Отворен ден во Кабинетот на претседателот Пендаровски

Ученици од ООУ„Д-р Владимир Полежиноски" од Кичево, денеска го посетија Кабинетот на претседателот , каде имаа можност да се сретнат и лично да поразговараат со претседателот Стево Пендаровски.

Учениците од ООУ„Д-р Владимир Полежиноски" од Кичево имаа можност да се информираат за неговите надлежности, да присуствуваат во просториите во коишто се одвиваат официјалните и работните средби, како и во салите во коишто се организираат свечености, состаноци, настани и прес-конференции.

Посетителите се сретнаа и со дел од вработените во Кабинетот, и беа запознаени со историјатот на Вила Водно, со дел од активностите, и со начинот на функционирање на оваа институција.

Учениците имаа можност да присуствуваат и на церемонијата за промена на државното знаме на платото во кабинетот на претседателот, извршена од припадниците на Баталјонот за почести и опслужување на Армијата, што се одржува со цел подигнување на чувството и почитта кон знамето на Македонија, како репрезент и симбол на државноста на нашата земја.

Денешниот настан е дел од проектот Лице в лице со Претседателот, со кој се реализираат директни средби на граѓаните со претседателот Стево Пендаровски. Сите заинтересирани граѓани и организации, со претходно пријавување на официјалната интернет страница на Претседателот http://pretsedatel.mk/?page_id=3016 ќе имаат можност да остварат директна комуникација со претседателот Пендаровски, да споделат свои идеи, предлози и сугестии, како и да присуствуваат на настани од јавен карактер коишто ќе бидат реализирани во Кабинетот, се наведува во соопштението од претседателскиот кабинет.

Бојко Борисов со закана до Македонија: Да заборите дека Бугарија е фашистички окупатор!

Малку му беше ова, па дополни и дека не само што треба да заборавиме, туку и да почнеме да веруваме дека Бигарија не била на страната на фашизмот овде во Македонија во IIта св. војна!

Коментарите но и статусите на социјалните мрежи на интелектуалците во нашата земја, се во насока на „шок и неверување“.

Едноставно, никому не му е јасно до каде ќе оди ова недобрососедско однесување на официјална Софија, која почнува да ја „злопупотребува“ нашата ЕУ и НАТО аспирација.

Претходно, властите во Бугарија усвоија декларација со која ни забрануваат нашиот , македонски јазик, да го именуваме како што е врпочем и кодифициран во ОН!

До каде ќе одат овие раскошни „добрососедки“ односи и пораки од официјална Софија?

Треба ли да крикнеме - аман  Бугарија, не не „брани“ повеќе ?

ВИДЕО: изјавата на Бојко Борисов
https://blitz.bg/politika/borisov-severna-makedoniya-da-zabravi-antiblgarskata-retorika-video_news710576.html

30 дена притвор за негувателката , која претепа детенце во игротека (ВИДЕО)

Судот и одреди 30 дена притвор на негувателката , која утрово претепа 2- годишно дете во игротеката ,,Дежа ву” во скопски Аеродром.

Жената попладнево била приведена и надлежен јавен обвинител, постапувајќи според член 201 од Законот за кривична постапка и одредил 30 дневен притвор. Мајката го однела детето на преглед во болница, а таму биле присутни и припадници на МВР односно инспектори за насилен криминал и одделение за имотни деликти и малотничка деликвенција.

Детето имало околу две години, а жената заедно со него чувала уште две деца. Трите деца и жената се од Аеродром. Приведена е околу 17:30 часот, а случајот го пријавил сопственикот на кафе барот и игротеката Дежаву, кој случајно ги прегледувал снимките од безбедносните камери.

Турција почна да ги враќа бегалците во Сирија на територијата на избрканите Курди

Турција објави денеска дека стотици раселени Сиријци за прв пат се вратиле во „безбедносната зона“ , област во северо-источна Сирија од која Анкара ја избрка курдската милиција поддржана од западните земји.

Скоро 200 луѓе, кои избегале на запад кон Сирија во област под турска контрола, „се вратиле во своите домови, доброволно и безбедно“, се наведува во изјавата на турското Министерство за одбрана.

Овие лица отишле на подрачјето меѓу сириските градови Тал Абџад и Рас ал-Аин, од каде Анкара ги избрка Курдите во борби со милицијата на Курдските народни сили за заштита (YPG) минатиот месец.

Областа, долга околу 140 км и со ширина од 30 км, Турција ја нарекува „безбедносна зона“.

Турското Министерство за одбрана додаде дека околу 300 дополнителни бегалци досега се преселиле во Тал Абџад од Џарабулус.

Турција ја прекина својата офанзива започната во октомври против КПГ, по склучувањето на двата договори со САД и со Русија, кои предвидуваат повлекување на КПГ од повеќето гранични позиции со Турција.

Претседателот Реџеп Таип Ердоган изјави дека сака да пресели 2 од повеќе од 3,5 милиони Сиријци кои избегаа во Турција од почетокот на сирискиот конфликт во 2011 година.

притисни ентер