Се чекаат резултатите за тоа колку била опасна излеаната течност во “Охис“

Се уште се чекаат резултатите од лабараториските испитувања кои треба да покажат колку била опасна  течноста што се излеа во Охис.. Контаминираната вода уште синоќа е собрана, а наделжните уверуваат дека нема место за паника.

Институциите се уште не откриваат колкав концентрат од опасниот метил акрилат се излеал со водата при чистењето на цистерната во ОХИС. Мостри од течноста се пратени на лабораториски испитувања во МВР и се чекаат резултатите. Неофицијалните оценки на инспекторатот за животна средина се дека се работи за незначителна концентрација на хемикалијата.

Иако непријатната миризба ги измачи околните жители а дел од нив дури и се евакуираа вечерните часови – надлежните испраќаат смирувачки тонови. Уверуваат дека хаваријата во ОХИС е ставена под контрола и нема опасност по здравјето на граѓаните.

„Ако во текот на вчерашниот и денешниот ден по неколку часа сум во ОХИС, сигурно нема јас самиот својот живот да си го ризикувам.“

Првиот човек на фирмата која ги складира хемикалиите не се чувствува виновен за дефектот на вентилот. Не стравува ниту дека инцидентот ќе му наштети на бизнисот и дека може да остане без работна дозвола.

Инцидентот во ОХИС ги крена на нозе и еколошките здруженија. Иницијативата „О2“ го вперува прстот кон фирмата која го вршела чистењето. Бараат објаснување зошто самите не го пријавиле дефектот туку чекале да се огласат околните жители. Од „Екогерила“, пак, алармираат дека негрижата за индустриските погони во иднина може да предизвика нови инциденти од уште поголеми еколошки размери.

„Државата ги рентала овие објекти како резервоари, погони и слично на приватни субјекти. Тие се во една многу лоша состојба, не се одржувани. Не верувам дека некогаш се инспектирани и можеби само ради реда поминал некој инспектор да констатира дека се е во ред.“

Реагираа и од советничката група на ВМРО-ДПМНЕ од Кисела Вода, со обвинување дека се занемарени погоните во ОХИС и побараа одговорност од виновниците.

Земјотрес кај грчкиот остров Хидра

Слаб земјотрес со јачина од 4 степени по рихтер е измерен југоисточно од грчкиот остров Хидра.

Атинската национална опсерваторија соопштила дека потресот бил забележан во 10:15 во море на 51 километар од островот, пренесе „АНА“.

Како што се наведува епицентарот бил лоциран на 122 километри јужно од Атина.

На лондонскиот аеродром уапсен маж кој подготвувал терористички напад

Се сомнева дека тој учествувал во кривични дела во Сирија.

Британската полиција на лондонскиот аеродром Хитроу, уапсила маж кој пристигнал со лет од Турција заради сомнеж дека извршил кривични дела во Сирија, по што против него е покренато обвинение за тероризам.

Мамун Рашид утре ќе се појави пред судот заради обвинение за подготовка на терористички чин, соопшти британската полиција.

Ројтерс наведува дека тој е уапсен во вторник заради сомнеж дека е вмешан во кривични дела поврзани со конфликтот во Сирија.

Британската агенција, исто така наведува дека Турција почнала од своите затвори да праќа поранешни припадници на ИД во нивните матични земји.

Ројтерс не наведува од која земја е уапсениот Рашид.

Папата на ручек угости 1.500 бездомници

Римокатоличката црква денес го одбележува Денот на сиромашните.

По повод тоа Папата Франциск угости на ручек 1.500 бездомници и луѓе во неволја. Гостите во Ватикан биле донесени од волонтери од хуманитарни групи кои секојдневно помагаат на луѓето во неволја.

На менито на ручекот во Ватикан имало лазањи, пилешко во сос од печурки, компир, колач, овошје и кафе.

притисни ентер