Македонија

Земјоделците и откупувачите ја оценуваат годинашната сезона како една од најдобрите

И земјоделците и откупувачите ја оценуваат годинашната производствена сезона како успешна и една од најдобрите досега. 

Како ретко досега тие се согласуваат дека оваа сезона, која полека завршува, треба да биде пример како земјоделецот, но и другите учесници во производствениот процес, треба достојно да зароботат за вложениот труд.

Според оценката на Сојуз на синдикати на земјоделци од Струмица во споредба со повеќе години назад годинашната била една од подобрите.

-Имаше одредени мали осцилации во откупот на доматите, но вкупно земено е добро. Треба уште да се работи за да се подобрат вкупните состојби, но во секој случај сметам дека земјоделците треба да се задоволни, смета Ристо Велков, претседател на Сојуз на синдикат на змјоделци.

Земјоделецот Коце Божиков од селото Дабиле е со став дека годинава е една од најдобрите досега. Според него, уште на почетокот имало најави дека ќе биде успешна, бидејќи тогаш кромидот се откупуваше од 25 до 30 денари за килограм, младиот компир 40 денари, доматите за 50 денари, цвеклото 25 денари за килограм, благиот компир се откупуваше за рекордни 100 денари, а парче лута пиперка се плаќаше пет-шест денари.

-Имаш исплатливи откупни цени, иако имаше одредени мали падови, но цените бргу се враќаа во нормала. Имаше и квалитетно прозводство, кое за жал е намалено за 30 проценти, а кај некои култури и за 50 проценти. Исто така, за поздравување се мерките на Владата, посебно за субвенционирање на нафтата -„зелена нафта", како и навременото исплаќање на субвенициите што секако влијае врз вкупниот амбиент, рече Божиков.

Слично е и мислењето на на Ванчо Митев од Здружението „Еко градинар" од село Добрејци.

-Може да се каже дека сезоната беш добра. Имавме и добри цени и квалитетно производство како ретко досега. Сите култури поминаа добро. Ништо не остана на нивите и се откупи, потенцира Митев.

Драги Памуков земјоделец од село Куклиш смета дека сезоната што изминува може да се оцени како позитивна, но имало и периоди кои може да се оценат како негативни.

-Тоа се периоди кога има поголемо производство од побарувачката и цените паѓаат и за овие периоди треба да се наоѓаат решенија. Исто така, беше лошо кога имаше увоз на домати од Албанија. Сметам дека треба да се наоѓа решение за проблемите и конечно да заживее планираното производство, додава Памуков.

Откупувачите го делат мислењето на земјоделците за успешната сезона.

-Генерално гледано поуспешна година од оваа немало. Произведеното во најголем дел го консумира домашниот пазар, а извозот одеше „како алва". Се случи само неколку денови да има застој во најголемиот производствен шпиц, а во останатиот период немаше никакви проблеми. Одамна не се случило земјоделци кои го предаваат производството кај мене да заработат толку како годинава, рече Благој Витанов, трговец од Струмица.

И откупувачот Ацо Стоилков од компанијата „Мак смоларски ној" подвлекува дека сеозната била мошне добра за сите. Но, потенцира дека тоа не се должи на зголеменото производство, туку напротив на намаленото и на помалку засеаните површини со градинарски култури.

-Има помалку производители, а побарувачката од одредени странски пазари беше голема. Сметам дека површините мора да се зголемуваат и да не се случува обработливо земјоделско земјиште да не се обработува, а ресорното министерство за него не распишува оглас за давање под закуп. Покрај тоа, треба да се работи на окрупнување на земјиштето за да може да се произведува повеќе и поквалитетно, рече Стоилков.

Годинава градинарските култури од Струмичкиот регион се извезуваа на пазарите во Хрватска, Србија, Романија, Бугарија, Грција и други земји, а покрај странците големи количини откупија и домашните фабрики./МИА

Македонија

Облачно со повремен пороен дожд и грмежи

Времето денеска ќе биде претежно облачно со повремени врнежи од дожд, наместа пообилни (и над 20 л/м²) и поројни, проследени со грмежи особено во западните и јужните делови од земјата.

Ќе дува слаб до умерен, а долж Повардарието и во источните делови повремено засилен ветер од југоисточен правец, соопшти УХМР.

Минималната температура ќе биде во интервал од 4 до 10, а максималната ќе достигне од 11 до 17 степен.

Во Скопје облачно со повремени врнежи од дожд повремено пороен и проследен со грмежи. Ќе дува слаб до умерен јужен ветер. Минималната температура ќе се спушти до 6, а максималната ќе достигне до 14 степени.

Ветерот долж Повардарието ќе продолжи да засилува и во среда. Во среда и четврток ќе има локална појава на повремено пороен дожд и услови за грмежи. Потоа следи период на претежно стабилно и постепено потопло време.

Хороскоп

Дневен хороскоп за 23. април 2024 година

Дневен хороскоп за вторник, 23. април 2024 година. 

Бик 21.4- 20.5.

Љубов

Оние кои сеуште бараат сродна душа , денеска на лесен и пријатен начин би можеле да ја најдат меѓу колегите од работа или на место поврзано со работата.

Кариера

Слободно може да и се препуштите на работата , зашто во активностите ќе најдете се она што сте го очекувале.

Здравје и совет

Одличен ден за вработените.

Близнаци 21.5.-21.6.

Љубов

Во вториот дел на денот би можеле да доживеете вистинска љубовна екстаза и остварување на соништата што долго време сте ги сонувале.

Кариера

Одличен ден за сите дејности поврзани со луѓе или со смисла за естетика. Работите се одвиваат се подобро и подобро.

Здравје и совет

Се чувствувате одлично.

Рак 22.6-22.7.

Љубов

Доколку во емотивните прашања се потпирате на вашиот внатрешен глас, денеска тоа може да ви донесе многу среќа и задоволство.

Кариера

Сите работи поврзани со алтернативното , како и оние поврзани со психологијата ,денеска ќе се одвиваат исклучително добро.

Здравје и совет

Бидете она што сте.

Лав 23.7-22.8.

Љубов

Неврзаните контакти денеска би можеле да ви донесат лично освежување. Оние кои се сами , нека излезат барем на кафе.

Кариера

На кусо службено патување ќе сфатите дека треба да прифатите она што другите ви го предлагаат , заедно со ризикот што оди со тоа.

Здравје и совет

Не анализирајте премногу.

Девица 23.8.-23.9.

Љубов

Вашата најдрага личност веројатно со недоличен потег или говор ќе навреди некого од вашето семејство. Обидете се да ја ублажите кавгата.

Кариера

Премногу размислувања за тоа како соработувате со други ќе ви го одземе скапоценото време.

Здравје и совет

Верувајте и на својата интуиција.

Вага 24.9.-23.10

Љубов

Нивото на вашата самодоверба ќе биде високо , а шансите за дружење отворени. Многумина осамени денеска ќе запознаат нови лица.

Кариера

Со добра финансиска поддршка денеска би можеле да дефинирате дел од работите со странство.

Здравје и совет

Одете до крај без двоумење.

Шкорпија 24.10-22.11.

Љубов

Додека минува денот, полека ќе сфаќате дека некои особини на саканата личност ве возмнемируваат. Прифатете ги , зашто чувството на немир е минливо.

Кариера

Некој од вашите надредени денеска би можел да застане на патот на вашите напредни идеи.

Здравје и совет

Издржете.

Стрелец 23.11.-21.12.

Љубов

На повеќето љубовни настани вие ќе најдете некаква забелешка. Обидете се работите да ги гледате со помалку строгост и опуштете се.

Кариера

Можни се неконтролирани финансиски издатоци. Држете се до зацртаниот план и правете минимални поместувања.

Здравје и совет

Некои ќе го изгубат гласот поради болки во грлото .

Јарец 22.12.-20.1.

Љубов

Денот е добар за неврзано дружење на кафе. Излезете на воздух, прошетајте се , а особено ако се уште сте сами.

Кариера

Нема ништо да се случи доколку само чекате. Треба да се покажете , дас е јавите , дасе претставите.

Здравје и совет

Комуницирајте.

Водолија 21.1.-19.2.

Љубов

Фазата на уживање во љубовниот живот ќе продолжи и денеска. Ќе имате речиси се што би можеле да посакате.

Кариера

За да успеете , потпрете се на самите себеси. Вие сте најдобар патоказ , како за себе , така и за луѓето околу вас.

Здравје и совет

Се враќате низ сеќавањата.

Риби 20.2.- 20.3.

Љубов

Партнерот ќе очекува нежност , а вие ќе бидете повлечени во својот свет. Се ќе биде подобро со малку поголема отвореност.

Кариера

Луѓето со кои соработувате денеска нема да бидат целосно сигурни во која насока да се продолжи со започнатото.

Здравје и совет

Кашлица.

Овен 21.3-20.4.

Љубов

Во емотивните прашања ќе имате големи очекувања. Ќе сакате другите да ве галат и чуваат. Како ќе биде , зависи од партнерот.

Кариера

Ќе продолжите да ги развивате своите инвентивни идеи , додека во исто време ќе наопредува и соработката со колегите.

Здравје и совет

Во добра форма сте.

Живот

Потрошила 1.400 евра на операција на очните капаци

Ѝ се случило нешто на што не се надевала, но одлучила да истрае

Џема Гилфо е шминкерка која никогаш не била задоволна од својот изглед.

Џема Гилфо (39) е шминкерка од англискиот град Ливерпул, која отсекогаш ги мразела своите спуштени очни капаци кои изгледале како „клапнати“. Како што стареела, тоа станувало се поочигледно, па на прагот од петтата деценија решила конечно да оди на операција на очните капаци.

Потрошила 1.400 евра за отстранување на вишокот кожа од очните капаци. Според неа, како некој што работи во индустријата за убавина веќе 19 години, порано не можела а да не се споредува со жените што ги шминкала.

- Очните капаци природно ми се спуштени и ги мразам од кога знам за себе. Не можев а да не им се восхитувам на жените со совршени очни капаци, бидејќи нивната шминка беше совршена. Направив операција за подобро да ми стои шминката и не се покајав - објаснила таа.

Операцијата ја направила во Амстердам, а несаканиот ефект е лузна од 5 сантиметри над десното око во периодот на закрепнување. И покрај лузната, Џема не се кае за интервенцијата и вели дека е многу возбудена што ќе може да ги нашминка своите „нови очни капаци“.

Гилфо првпат слушнала за можноста за отстранување на вишокот кожа на очните капаци од своите клиенти. Жените во нејзиниот салон за шминка редовно разговарале на оваа тема. Џема претходно истражила некои клиники во Ливерпул, пред да одлучи тоа да го направи во Амстердам. Таа преку телефон имала триесетминутна консултација со специјалист, за да биде подетално информирана за постапката.

Операцијата била изведена со локална анестезија и траела околу 30 минути. Сепак, по операцијата, очите добиле модринки и имале оток во следните шест дена. Лекарите ѝ објасниле дека крајниот ефект од операцијата ќе го добие по четири месеци. Џема е воодушевена од резултатите, иако процесот на закрепнување е во тек.

- Се чувствувам одлично, ми се допаѓа што го направив тоа. Сосема е безболно и не ми е толку гајле за лузната, иако имам уште два месеци до целосно заздравување. Очите ги мијам со солен раствор, строго избегнувам сапун на лице, додека од аналгетици пијам парацетамол и ибупрофен. Конечно сум целосно задоволна од својот изглед и среќна сум што решив да направам нешто што долго време го посакував – објаснила таа за Дејли стар.

Извор: srecna.republika.rs

притисни ентер