Собраниска делегација на собир на Парламентарното собрание на Франкофонијата

Во Делемон, Швајцарија, денеска и утре ќе се одржи Регионалното собрание Европа на Парламентарното собрание на Франкофонијата.

Во работата на собранието ќе учествува Џеват Адеми, претседател и Весна Дамчевска-Илиевска, прв потпретседател на Секцијата на Собранието во Парламентарното собрание на Франкофонијата .

Како што информира собраниската прес-служба, на учесниците на оваа конференција ќе им се обрати Жак Крабал, парламентарен генерален секретар на Парламентарното собрание на Франкофонијата, Жан-Пол Вал, шеф на Мисијата Европа на Парламентарното собрание на Франкофонијата (ПСФ), Пјер Андре Конт, претседател на Секцијата на Јура во ПСФ, Давид Ере, министер и претставник на Владата на Јура, Габриел Вуарол, претседател на Парламентот на Јура и други личности и експерти.

Работниот дел на сесисјата ќе се организира во две панелни дискусии. Во првиот панел ќе се дебатира за Правото на самоопределевување на народите како правен принцип: состојбата во Европа, додека во вториот панел ќе се дебатира за Дирекната демократија и граѓанската иницијатива во процесот на донесување на закони. За овие теми на учесниците со нивни излагања ќе им се обратат бројни експерти од соодветните области.

Пристигнува уште едно електрично Ауди

Ауди во вторник на 7 јули ќе го претстави електричниот кросовер „Q4 Sportback E-Tron “ концепт.

По минатогодишниот концепт „Q4 E-Tron“, од германскиот произведувач доаѓа и неговата „Sportback“ верзија, со силуета на купе-кросовер.

Ауди премиерата на новото возило ја најави со кратко видео, а повеќе детали за овој концепт ќе се дознаат утре.

Во краткото видео се гледа дека предниот дел од концептот „Q4 Sportback E-Tron “ е сличен ако кај регуларниот „Q4 E-Tron “, а двете возила ќе се разликуваат по задниот дел и линијата на кровот која кај новата верзија ќе биде закосена.

Ауди „Q4 Sportback E-Tron “ концептот најавува идна продукциска верзија која би требало да биде претставена 2021 година.

Спасовски: Масовно на избори на 15 јули во нови победи за Македонија и младите, тие нека се обновуваат во својата партија

„И средношколците и студентите добија домашна платежна картичка, бидејќи сега е моментот да се помогне.“

„ Се грижиме за сите. Посебно се грижиме за младите. Тоа го направивме и со доделувањето ваучери за дообука и квалификација во ИТ вештини, тоа што најмногу е потребно сега во овие услови кога многу од работите мора да се спроведуваат on line, дигитално. Една од основите во Програмата е нашата земја да ја направиме дигитализирана држава.

Мораме да излеземе и да гласаме, да дојдеме до секој и да му кажеме дека негласањето е глас за враќање на режимот, дека Мицкоски и ВМРО-ДПМНЕ се опасност. На 15 јули масовно на избори, број 3, да кажеме Збогум на режимот, да ги пратиме во историја, нека се обновуваат во нивната партија, а ние ќе грабиме напред, во нови победи за Македонија и за младите" повика Спасовски на вечерашната граѓанска трибина во скопската општина Ѓорче Петров.

Центар за комуникации со јавноста на СДСМ

Земјотрес од 4,6 степени го погоди Авганистан

Земјотрес со јачина од 4,6 степени вечерва го погоди Авганистан околу 20:40 часот по локално време.

Епицентарот на потресот се наоѓал на 14 километри северозападно од Кабул на длабочина од 7,4 километри, соопштено е од Евромедитеранскиот сеизмолошки центар.

За сега нема информации за повредени лица или причинета материјална штета.

притисни ентер