Тројца демонстранти починаа утринава, откако беа удрени директно во главата со боци со солзавец , а уште едно лице почина од повредите здобиени од шок бомба фрлена од безбедносните сили, соопштија болнички извори.
Полицијата употребила вистински и гумени куршуми и солзавец во обид да ги избрка стотиците демонстранти од плоштадот Тахрир во Багдад.
Најмалку половина од повредените демонстранти биле застрелани, соопштија полициски и болнички извори.
Други повредени биле примени во болница како резултат од задушување со солзавец или повреди од гумени куршуми.
Со недели, плоштадот Тахрир е центарот на антивладините протести.
По дводневниот релативно мирен период, безбедносните сили денеска ја засилија употребата на солзавец и огнено оружје.
Од почетокот на протестите од октомври, најмалку 300 луѓе се убиени во Багдад и во градовите на југот на земјата.
Протестите започнаа заради незадоволството од корупција и економската состојба во земјата, инаку богата со нафта.
Вчеравечер, домовите на локалните власти во градот Хараф, кој се наоѓа на околу 25 километри северно од градот Насири, беа запалени.
Владата на премиерот Адел Абдул Махди спроведе мерки во обид да ги смири протестите, како што е помош за најсиромашните и создавање повеќе деловни можности за образованите луѓе.