Британците објавија список на 9 автомобили чие одржување и поправки чинат богатство

Многумина, кога купуваат автомобил, многу ретко мислат на нешто друго освен неговата цена, но тоа може скапо да ги чини , бидејќи некои навидум „ефтини“ модели се прилично скапи за одржување.

Овие девет модели се на врвот на трошоците што треба да се издвојат за нивно одржување и евентуални поправки, пренесува британски Телеграф.

1. Volkswagen Passat

Трошоци за одржување и поправки на 10 години: 11.700 американски долари

И покрај тоа што не станува збор за спортски автомобил или скап и луксузен седан, Фолксваген Пасат е меѓу најскапите возила за одржување и поправка во текот на 10-годишен период, според податоците собрани од 120.000 сервисирани возила добиени од YourMechanic.

2. Subaru Forester

Трошоци за одржување и поправки на 10 години: 12.450 долари

Форестер е многу популарен компактен теренец, но тоа не значи дека е ефтин за одржување и поправка.

3. Mercedes C63 AMG S

Трошоци за одржување и поправки на 10 години: 12.800 долари

Спортската верзија на компактниот седан на компанијата е скап за купување и одржување повеќе од една деценија.

4. Аudi А4

Трошоци за одржување и поправки над 10 години: 12.950 долари

Audi A4 балансира одлично со перформансите и луксузот, но може да биде прилично скап за одржување.

5. Porsche 718 Boxster

Трошоци за одржување и поправки на 10 години: 13.700 долари

Малиот и жив Boxster е малку поевтина алтернатива на 911. И додека не е толку скапо да се одржува како 911, тоа ќе ги чини сопствениците доволно да размислат околу сервисирањето.

6. Audi A4 Allroad

Трошоци за одржување и поправки на 10 години: 13.700 долари

Ова е најлуксузниот одговор на Audi на моделот Subaru Outback. Во основа е вагон А4 со погон на сите тркала и заштита на подвозјето.

7. BMW М4

Трошоци за одржување и поправки на 10 години: 14.900 долари

Тој е алтернатива на седанот М3 и затоа има идентични перформанси, но и цена.

8. BMW 640i Gran Coupe

Трошоци за одржување и поправки на 10 години: 15.700 американски долари

Додека овој модел отелотворува висок стил и возбудливи перформанси, тој е исто така најскапиот BMW за одржување.

9. Porsche 911

Трошоци за одржување и поправки на 10 години: 19.600 долари

Не треба да биде големо изненадување што овој конкретен спортски модел е во првите редови на списокот кога станува збор за одржување и поправки.Прецизниот германски инженеринг и одличните перформанси не може да бидат евтини.

ВМРО-ДПМНЕ: Анестезиолози заминуваат од државното здравство заради егзистенција, а Шекеринска ужива во луксузот на Боки 13

Шекеринска знаела за криминалот и рекетирањето. Шекеринска уживала во Луј Витон луксузот на Боки 13. 

Шекеринска молчела за потеклото на парите на Боки 13, иако била свесна дека невработено лице со блокирана сметка не може да има такви приходи.

Се додека милиони евра завршуваат во Луј Витон торби, пари за анестезиолози и доктори ќе нема, а здравствениот систем ќе колабира.

Ситуација во која се најде Македонија како последица од корона вирус очигледно не ги интересира челниците на СДСМ.

Црната бројка на заразени во Македонија надмина 7000 граѓани, а Министерот Венко Филипче си тера политичка кампања и си снима пропагандни спотови за партијата. Бројот на починати наши сограѓани е речиси 350, и таа секој ден се зголемува. Неодговорноста на власта доведе до ваков колапс на здравството.

Здравствениот систем се распаѓа. Наместо да се трудат да набават лекови го видовме директорот на Фондот за здравство Ден Дончев собира снопчиња со пари во кожна чанта. Медицинските работници молат за медицинска опрема, болниците е распаѓаат.

Водството на СДСМ ги интересира се друго освен интересот на народот. Видовме како се носат Луј Витон куфери полни со милиони евра рекетирани пари, за кои осудениот во случајот рекет Боки 13 посочи дека завршиле кај Вице и Зоран Заев. Видовме снимка како Боки 13 е во друштво со веќе осудената за случајот рекет Катица Јанева и Радмила Шекеринска, заменик претседателот на СДСМ.

Слушнавме како се рекетирале и странски бизнисмени за 300.000 евра од самиот врв на Владата предводена од СДСМ.

Слушнавме како Вице Заев давал зелено светло за палење на автомобили на политичките неистомисленици, како се местеле тендери за блиски до власта. Има се повеќе докази дека врвот на СДСМ е една голема криминална банда која ја уништи Македонија.

Видовме се само не видовме како владата предводена од СДСМ реализира проекти во корист на граѓаните.

СДСМ и Заев покажаа дека можат единствено повеќе криминал, можат повеќе корупција и можат само порази. Да ставиме крај на виткањето кичма. Исправи се Македонијо! Одбери обнова!

Центар за комуникации на ВМРО-ДПМНЕ

Промоција на истражувањето за насилството во училиштата и меѓуетничките односи

Во  организација на Првата детска амбасада во светот – Меѓаши денеска ќе биде промовирано истражувањето на тема „Насилството во училиштата и меѓуетничките односи".

Истражувањето, спроведено од страна на Агенцијата за истражување на јавното мислење и маркетинг „БРИМА", е направено во девет средни училишта од Скопје, Велес, Виница, Дебар и Гостивар во периодот ноември-декември 2019 година.

– Важно ни беше да го добиеме мислењето на наставниот кадар и учениците и токму затоа го спроведовме ова истражување. Преку него сакаме да ги поттикнеме сите училишта, наставници/чки, родители, иницијативи, поединци … да ни се придружат во градење на подобро општество и заедничка борба за училишта без насилство, велат од „Меѓаши".

На промовирањето на истражувањето, информираат организаторите, ќе се обратат професори и соработници вклучени во Програмата за мировно образование на Првата детска амбасада во светот Меѓaши./МИА

Промоција на четири изданија за македонскиот јазик

Промоција на четири капитални изданија за македонскиот јазик ќе се одржи денеска на платото пред Македонската академија на науките и уметностите (МАНУ).

– На иницијатива на Македонската академија на науките и уметностите и со целосна поддршка и вклученост на Институтот за македонски јазик „Крсте Мисирков", Филолошкиот факултет „Блаже Конески" и Советот за македонски јазик, деновиве од печат излегоа делата: „Македонскиот јазик – континуитет во простор и време", колективна монографија во којашто што е даден синтетски преглед на историскиот развој на македонскиот јазик од IX век па сè до неговата кодификација; „Погледи за македонскиот јазик", меѓународен зборник на трудови во којшто над 40 странски и македонски лингвисти имаат свои прилози за различни аспекти на македонскиот јазик; „Македонска хрестоматија", избор на позначајни македонски текстови од IX до XX век; и „Лингвистички атлас на македонските дијалекти (според материјалите на ОЛА)" кој дава продлабочен увид во лексичкото богатство на македонските дијалекти, се вели во соопштението од МАНУ.

Сите овие дела се поставени и во дигитална форма на главната страница на МАНУ.

Воведно обраќање ќе има претседателот на МАНУ Љупчо Коцарев, а книгите ќе ги промовираат Катица Ќулавкова, Снежана Велковска, Димитар Пандев и Марјан Марковиќ.

– Со излегувањето на овие значајни изданија за македонскиот јазик, а и со заедничката промоција, македонската лингвистичка средина се обединува за да даде вистински аргументирани и научни одговори за континуитетот и еволуцијата на македонскиот јазик, а и за неговото место во меѓународната славистика и лингвистика, наведуваат од МАНУ. /МИА

притисни ентер