Ферари ја промовираше носталгичната ,,Рома” (ВИДЕО)

Ако некој автомобил може да се прогласи за икона на италијанскиот дизајн, тогаш тоа е Рома , најновиот производ на Ферари.

Убавата Рома нè враќа во 60-те години, во животниот стил на италијанската престолнина, објаснуваат од Ферари.

Навистина, со својата прекрасна аеродинамична форма, Рома остава без текст и е еден од ретките спортски болиди за кои веднаш не се прашува што има под хаубата и дали напојувањето е предно, задно или во подот (електричен погон).

Лебдечките светла за дневно осветлување прво паѓаат во очи, но она што привлекува не се модерните детали. Тоа се безвременски линии нацртани од италијанските мајстори за дизајн кои уште еднаш им оддаваат почит на времињата што дефинитивно се зад нас.

Погонот е сè уште класичен, но не во форма на V12. Изборот падна на 3,9 V8 турбо со 620 КС и 760 Nm, во комбинација со осумстепен менувач со двојна спојка, познат како SF90 Stradale.

Внатрешноста на автомобилот тежок малку под еден тон и пол нема потреба од коментар. Возачот и совозачот се уште се поделени еден од друг, но затоа совозачот го доби „својот“ екран.

Она што е важно е дека автомобилот достигнува 100 км на час за 3,4 секунди, на 200 км на час за 9,3 секунди и стигнува до максимални 317 км на час.

Нови теренски возила за потребите на ЈП Водовод и канализација - Скопје

ЈП Водовод и канализација – Скопје, го обнови возниот парк со теренски возила за потребите на Сектор Водовод, Сектор за експлоатација и одржувањена капацитети и дежурната служба во рамки на Дежурно Информативниот Центар. 

По обновувањето на дел од механизацијата во декември 2019, со набавка на две нови цистерни под притисок со волумен од 4м3, две цистерни под вакуум со волумен од 4м3, како и специјализирано мерно комбе - возило за испитување на дефекти на водоводната мрежа, со цел подобрување и унапредување на работниот оперативен процес, но и подобрување на условите за живот на граѓаните, како и грижата за животната средина, ЈП Водовод и канализација – Скопје, го обнови возниот парк со теренски возила за потребите на Сектор Водовод, Сектор за експлоатација и одржувањена капацитети и дежурната служба во рамки на Дежурно Информативниот Центар. Седумте теренски возила се набавени и распределени во овие сектори заради полесно извршување на теренските активности и олеснет пристап до специфичните подрачја на кои е распространета мрежата на ЈП Водовод и канализација – Скопје.

Неодамна, Секторот за санитарна заштита при ЈП Водовод и канализација – Скопје, ја комплетираше ревитализацијата на микробиолошкиот оддел согласно европските стандарди, регулативи и директиви.

ЈП Водовод и канализација – Скопје, преку имплеметација и реализација на инвестиционата програма, инвестира и во иднината на претпријатието, во олеснување на работните процеси и во подобрување и унапредување на услугите кои се во служба на корисниците и граѓаните на град Скопје.

Во Македонија има 3 569 активни случаи на ковид -19

Нови 120 случаи на ковид-19  беа регистрирани вчера од направени 1.367 тестирања во претходното деноноќие.

Пет лица починаа, од кои по двајца од Скопје и Тетово и еден од Куманово.

Институтот за јавно здравје регистрира 125 оздравени лица. Со последните статистички податоци, . Се уште се активни 3.569 заразени со коронавирусот.

Министерот за здравство Венко Филипче вчера истакна дека веќе осми-деветти ден по ред паѓа факторот на преносливост, што значи дека бројот на случаи се намалува.

„Само Вистина“ вечерва со Оливер Спасовски и Владо Мисајловски

Во вечерашната „Само Вистина“ ќе дебатираат Оливер Спасовски и Владо Мисајловски.

Драги сограѓани, полево или подесно ориентирани и вие што сте некаде на средина, предизборна „бура“ или обично „невреме“, што ветуваат политичарите во кампања, а што реализираат од „фотеља“?

Партиите продолжуваат со политички „наддавања„ а каков епилог ќе добие овој изборен процес, вечерва на политичкиот „Вембли“ гледајте го дуелот на носителите на листи од втората изборна единица Оливер Спасовски од СДСМ и Владо Мисајловски од ВМРО-ДПМНЕ.

За Спасовски концептот „едно општество за сите“ се спроведува во пракса, но има или нема „концепт“ за размена на пратеници помеѓу СДСМ и ВМРО-ДПМНЕ доколку Албанец премиер се најде во средина?

Мисајловски вели дека не треба да заборавиме од каде сме и каде припаѓаме, но под кое „мото“ дејствуваа кога беа на власт ?

Ќе ни ги откријат ли СДСМ и ВМРО-ДПМНЕ „црвените“ линии пред новокомпонираните желби на албанскиот блок?

Корона или вирус на корупција, а кој е македонскиот „Мерлин“, вечерва во најгледаната политичка емисија Само Вистина, Оливер Спасовски од СДСМ и Владо Мисајловски, ексклузивно на Канал 5 Телевизија.

притисни ентер