„Само Интервју” вечерва со Оливер Спасовски

Вечерва во „Само Интервју“ гостува Оливер Спасовски.

Почитувани дами и господа, денеска за некого е причина за слава а за нас ден за уште една потрага по вистинските одговори на прашањата што никој неќе да ги чуе. А такви одговори ќе бараме и вечерва од нашиот гостин министерот за внатрешни работи Оливер Спасовски. Прво избега Груевски а потоа и Спасов.

Министерот побара истрага а сега чека детали од неа.  Има ли полициска сила што ќе ги фати бегалците?  Со скинати униформи, износени чизми и несоодветна исхрана полицијата со години се бори за подобар статус. Дотогаш Спасовски бара чаре како да ја проветри од неподобните. Како до модерна и ефикасна македонска полиција? Криминалот постојано цвета разрешници се’ помалку има. Има ли јунак полициски што ќе се фати во костец со непослушните? Успешно се справуваше со мигрантската криза ама над глава се’ уште му стојат илјадници беглаци и трговци со луѓе од истокот.

Што им кажа а што му порачаа пријателите на Салцбуршкиот форум на Спасовски? После ВМРО-ДПМНЕ, и СДСМ селектираше ракометна легенда во тимот. Вистинска желба да се унапреди спортот или насушна потреба за изборни гласови? Со каква тактика ќе истрчаат на терен поранешните соиграчи сега лути партиски ривали? Ќе победи ли одбраната на ВМРО-ДПМНЕ или нападот на СДСМ? Дали близината со Заев или чесната партиска борба ќе го направат Спасовски технички премиер на предизборната влада?

На сите овие прашања и многу повеќе вечерва со нашиот Гоце Михајлоски ќе одговара министерот за внатрешни работи Оливер Спасовски. Ексклузивно и само на Канал 5, вечерва во 18 и 30 во „Само интервју“.

Илјадници португалски полицајци излегоа на протест – бараат повисоки плати (ВИДЕО)

Илјадници португалски полицајци и жандарми протестираа по улиците на Лисабон и побараа зголемување на платите , а воедно предупредија за недостиг на персонал.

Кон крајот на попладневните часови, полицајците тргнаа кон зградата на парламентот, носејќи транспаренти на кои бараат „фер плати и пристојни услови за работа“, пренесе АФП.

Тоа е првото поголемо социјално движење од победата на социјалистичката влада и парламентарните избори во октомври.

Социјалистичката влада на премиерот Антонио Коста веќе се соочи со бран протести од страна на повеќе категории работници минатата зима, разочарани што политиката не се движи кон зголемување на куповната моќ по долгогодишното штедење и економска криза.

Полицајците предупредуваат на „постојаната неподвижност“ на владата во однос на условите за исплата на плати и пензии, објасни претседателот на Унијата на полициски професионалци, Пауло Родригез.

„Министрите останаа исти и ништо значајно не се смени за последните четири години, така што ова создава нестабилност и неефикасност на нашите тимови“, рече првиот човек на главниот полициски синдикат, кој претставува скоро половина од околу 20.000 полицајци во Португалија.

Израел го обвини премиерот Нетанјаху за корупција

Сеуште актуелниот израелски премиер Бенјамин Нетанјаху, кој загуби на неодамнешните избори, е обвинет за корупција.

Попладнево, израелскиот јавен обвинител официјално го обвини Нетанјаху за серија коруптивни практики, пренесува Асошиејтед Прес.

Јавниот обвинител Авичаи Манделблит издаде обвинение во кое го обвинува израелскиот премиер за измама, нарушување на довербата и примање мито.

Нетанјаху се изјасни за невин и дека е жртва на прогон.

Венеција поради поплавите може да го загуби статусот на заштитен град од УНЕСКО

Венеција може да го загуби статусот како заштитено светско културно наследство доколку не може да се заштити од сè поголемите поплави, предупредија вчера претставниците на УНЕСКО, нудејќи помош во обновата на градот.

„Најважните згради на листата на светското наследство се загрозени ... поради тоа сме загрижени, особено затоа што ова не е изолиран случај“, рече Мехтилд Реслер, директор на Центарот за светско наследство.

Венеција беше погодена од највисоката поплава овој месец за повеќе од 50 години, со прилив од дури 1,8 метри, што предизвика огромна штета.

Досега, само две знаменитости се  отстранети од списокот на светско наследство на УНЕСКО. Прво е отстрането арапското светилиште Орикс во Оман во 2007 година заради недостаток на заштита , а потоа долината на реката Лаба кај Дрезден во 2009 година каде што е изграден мост.

Со оглед на тоа што Венеција е сè поплавена, советодавната мисија на УНЕСКО треба да го посети градот во 2020 година, а Центарот за светско наследство се подготвува да испрати експерти за да проценат заедно со градските власти , а воедно УНЕСКО  е подготвено да помогне во собирањето средства за реконструкција.

Со своите 118 острови и лагуни, Венеција беше прогласена за светско наследство во 1987 година.

Рослер предупреди дека високиот прилив и поплавите во Венеција е јасен доказ за влошување на климатските промени и рече дека УНЕСКО и националните и градските власти мораат да го решат ова на долг рок.

притисни ентер