„Европа мора да го научи јазикот на моќта. И тоа значи зајакнување таму каде што претходно се потпиравме на другите, а со тоа мислам на безбедносната политика “, рече Фон дер Лејен, говорејќи во седиштето на Фондацијата Конрад Аденауер во Берлин.
Поранешната германска министерка за одбрана побара Европската Унија да ги концентрира своите постојни сили повеќе.
Фон дер Лејин како пример ги наведе односите на ЕУ со Кина.
„Можеме посилно да влијаеме на условите под кои влегуваме во деловна активност со Кина. Кина е важен партнер за ЕУ, но ЕУ е исто така многу важен партнер за Кина “, рече Фон дер Лејен.
Таа истакна дека Европа може да биде „мала и се постара“, но има нешто непроценливо, имено владеење на правото, слободата, демократијата и отвореноста за сите форми на живот.
„Такво нешто немаат младите во Русија и Кина“, додаде таа.
Идниот претседател на Европската Комисија се осврна на „стратешката политика за проширување“ кога зборуваше за земјите од Западен Балкан и нивната европска перспектива.
„Во наш интерес е земјите од Западен Балкан да ја одржат европската перспектива. Ние го делиме истиот континент, истата историја, иста култура и истите предизвици “, рече Фон дер Лејен, додавајќи дека доколку ЕУ ја негира оваа перспектива, другите, без разлика дали Кина, Русија, Турција или Саудиска Арабија, ќе го наметнат своето влијание.