Млади фудбалери од повеќе од 40 националности се натпреваруваа на меѓународен турнир во Скопје

Меѓународен фудбалски турнир на кој учествуваа младинци од нашата земја како и од Полска, Австрија, Русија и Унгарија се одржа од седми до деветти ноември на теренот на академијата „Вардар" во Градскиот парк во Скопје.

Домаќин на овој интернационален настан беше меѓународното училиште „Нова", а тимот составен од средношколци од оваа образовна институција се пласираа на второто место. Натпреварите се дел од спортските активности кои се организираат во рамки на Асоцијацијата на училишта од Централна и Источна Европа (CEESA) чиј член е и „Нова". Покрај редовните турнири во фудбал, се одржуваат и натпревари по кошарка, крос кантри, трчање, одбојка, пливање, тенис и софтбол.

„Нова" со свои тимови учествува на овие фудбалските турнири за средношколци од октомври 2009 година и за овие десет години има освоено шест први и две трети места.

- За време на оддржување на овие турнири најчесто имаме ученици од повеќе од 40 националности со оглед дека учествуваат меѓународни образовни институции. Досегашното искуство е дека учениците кои како гости се задоволни од начинот на кој ги организираме овие турнири. Воодушевени се од гостопримството на нашите семејства кои ги отвораат своите домови за да ги сместат гостите за неколку ноќи и ја ценат дадената можност да го запознаат Скопје и да се дружат со своите врсници од „Нова". Токму комбинацијата од запознавање на нова култура, дружење со свои врсници од друго училиште и играњето на омилениот спорт е нешто што создава сеќавања кои долго траат – објаснува Александар Ристовски, координатор на спортската програма во „Нова".

Училиштата кои учествуваат на овие CEESA турнири се едни од најреномираните во Европа по повеќе параметри.

- Имаат импресивни училишни кампуси кои дозволуваат да се одвива едукативен процес соодветен за 21-виот век, со буџети на кои би позавиделе некои од нашите поголеми македонски компании. Дополнително ги имаат имплементирано најдобрите едукативни програми, исто како и „Нова", и регруритаат квалитетен кадар од целиот свет, којшто има долгогодишно искуство во меѓународното образование – објаснува Ристовски.

Тој посочува дека во „Нова" постои значителен интерес за програмата за фудбал која не е резервирана само за момчињата и секоја година повеќе од 30 средношколци (машки и девојчиња) се регистрираат како членови на фудбалските тимови. Тие тренираат заeдно вo текот на сезоната (од почеток на септември до средина на ноември) и на крајот на сезоната учествуваат на вакви меѓународни турнири.

Спасовски: Веднаш по формирањето на новата Влада ќе утврдиме минимална пензија, секој кој зема 5.000 денари пензија, да зема најмалку 10.700 денари

Се обврзуваме да ги поддржиме пензионерите, оние кои ја градеа оваа држава, кои се вградија во темелот на оваа земја, оние кои ги градеа институциите, да имаат достоинствена старост.

Веднаш по формирањето на Владата ќе утврдиме минимална пензија и сите кои имаат мали пензии од 5.000 денари и нагоре, да имаат најмалку 10.700 денари" најави Спасовски од Ѓорче Петров.

Центар за комуникации со јавноста на СДСМ

„Интегра" пред гевгеличани ја претстави изборната програма

За прв пат на политичката сцена во Македонија се претставува политички субјект кој излегува на сцена со вистината. 

До сега живееме триесет години траорни, во лага, во фатаморгана од живот, истакна во своето обраќање пред гевгеличани Љупчо Ристовски, претседателот на македонската конзервативна партија „Интегра" на претставувањето на изборната програма „Аманет за Македонија".

– Ако не ве крадеа овие грабливци со триесет милијарди долари изнесени надвор, денеска ќе имавте во вашите џебови 1.700 евра нето плата по вработен. Тоа е огромно богатство украдено од вашите џебови и разнесено по светот. Грев е македонецот на овој благодет да биде сиромав, само 15 дена во месецот да оди со исправена глава, а 15 со наведната. Затоа нашата цел е да го ослободиме македонецот кој триесет години гледа низ тој црно бел политички спектрум во кој освен тие две партии нема друг избор, друга понуда за да може да одлучи за ново, за подобро, за конечно да стане свој на своето, рече Ристовски.

Тој нагласи дека за среќа на народот се појави „Интегра" која ќе ја престрои Македонија во држава која ќе биде слуга на народот и која доколку има 61 пратеник во парламентот нема да дозволи ниту една албанска партија да се доближи до македонската влада.

Покрај ова лидерот на „Интегра" пред гевгеличани вети редуцирање на јавната администрација, нова транспортна стратегија со 956 километри брза железница по која за еден час ќе се стигнува до секоја точка, слободни земјоделско-сточарски зони, како и во првите 100 дена ништовност пред Меѓународниот суд за правдата на Времената спогодба од 1995, Преспанскиот договор од 2018 и на спогодбата со Бугарија и побара од гевгеличани подршка на 15 јули со заокружување на бројот 8 на гласачкото ливче на вонредните парламентарни избори. /МИА

Богојески на граѓанската трибина: Да изгласаме за 10ка, со тоа ќе внесеме во Парламент граѓански пратеници кои ќе ги менуваат работите од корен и без партиска контрола

„Доколку сакате да биде казнета и сменета оваа Влада, а од друга страна да не дозволиме возобновување на бандитизмот во минатото, тогаш гласајте за број 10“.

Петар Богојески на вечерашната граѓанска трибина што се одржа пред Спомен Куќата на мајка Тереза истакна “Апелирам сите граѓани, особено најразочараните од политиките на двата партиски блока да излезат на гласање бидејќи сите тие викаат дека се разочарани, се е исто 30 години и не излегуваат да гласаат. Токму тие поради кои си разочаран едвај чекаат да не излезеш на гласање за да си изберат со нивните малкумина војници. Сега е последна шанса да ги направиме тие вистински промени бидејќи јас ви гарантирам дека како што Заев не расчисти со Груевски, така и Мицкоски нема да расчисти со Заев. Затоа е најдобро да застанеме храбро и одлучно и изгласаме за 10ка. Со тоа ќе внесеме во парламент граѓански пратеници кои ќе ги менуваат работите од корен и без партиска контрола. Доколку сакате да биде казнета и сменета оваа Влада, а од друга страна да не дозволиме возобновување на бандитизмот во минатото, тогаш гласајте за број 10 бидејќи само ние имаме кредибилитет да не ги дозволиме тие процеси во парламентот.”

Во однос на промените кои се потребни во државата, Богојески се осврна на основните потреби на граѓаните да живеат во нормална држава.

“Идејата не води заедно, а идејата е нормална држава бидејќи стана претешко да се живее нормално. Ниту може човек да оди нормално на работа, ниту може од работа да се врати нормално, ниту децата имаат нормално образование, ниту пак имаме нормално здравство каде може да се лекуваме. Живееме во една тотална ненормалност. И сега, како до таа нормалност? Единствен начин до таа нормалност е да се промени политичкиот систем и да се суспендира моќта на политичките партии која се наоѓа денес во нивни раце, пред се на политичките лидери. Единствен начин да ја суспендираме оваа политичка елита која ги носи овие неправди во земјата е државата со закон да наметне внатрепартиска демократија за реформирање на партиите бидејќи нема капацитет тоа поинаку да се донесе. Тоа е услов за да прифатиме која било партија доколку имаме пратеници и учествуваме во формирање на Влада. Апсолутно нема да поддржиме формирање на Влада се додека не се донесат тие законски решенија, вклучувајќи го и ова”.

Покрај Петар Богојески, носителот на листата во ИЕ 1за политичката платформа Македонски концепт, на трибината говореа и кандидатите за пратеници д-р Елена Зафировиќ и Оливера Клинчарова, која говореше на тема екологија и еколошките приоритети на земјата.

“Нашата земја е надарена со многу природни богатства, а ние решивме да ги искористуваме најлошите, односно тие што не се обновливи. Место да градиме цело време хидроелектрани, термоцентрали и слично, ние можеме да го тераме зеленото сценарио. Тоа значи напуштање на конвенционалното греење и загадување на оваа почва и да се насочиме кон одржлив развој. Енергетските заедници се иновативна мерка која ја предлагаме сега и за која имаме поддршка од сите еколошки организации во Македонија и пошироко. Имам дозвола да ги споменам GoGreen, Не биди ѓубре и сите други кои се против труење на народот”, истакна Оливера Клинчарова во своето обраќање.

На тема здравствен систем во земјава говореше д-р Елена Зафировиќ која рече дека граѓаните мора да почнат да прашуваат затоа што тоа е наша граѓанска должност и да очекуваме одговори затоа што тоа е наше право со коешто се здобивме во демократијата, по што запраша “Зошто немаше одговорност на верските лидери коишто повикуваа на непочитување на мерките на карантинот? Зошто и дали ќе има одговорност од тие поради ситуацијата во која сме денес? Одговор ќе дадат тие кои ги воведоа мерките.“

Тим за комуникација со медиуми

Македонски концепт

притисни ентер