БМВ: Веднаш престанете да ги возите автомобилите од постарата серија 3 !

Над 12 000 сопственици од постарата серија на БМВ 3 мора веднаш да престанат да ги користат своите автомобили.

Експозитурата на БМВ во Австралија им нареди на сопствениците на постарата серија 3 , Е46 да ги пријават автомобилите на сервис. Станува збор за примероци произведени од крајот на 1997 година до средината на 2000 година. Има околу 12.000 од нив, а отповикувањето е толку итно што БМВ објави документ во кој се содржани сите VIN броеви, потсетувајќи ги погодените возила, во документ од 254 страници.

А, причината за повлекувањето се Таката воздушните перничиња. Од БМВ велат дека постои „критичен ризик од смрт и сериозна повреда за сите патници“. Постои шанса дека во случај на судир, воздушните перничиња нема да се надуваат или уште полошо, гасната ампула може да експлодира. Ако не настрадаат во сообраќајната несреќа, овие шрапнели би можеле да бидат фатални. Во моментов се испитуваат два случаи во кои имало фатални последици за патниците.

Сите сопственици на спорните возила е докажано дека имаат неисправен дел, и ќе добијат замена за возилото или слична форма на компензација, додека нивниот автомобил ќе го поправаат техничари од BMW.

„Зелена лупа" поднесе иницијатива за одговорност на тројца судии од Апелацискиот суд

Здружението „Зелена лупа" до Републичкиот Судски совет денеска поднесе три иницијативи за покренување постапка за одговорност на судии од Апелацискиот суд за неодговорно и несовесно работење.

Овие иницијативи се однесуваат на судиите од Апелацискиот суд, поточно на Гордана Ѓорчева како претседател на Советот на Апелација и Радица Василевска и Фатмир Скендер како членови на Советот.

Според извршниот директор на здружението, Васко Тодорвски, овие судии со прекршување на законот и на своите службени овластувања нанеле голема штета на доверители, со тоа што истите не го почитувале Законот за спорт, не го почитувале Законот за извршување како и Законот за трговски друштва, а со своите незаконити влијанија нанеле голема штета и на одредана група на доверители врзани од Законот за спорт.

-Конкретно овој предмет се однесува на случајот на фудбалерот Срѓан Захариевски против фудбалскиот клуб „Силекс" – Кратово. Се работи за оштета од 300 илјади евра каде што фудбалерот со договор потпишан од Клубот за направен трансфер не можел да ги добие овие средства а истите ги искористил фудбалскиот клуб „Силекс". Ова е само еден случај, вакви случаеви има во повеќе клубови во фудбалскиот клуб „Вардар", во кошаркарскиот клуб МЗТ, и во многу други клубови, истакна Тодоровски на денешната прес-конференција.

Тодоровски рече дека неправдата во судството што го нападна нашиот правосуден систем, единствено може да се искорени со разрешување на судии. Со самото разрешување на судии, појаснува, треба да дојде до прочистување на судството од судии кои не работат согласно законот и кои отстапуваат од свои службени овластувања.

Покрај поднесувањето на овие иницијативи до Судскиот совет, здружението „Зелена лупа" информира дека ќе поднесе и кривични пријави до Основното јавно обвинителство, бидејќи според Здружението, овие судии искористувајќи ја службената положба и овластување на сопствениците на спортските клубови им овозможиле материјални добра со незаконско избегнување на постоечките обврски на штета на доверителите.

-Се работи за случај каде што со Законот од 2011 год беа изневерени повеќе доверители. Тогашната влада им овозможи на свои блиски бизнисмени да се стекнат со право на сопственост на клубовите кои се трансформираа во акционерски друштва без да вложат ниту еден денар притоа да користат средства од друг Закон кој што е врзан за спонзорирање и со тоа да нанесат штета на голем број на спортисти од фудал, ракомет, кошарка. „Зелена лупа" има добиено и поднесоци од уште триесетина други предмети на оштетени страни каде се работи за кривични и за граѓански предмети, додаде Тодоровски.

Тој појаснува дека во овие предмети се сомнева дека судиите кои постапувале предметите им биле дадени на рака со намера да судат тенденциозно во штета на доверители.

Во минатото, од поднесените иницијативи на Здружението, биле разрешени тројца судии од Врховен суд, меѓу кои и поранешниот претседател Врховен суд, Јово Вангеловски како и судиите од Врховен суд Рахилка Стојковска и Ристо Катавеновски./МИА

Горивата поскапуваат од половина до еден денар

Цените на горивата од ноќеска на полноќ поскапуваат за половина до еден денар по литар, одлучи денеска Регулаторната комисија за енергетика (РКЕ). 

Со одлуката се врши зголемување на малопродажните цени на нафтените деривати во просек за 1,53 отсто.

Малопродажните цени на бензинот ЕУРОСУПЕР БС-98 и на Екстра лесното масло за домаќинство (ЕЛ-1), се зголемуваат за половина деанар по литар и ќе изнесуваат 63,5, односно 53 денари за литар. ЕУРОСУПЕР БС-95 и ЕУРОДИЗЕЛ (Д-Е V) поскапуваат за еден денар по литар и ќе чинат 61,5 и 53,5 денари за литар.

Со одлуката на РКЕ за 0,605 денари за килограм се зголемува и малопродажната цена на мазутот М-1 НС и ќе чини 26,585 денари за килограм.

Како причина за зголемувањето на малопродажните цени на нафтените деривати од РКЕ ги посочуваат зголемените референтни цени на светскиот пазар во последните седум дена кај бензинот во просек за околу 3,81 отсто и кај дизелот за околу 3,84 отсто, како и за 0,507 отсто повисокиот курс на денарот во однос на доларот.

Донација од американската Амбасада во заштитни средства за организација на изборите

Амбасадата на САД во земјава денеска на Државната изборна комисија и предаде донација од 50.000 заштитни маски и 10.000 дезинфициенци како помош и поддршка во напорите на Владата да се одржат безбедни избори .

-Чест ми е што сум тука со претседателот на ДИК Оливер Дерковски да му ја предадам оваа донација во иметот на Владата на САД. Се надеваме дека оваа донација ќе даде придонес на напорите на Владата на Северна Македонија да се одржат сигурни и здравствено безбедни избори, рече американската амбасадорка Кејт Мари Брнз, и притоа потенцира дека САД ја поздравува Владата за нејзината посветеност на демократските вредности, како што рече, дури и за време на овие тешки времиња.

Таа потенцира дека заштитната опрема и дезинфициенците се исклучително барани во светот за време на оваа пандемија бидејќи, како што рече, сите земји се обидуваат да обезбедат доволно количини за да ги заштитат своите граѓани.

-Ние сме задоволни од тоа што Владата презема активни мерки да овозможи да се одржат безбедни избори и да ги заштитат граѓаните и лицата кои се вклучени во организацијата на изборниот процес, рече таа додавајќи дека ова е особено важно и поради тоа што ова се први избори кои се организираат во земјава во услови на пандемија.

САД, потенцира американската амбасадорка, „остануваат посветени поддржувачи на нашиот партнер Северна Македонија – нашиот нов НАТО сојузник во справувањето со оваа глобална криза".

Претседателот на ДИК Дерковски, се заблагодари за одѕивот на американската Амбасада на повикот на Комисијата за поддршка во неопходните санитетски материјали.

-Десет илјади средства за дезинфекција и 50.000 заштитни маски кои се донација од американската Абасада и нејзините организации и те како ќе ни помогнат во организација на овие избори, се со цел да овозможиме нашите граѓани да им биде обезбедена најголемата можна заштита при изборниот процес, рече претседателот на ДИК.

Тој изрази надеж и уверување дека соработката на ДИК и американската Амбасада и во иднина ќе продолжи во, како што рече, во овој правец во кој се движела порано и сега./MИА

притисни ентер