гордана Силјановска Давкова.

Почитувани дами и господа,

Нема подобар крај на работната недела од соочување со силата на аргументите а се’ до наоѓање на патот на вистината. А аргументите вечерва ќе ги соочиме со една од лидерите на професорскиот пленум, жесток критичар на двојазичноста и не така голем љубител на концептот „Едно општество за сите“, со универзитетската професорка Гордана Силјановска Давкова која не стана првата жена претседател на Македонија. Шест месеци подоцна како Силјановска Давкова гледа на претседателските изобри во земјава? Што ќе направеше а што не да беше на местото на Пендаровски? Ако не претседателка тогаш барем пратеничка. Ќе се најде ли Силјановска Давкова како носител на листа на претстојните избори догодина? Омилена меѓу студентите длабоко почитувана меѓу колегите, Слијановска Давкова нема причина да моли кај политичарите. Тогаш зошто еминентната, во светот призната правничка реши да го советува лидерот на опозицијата Мицкоски и да го прекрши ветувањето дека во „политиката повеќе никогаш?“ Дали е време да се биде само нем сведок на настаните или да се биде активен учесник во одлуките? Каква стратегија подготвува и што го советува Силајновска Давкова како дел од тимот стратези? Наместо во Европската, Македонија се подготувува за влез во Балканска унија. Дали „Мини шенгенот“ е можност за перспектива или француско кукавичко јајце како подарок од Макрон? Како борец против Преспанскиот договор, неговите поддржувачи ги нарече неимари кои наместо да градат, разградуваат. Има ли сила што ќе ги поништи договорот од Нивици и оној за добрососедство со Бугарија? Владеењето на Заев го нарече авторитарен режим за кој предвидува дека ќе биде УШТЕ ЕДЕН од нив што ќе падне. Дали нејзиното претчуство значи ставење равенство помеѓу владеењето на Заев и на Груевски? На земјава не е и недостасува ниту виното ниту песната. На претек ги има политичарите, аналитичарите, медиумите, судиите, ѕвездите. Дали Македонија наликува на Рим кој векови порано пропаднал низ виното и игрите? За политиката, правото и правдата, за Македонија и македонските работи одговори ќе бараме вечерва само и ексклузивно на Канал 5. Во 18:30 со универзитетската професорка Гордана Силјановска Давкова во „Само интервју“.

Фудбал

Барселона ја тужи шпанската федерација, судот одлучува за голот на Јамал против Реал

Барселона не дозволува да стивне бурата по „Ел Класико“ во кое Реал победи со 3:2.

„Фантомскиот гол“ на Ламин Јамал и понатаму е тема на шпанските медиуми. Барселона не дозволува да престане да се зборува за тоа.

И по самиот меч имаше остри критики за судењето, немањето технологија за гол-линијата и „злоупотребата на ВАР системот“.

Првиот човек на клубот, Жоан Лапорта, најави дека Барселона ќе ги искористи сите средства да ја истражи ситуацијата и да утврди дали тоа било гол или не.

Барселона сега отиде чекор подалеку и најави дека ќе ја тужи Шпанската фудбалска федерација и дека решение на оваа ситуација ќе бара на суд.

Ден по натпреварот беше објавена и комуникацијата на главниот судија со играчите и судиите од ВАР-салата, но изостана делот од видеото поврзан со ситуацијата околу голот на Јамал кој не беше признат.

Федерацијата го одби барањето на Барселона да му ја даде на клубот целосната снимка од комуникацијата помеѓу судијата и ВАР-собата и Каталонците сега сакаат да ја добијат преку судовите.

Лапорта останува на ставот дека доколку се покаже дека Барселона е оштетена, ќе бара реприза. /МИА

Македонија

ДИК: Излезноста до 17 часот е 44,18 %, поголема за 9% е во однос на минатите избори

Претседателот на ДИК ги соопшти најновите резултати од претседателските избори.

Најголема излезност е во Новаци од 67,19 % , а најамала во Пласница само 19%, рече Даштевски.

Свет

Видео: Коњи трчаат низ центарот на Лондон, еден е облеан во крв

Жителите на Лондон утринава забележале два коња без сопственик во центарот на градот, од кои едниот изгледал облеан во крв. Носеле седла и узди.

„Околу 8 часот и 40 минути добивме пријава дека коњи без сопственици трчаат низ градот. Полицајците ги запреа на автопатот кај Лајмхаус. Чекаме возило за да ги однесеме на ветеринар“, соопшти полицијата.

Скај њуз вели дека коњите припаѓаат на дворската коњаница, дел од британската армија. На социјалните мрежи се појавија видеа од настанот на кои се гледа како црн и бел коњ трчаат по улицата. Набрзо зборуваше портпаролот на армијата.

„Одреден број воени коњи се олабавиле за време на рутинска вежба. Сите коњи сега се вратени во кампот. За време на инцидентот се повредени одреден број вработени, како и коњите. На сите им била укажана лекарска помош ," вели тој .

Извор: Индекс.хр