Набавена нова медицинска опрема на Клиниката за дерматологија

Во изминатиот период на Клиниката за дерматологија реализирани се и активности за унапредување на просторните капацитети.

Универзитетската Клиника за дерматологија набави нова медицинска опрема во вкупна вредност од речиси половина милион денари, која ќе обезбеди највисок стандард на дијагностика за пациентите кои се лекуваат на оваа клиника, соопшти Министерството за здравство.

Од денеска, на Клиниката во функција се: нов апарат за пресотерапија и лимфна дренажа за лекување хронична венска инсуфициенција, примарни и секундарни лимфедеми на горни и долни екстремитети; дигитален ултразвучен колор доплер ехо апарат за евалуација на артериска и венска циркулација на горни и долни екстремитети, како и нов апарат за ин витро дијагностика во алергологија (алерго тестови преку крв) и алергени за истиот.

Конкретно за апаратот за ин витро дијагностика во алергологија, станува збор за високосензитивна технологија, која е последен стандард во алерголошките тестирања. Предноста на оваа метода е што може да се прават тестови и кога пациентите примаат антиалергиска терапија.

Во изминатиот период на Клиниката за дерматологија реализирани се и активности за унапредување на просторните капацитети. Првпат е отворена соба за изолација, според стандарди на ИХИ (интрахоспитални инфекции), обезбедена е нова работна соба за медицински сестри на женски и детски оддел, реновирана е библиотеката, дежурната лекарска соба и апартманот за приватни пациенти. Воедно, сите соби се климатизирани, сменет е подот во болнички и амбулантски дел, сите простории се комплетно варосани, а за сите амбуланти е набавена и нова компјутерска опрема.

Во изминатите две години, Клиниката за дерматологија кадровски е зајакната со тројца лекари специјалисти дерматолози, двајца лекари на специјализација и две медицински сестри, истакнуваат од Министерството за здравство./МИА

Пресуда на суд во Франција: Патките може да квакаат колку сакаат ! (ВИДЕО)

Патките на мала француска фарма можат да продолжат да се квакаат, пресуди судот во Франција и ја отфрли тужбата од сосед кој се жалел дека звукот на патките му го направил животот мизерен.

Судот во градот Дакс донесе пресуда дека бучавата произведена од шеесет патки и гуски на пензионираниот земјоделец Доминик Дуте во подножјето на Пиринеите во југозападна Франција е во прифатливи граници, јави телевизијата Франс 3.

„Патките победија“, изјави Дуте за Ројтерс.

„Многу сум среќен затоа што не сакав да ги уништам патките“, истакна тој.

Судската жалба е поднесена од соседот, кој се преселил пред една година на имот оддалечен педесетина метри од фармата.

Спорот е последен во серијата судски случаи во кои се прави обид да се поткопа традиционалниот начин на живот во рурална Франција и да се заменат со модерни вредности, за кои се обвинети локалните жители од новодојденците.

Пред два месеци, судот му дозволи на петелот Морис да кукурика в зори и покрај поплаките од соседите кои исто така се доселиле од град на село.

Поголем луксуз не може да се замисли – Мајбах го претстави најновиот СУВ (ВИДЕО)

Заменскиот бренд на Мерцедес , задолжен за луксузни изданија , има нов модел и тоа супер луксузно возило во сегментот на големи спортско урбани возила (СУВ).

Со полно име Mercedes-Maybach GLS 600 4MATIC, ова е нова мешавина на дизајнерскиот концепт на SUV со онаа на крајниот луксуз, досега регуларно резервирана за лимузини.

Трендовите очигледно се менуваат, па откако „Бентли“, „Ролс-Ројс“ и сличните излегоа со луксузни модели, а BMW објави најава, не чекаа многу ниту од Мерцедес.

Она што GLS сега треба да го понуди е луксуз со висок квалитет. Возилото најдобро е илустрирано преку споредбата со летање во удобен салон. Електрично управуваните ролетни ја диктираат количината на контакт со околината, а програмата за суспензија на Мајбах нуди супериорна удобност при возењето. Панорамското лизгање / вртливиот подвижен покрив е исто така електрично управуван, како и климатизираните седишта за масажа.

Фиксната централна конзола го претвора автомобилот во простран четворосед, а задниот дел е подеднакво погоден за работа и релаксација.

Достапен е со можност за проширување, поместување маси и ладилник за шише шампањ. Се разбира, во понудата има сребрени чаши. И тоа не е сè, создаден е соодветен мирис како дел од дополнителниот пакет Air Balance: бел османт (маслинов цвет) , миризлив и лесен, заокружен со мека кожа нота и чај, велат од Мерцедес.

Непотребно е да се каже, моделот отскокнува  и со деталите на надворешниот дизајн. Sвездата на Мерцедес ја украсува хаубата на класичен начин, додека вертикалните хромирани шипки за решетката на радијаторот Мејбах создаваат шарен ефект. Покрај тоа, има хромирани детали и тркала со дијаметар од 23 инчи.

Под хаубата е познатиот 4.0 V8 мотор, специјално подготвен за новата улога. Испорачува 558 КС и 730 Nm и е комбиниран со електричен систем за напојување со моќност од 48 волти. Да, овој џин долг 5,2 метри не вози брзо, но добро е да се знае дека може. Достигнува 100 км на час за 4,9 секунди, и вози до 250 км на час.

Mercedes-Maybach GLS 600 4MATIC ќе се појави на пазарот во втората половина на 2020 година. Цената засега не е позната.

Поради ретко пореметување , германски овчар ќе остане мало кученце (ВИДЕО)

Германскиот овчар Ранџер има две години, но според изгледот никој не би можел да поверува.

Кучето од Аризона се заразило со паразитот Giardia, а откако се опоравило, на сопствениците не им било јасно зошто не се развива како другите кучиња од неговиот вид.

Тој сега е возрасно куче според возраста, но поради реткото генетско нарушување, тој ќе изгледа како кученце цел живот.

"Кога го добивме Ранџер од одгледувачот, тој беше помал од сите други во леглото. Наскоро сфативме дека тоа е резултат на паразит. Ветеринарот се сомневаше дека може да има џуџеста хипофиза, генетска мутација, но сепак бевме скептични бидејќи состојбата беше многу ретка. “, изјави сопственикот Шелби Мајо, за американските медиуми.

На крајот, се покажа дека ветеринарот е во право.

Иако неговата состојба го прави најслаткото кученце на светот, Ренџер од неодамна има и други здравствени проблеми, како што се опаѓање на крзното и флеки по кожата.

Како и да е, тој има среќен живот, па дури и стана sвезда на Инстаграм, каде дури 68.000 луѓе го следат на неговиот профил.

притисни ентер