Една од три жени умира од кардиоваскуларни заболувања, се спроведува акција за превентивни прегледи

 Во пораст е бројот на жени, особено на помлада возраст, кои имаат кардиоваскуларни заболувања. Една од три жени умира од кардиоваскуларни заболувања.

Во насока на подигнување на свесноста за чести превентивни кардиоваскуларни прегледи и кардиоваскуларен скрининг се спроведува акцијата „Црвен аларм за женското срцево здравје" во рамки на која на Универзитетската клиника за кардиологија се вршат прегледи и од 15 прегледани жени една веднаш е задржана на Клиниката, а кај пет биле откриени висок притисок и зголемени маснотии во крвта.

Ова денеска на Клиниката за кардиологија го истакнаа сопругата на претседателот на државата, Елизабета Ѓоргиевска и директорот на таа јавна здравствена установа, Жан Зимбаков.

Ѓоргиевска денеска на Клиниката се вклучи во акцијата заедно со сопругите на амбасадорите на Катар, Бугарија, Унгарија, Украина, Италија, Нада ал Саади, Билјана Ангелова, Сузана Диксне, Наталија Задорожњук, Де Фуриа Ромео, како и сопругата на евроамбасадорот Самуел Жбогар, Маја Жбогар, на кои им беа извршени прегледи.

– Акцијата ќе трае до 1 февруари. Би сакала да апелирам жените на која било возраст да отидат во нивните семејни амбуланти и да извршат скрининг, односно проценка на ризикот за појава на кардиоваскуларни заболувања. За жал, иако сметаме дека карциномот на дојката е еден од најголемите убијци на жените, смртноста од кардиоваскуларни проблеми е драстично поголема. Ако смртноста од карцином на дојка е еден спрема 31, смртноста од кардиоваскуларните заболувања е еден спрема три. Затоа би ги замолила сите жени кои можат да отидат кај општите лекари, рече Ѓоргиевска.

Посочи дека во моментов акцијата се спроведува во регионот на Скопје и околината и ако се процени дека има потреба, таа може да се прошири во цела држава.

– Веќе има ефекти од кампањата. Досега се направени прегледи на 15 жени од кои кај една е најден голем ризичен фактор и е хоспитализирана, а дополнителните прегледи се закажани во наредните недели, додаде Ѓоргиевска.

Директорот на Клиниката, Зимбаков рече дека од 15-те млади жени на кои им се извршени прегледи кај пет се најдени мајорни ризик фактори со препорака за медикаментозен третман.

– Има голема заинтересираност, ќе ја продолжиме акцијата и со поконкретни резултати ќе излеземе по неколку месеци. Кардиоваскуларните заболувања се осум пати поголема причина за смртност кај женската популација отколку карциномот на дојка. Ја организиравме акцијата со цел да ја подигнеме свеста за кардиоваскуларните болести кај жените. Нашата препорака е физичка активност, намалување на телесната тежина, внесување соодветна исхрана…Еден од факторите за кардиоваскуларни заболувања е и стресот, додаде д-р Зимбаков.

Освен на Клиниката за кардиологија, прегледи и разговори за ризиците од ова заболување претходно беа извршени и во ПЗУ Вита Катерина во општината Сарај, која е вклучена во акцијата. 

Откриени докази за постоење петта сила во вселената

Унгарските физичари открија нови докази за постоење на петтата основна сила во вселената, а досега се знаеше за четири.

Атила Крачнахоркај од Институтот за нуклеарни истражувања „Атомки“ и неговите колеги со години го проучувале радиоактивното распаѓање на нестабилниот изотоп берилиум-8, а во 2016 година објавија дека направиле необичен наод - дека можеби е предизвикана од непозната честичка.

Сега, истиот истражувачки тим откри друга аномалија, овој пат во енергетската транзиција во возбудена состојба на јадрото на хелиумот и веруваат дека тоа укажува на постоење на истата, мистериозна честичка, пишува New Scientist.

Во физиката, денес традиционално се разликуваат четири основни интеракции, односно четири основни сили: гравитациони, електромагнетни, слаби и силни нуклеарни сили. Првите две одамна се познати и лесно се забележуваат дури и на долги растојанија. Другите две се видливи само на растојанија во атомски размери.

Унгарските физичари пресметале дека новата честичка има маса од околу 17 мегаелектрони, што е околу 33 пати поголема од масата на електронот. Честичката затоа беше именувана - X17.

Теоретскиот физичар Џонатан Фенг, од Универзитетот во Калифорнија, верува дека честичката X17 може да реагира само со неутрони, во спротивно таа би била откриена порано во други лабораториски експерименти.

Физичарот Крачнахоркај сега чека други, независни научни групи да го потврдат постоењето на оваа честичка.

„Доколку се утврди дека постои, тоа ќе отвори нова насока во физиката на честичките. Имено, X17 би можел да биде врска меѓу обичната и темната материја“, рече Крачнахоркај.

Ријана ризикува да биде блокирана на Инстаграм поради ,,жешки” фотографии

Откако Инстаграм еднаш и го блокира профилот поради разголени фотографии, Ријана уште еднаш ризикува да биде блокирана со објавување на низа жешки фотографии од базен.

„Проблеми на Fenty.com“, напиша Ријана со фотографијата на која носи минијатурно бикини и раскопчана кошула во форма на Франкенштајн. Патем, Фенти е моден бренд, промовиран од Ријана од 2017 година и нејзината прва колекција стигна на пазарот во мај оваа година.

 
 
 
 
 
 
 
 
 
 
 
 
 

#trouble on FENTY.com

A post shared by badgalriri (@badgalriri) on

„Сестро, стоп“, „Се за љубов“, „Ова е сè“, „Каква дојка“, „Ако само јас бев во тој базен“, „Најдобри гради во бизнисот“, коментираа нејзините следбеници  , а се јавија и многу познати луѓе како Бела Хадид или Снуп Дог.

Новиот електричен Фолксваген со вселенска визија само за САД (ФОТО)

Фолксваген одамна не се плаши од Америка и сега и посвети уште една новина.

Тоа е седмиот во низата концепти на платформата MEB, но и втор со префиксот ИД. Space Vizzion , се разбира е со електричен погон. Во моментов има еден мотор од 275 КС кој се наоѓа во задниот дел, но идејата за верзијата AWD е отворена.

Во тој случај, во предниот дел би бил инсталиран друг електричен мотор, додека вкупната моќност би се зголемила на 340 КС. Батериите се 82 kWh и достигнуваат 590 км на WLTP. Најголемата брзина е ограничена на 175 км на час, додека спринтот до 100 трае околу 5 секунди.

Вреди да се спомене дека овој хибриден караван и кросовер VW има 4958 mm во должина, 1897 mm широк и 1529 mm висок, додека тркалата се со дијаметар до 24 инчи за подраматичен изглед. И да, аеродинамиката е одлична - има коефициент на лизгање на воздухот од 0,24.

Возилото нема рачки на вратите, кои се отовраат на допир преку светлосна маска. Внатре има најсовремен дигитален кокпит и главен дисплеј со AR технологија.

Сериското производство е потврдено во Фолксваген и почнува од крајот на 2021 година. Изведбата на автомобилите од сериско  производство, наводно, ќе биде многу слична, но веројатно без електричните скејтборди во багажникот.

притисни ентер