Дедото и таткото на потпишувањето договорот на внукот Малдини за Милан

Фудбалскиот клуб Милан и семејството Малдини се нераскинливо врзани со децении.

Даниел Малдини , 18- годишниот син на клупската легенда и техничкиот директор на Милан , Паоло Малдини , потпиша прв професионален договор со клубот до 2024.

Даниел е третата генерација на семејството Малдини што го носи познатиот дрес со црвено-црна боја.

Прв беше неговиот дедо Чезаре Малдини, кој играше за Милан од 1954 до 1966 година и беше тренер на клубот во два наврати, од 1972 до 1974 година и кратко во 2001 година кога ја освои најголемата победа на градското дерби над Интер - 6: 0. Како играч, Чезаре освои четири Скудети, а како капитен го крена трофејот на Европскиот куп на шампиони во 1963 година на Вембли.

Таткото на Даниел, Паоло, ја помина целата своја кариера во клубот на стадионот „Сан Сиро“ од 1984 до 2009 година. Тој има освоено 25 трофеи, од кои седум се Скудето, пет ЛШ и три Светски клупски првенства, а неговиот број 3 е повлечен откако неговата кариера заврши и тој број, доколку сака, може во иднина да го активира само син му Даниел .

Додека Чезаре и Паоло играа во одбраната , Даниел е офанзивен играч и најмногу од се сака да игра на средната позиција. Тој доби можност како првотимец во текот на летото на пријателските натпревари во САД, и се уште го чека своето деби во Серијата А.

Чезаре играше 412 натпревари за Милан ,а Паоло 902 . Заедно, тие имаат освоено 31 трофеј и шест од седумте титули на Европското првенство во 119-годишната историја на клубот.

Ќе се формираат Ковид-центри во 16 општини во земјава

Како подготовка за евентуален нов бран од коронавирусот на есен, од Министерството за здравство информираа дека во 16 општини ширум земјава ќе се формираат регионални Ковид-центри

Здравствениот систем се подготвува за есенскиот бран на корона вирусот. Ќе се формираат регионални Ковид – центри во 16 општини. Предлогот на Комисијата за заразни болести го подржала локална управа на општините каде веќе постојат општи болници и тоа Гевгелија, Куманово, Кавадарци, Струмица, Кичево, Дебар, Гостивар, Струга, Кочани, Охрид, Велес, Тетово, Штип, Битола, Ресен и Прилеп. Од Министерството за здравство велат дека:

Целта е да се обезбеди соодветен третман и тријажа на пациенти позитивни или сомнителни на Ковид 19, без при тоа да се компромитира редовното работење на болниците и здравјето на другите пациенти. Станува збор за дополнителни времени капацитети, односно монтажни модуларни болници или креирање на посебни патеки и услови во некои објекти, како и лоцирање и прилагодување на одредени други капацитети кои би можеле да се адаптираат и користат како привремени Ковид центри.

Земјава во изминатиот период секојдневно забележува трицифрени бројки на новозаразени со корона вирусот иако е зголемен и бројот на излечени. Едно од поновите жаришта на ширење на корона вирусот е Штип. Од досега регистрирани 444 случаи активни се 172. Вчера таму беа потврдени 14 нови случаи а нив ги сочинуваа работници од пет текстилни фабрики и нивни блиски. На еднонеделен одмор од денеска се стотина работници од една текстилна компанија, каде изутрината се потврдени два случаи на ковид-19.

Од тамошниот Центар за јавно здравје велат дека во Штип не може да ги утврдат кластерите бидејќи вирусот е раширен насекаде. Каде точно заболеле новоинфицираните не знаат, а дека имале интензивни контакти покажале и епидемиолошките анкети на кои давале податоци во просек за 15 други лица.

Политичките аналитичарите очекуваат намалена излезност на изборите

Дел од аналитичарите во земјава пак велат дека не очекуваат голема излезност на изборите, пред се, поради светската пандемија

По 20 дена крстарење низ речиси секое ќоше од државата партиските предизборни каравани од ноќеска на полноќ па се до среда вечер се во молк. Партиските говори завршија, сега се чека да се искажат граѓаните на 15-ти. Политичките аналитичарите велат доминатно негативната кампања која очекувано ја одбележа објавувањето на т.н. „бомби“ ќе го земе својот данок.

Сепак во пресрет на гласањето в среда најголема неизвеност покрај резултатот останува излезност врз која особено влијание, како што вели Арсовски, има оцрнувачката реторика во кампањата. Кржаловски смета дека излезност ќе биде помала во однос на претходните изборни циклуси не само поради „бомбите“ туку особено поради епидемијата.

Аналитичарите се согласни дека резултатите од анкетите објавени пред изборите имаат извесно влијание. Истражувањата најавуваат тесна и неизвесна битка, но велат колку овие проценки се прецизни останува да видиме по гласањето в среда.

Во Прилеп денеска гласаат 29 заболени и граѓани во изолација

Во Прилеп пак денеска гласаат 29 граѓани заболени од корона вирусот и во изолација. Специјалниот одбор од медицински лица изутрината од Општинската изборна комисија го подигна гласачкиот материјал, заштитната опрема.

Од 167 заразени и во домашен каранатин од корона вирусот денеска во Прилеп од општинската Изборна комисија побарале и правото на глас го остварија само 29 граѓани..Избирачки одбор од медицински персон ал и преставници од политичките партии под целосна заштита од утрово се во домовите на заболените и самоизолираните..

Утре ќе гласаат болните и изнемоштените..Од 64 илјади и 4 бирачи во општина Прилеп правото на глас ќе го остварат 489..Тие ,како и останатите гласича ќе гласаат за една од 14 понудени кандидатски листи за пратеници во изборната единца 4..Општинскиот кризен штаб на денешната седница одлучи утре сите улици и пристапни места до 142 бирачките места да се дезинфицираат..

притисни ентер