Св. Великомаченик Димитриј – Митровден

Според календарот на МПЦ (Јулијанскиот календар) денеска е Свети великомаченик Димитриј – Митровден.

Свети Димитриј се роди во Солун, во третиот век. Беше син единец на солунскиот војвода. По смртта на татко му, цезарот Максимијан го постави Димитриј на истото место и посебно му препорача да ги гони христијаните.

Меѓутоа, Димитриј не само што не ги гонеше, туку и јавно ја исповедаше и проповедаше верата во воскреснатиот Христос. Штом слушна за тоа, цезарот, враќајќи се од еден поход, наврати во Солун, за да ја испита работата. Го повика Димитриј, кој не ја одрекуваше својата вера и дури и го убедуваше цезарот во бесмисленоста на идолопоклонството. Максимијан се разгневи и го фрли Димитриј во затвор, а по неколку дена и го погуби. Некои христијани го земаа неговото тело и чесно го погребаа. На тоа место подоцна беше подигната црквичка, а после и голема црква, која до ден денес се наоѓа во Солун. Таму се сместени и неговите мироточиви мошти.

Свети великомаченик Димитриј (Митровден), 8.XI/26.X.

Празник на заштитникот на градот Солун и почеток на зимската половина од годината

Именден празнуваат: Димитрија, Митре, Димо, Димко, Димана, Димка, Мите, Димитрина, Митра…

Меѓу поголемите есенски празници поврзани со домашни служби спаѓа и празникот Митровден што се празнува во спомен на светиот великомаченик Димитриј Солунски, наречен уште и чудотворец и мироточив. Овој празник претставува и меѓник меѓу летниот и зимскиот период од годината.

Овој празник меѓу народот е познат како Митровден (Митроен) и се празнува на 8 ноември според новиот (или на 26 октомври според стариот) календар. Тогаш завршува летниот и започнува зимскиот период од годината. Поради собраните плодови, значително намалениот ден, студеното време и сл. се вели дека со Митровден започнува зимата. Оттука и македонската народна пословица: „Дојде ли Митровден, чекај си Ѓурѓовден".

Насекаде во Македонија на Митровден се главувале момоци, селски говедари, полјаци, протуѓери, овчари, козари, свињари итн., но и селски старешини одборници, коџобашии итн., договор што важел до Ѓурѓовден или до следниот Митровден. На Митровден се правеле гозби за главените момоци, им се исплаќала ругата (заработувачката) и се правел пазар за наредниот период.

Во некои места на Македонија Митровден е домашен празник, се чекаат гости, се месат лебови, се коли курбан или се одржуваат панаѓури. Во Разлошко како што е запишано во зборникот на браќата Молерови, Митровден бил празнуван со собор како ѓурѓовденскиот на врвот „Свети Митар" среде Пирин. Таму имало „тројалиште" заобиколено со дванаесет даба во спомен на 12-те апостоли. Интересно е што во околината никаде немало даб. Во последно време поради тоа што времето во овој период на годината е студено со дожд и снег и овој собор е изоставен.

Антон Поп Стоилов забележал дека во Мариово собир имало во с. Манастир кај црквата „Св. Димитрија", а на овој ден панаѓур правеле и селата Бзовиќ, Старавина, Градешница и Груништа. Марковиот манастир во близината на Скопје е посветен на свети Димитрија и во него има циклус фрески од животот на овој светец. Во Гевгелиско, како што запишал Стефан Тановиќ свети Димитрија го празнувале и Турците под името Касим. Во овој крај до овој празник го собирале бериќетот од полето за после да ги пуштат говедата без чувар (ајмана). Исто така, цел ден се одело на лов касимавна – митровденски лов. На овој ден вечерта на овчарите, воловарите измеќарите и сл. им се приредувала вечера и им се исплаќала заработувачката за изминатиот период.

Со Митровден се поврзани и повеќе верувања. Марко Цепенков забележал дека „како што ќе биди дено на Митроен топол, студен и ер како да биди, таквие ќе биле четириесетте дни по Митроен".На друго место Цепенков запишал дека „на новина ако биди Митроен, тешка зима ќе имало."

Светиот великомаченик Димитрија живеел во третиот век по Христа. Се родил во Солун и бил син на градоначалникот на овој град. Легендата вели дека солунскиот војвода долго немал пород и по многуге молитви упатени кон Бога бил даруван со машко дете кое со големо внимание го образувал и воспитувал и го воведувал во христијанството. Во тоа време овие краишта биле во составот на Римската империја и со нив управувал царот Максимијан, кој бил паганин и жестоко ги прогонувал христијаните.

По смртта на татко му, Димитрија бил именуван од страна на Максимијан за градоначалник на Солун при што бил советуван да биде немилосрден кон христијаните, да ги убива и прогонува секаде каде што ќе ги сретне. Но Димитрија бил христијанин. Најпрвин тајно, а потоа и јавно го поддржувал христијанството, ги подучувал христијаните како да се чуваат од лошите пагани и да не се откажуваат од Христа дури и по цена на животот. За ваквата дејност на Димитрија разбрал и царот Максимијан. За да се увери во тоа што го слушал тој дошол во Солун. Димитрија не само што не порекнувал дека е христијанин туку го презрел идолопоклонството на царот. Затоа овој наредил веднаш да биде затворен. Димитрија, знаејќи што го чека целиот свој имот му го оставил на некој пријател по име Лупа, тој да го раздели на сиромаси. Во затворот ги слушнал зборовите на ангелот Божји кој му рекол: „Мир на тебе, страдалниче Христов, охрабрувај се и не очајувај".

Во тоа време во Солун имало амфитеатар во кој се изведувале гладијаторски борби. Луѓето се бореле меѓусебно до смрт или во арената биле предавани на крвожедните ѕверови. Особено страдале измачените христијани кои биле убивани од гладијаторите или раскинувани од ѕверовите на очиглед и одобрување од преполниот амфитеатар. Меѓу гладијаторите со својата суровост посебно се истакнувал и на царот му бил мил некој со име Лиј кој ги измачувал христијаните до смрт, а потоа ги убивал или ги фрлал на ѕверовите или под арената каде што паѓале врз исправени копја, се набодувале и во страшни маки умирале.

Во тоа време во Солун живеел еден храбар човек по име Нестор, кој не можејќи да ги трпи нечовечните постапки на паганите посебно на тиранинот Лиј решил да му излезе на двобој, да го убие или да загине. Тој го посетувал Димитриј во затворот и од него барал дозвола за тоа. Св. Димитриј го благословил велејќи му: „Ќе го победиш Лиј, но ќе пострадаш за Христа". Потоа Нестор ја прифатил борбата со гладијаторот и го убил. Кога за тоа разбрал римскиот император наредил Нестор веднаш да биде исечен, а и Димитриј да биде погубен во затворот. Царските војници веднаш го убиле Нестора, а кога дошле во затворот кај Димитриј виделе како тој без страв се моли на Бога, а од лицето му зрачела чудна светлина. Плашејќи се да му се доближат војниците го убиле од далечина гаѓајќи го со копјата. Тоа се случило рано наутро на 26 октомври според стариот (8 ноември според новиот) календар 306 година и тој ден се смета за празник посветен на свети Димитриј Солунски. Источната црква го канонизирала за светец. Неговото тело христијаните тајно го погребале во црквата што го носи неговото име во Солун.

На иконите свети Димитрија е претставен во војводска облека на коњ и со копје убива човек кој е под копитата на коњот. Тоа е Лиј кој бил убиен од Нестор со благослов на Димитриј.

За време на животот Димитриј бил војвода на Солун, и негов заштитник. Но и по смртта тој останал заштитник на Солун зашто ги одбивал непријателите, направил многу чуда, ги исцелувал болните, ги застапувал пред Бога сите што ќе ја побарале неговата помош. Бил наречен Димитриј Солунски и во споменот на народот останал како патрон на овој град, но и како негов бранител, заповедник, господар, застапник и посредник. Црквата „Свети Димитриј" во Солун од крајот на В век била најпосетеното светилиште на побожните христијански аџии. Православните Руси го зеле на заштитник на Сибир, откако го освоиле и го припоиле кон Русија на 26 октомври 1581 година.

Светата христијанска црква го празнува и споменот на светиот маченик Нестор, кој со благослов на свети Димитриј го убил гладијаторот Лиј. Тоа е денот по празникот на Св. Димитриј, 9 ноември според новиот календар (или 27 октомври според стариот календар).

Во некои краишта на Македонија, во народното верување овој ден се смета за празник на глувците. Во Кумановско, на пр. се вика „глушчов дeн" и тогаш не се работи за да не го јадат глувци житото и брашното. Според верувањето тогаш и не се буричка во брашното и не се дава заем за да не го разнесуваат глувците. Истото верување во минатото е забележано и во Битола. Но на овој ден се саделе овошки и лози зашто се верувало дека сигурно ќе се фатат. „Какво (дрво) да се насади на тој дeн, ќе се фане и ница" се вели во Кумановско. Во Гевгелиско, како што запишал Стефан Тановиќ Св. Нестор се сметал за лесен празник. Се верувало дека тој бил помлад брат на свети Димитрија и бидејќи бил посиромав не успеал да се прослави како него, поради што и помалку се празнува. За свој покровител го имале мајсторите (ѕидарите).

Тропар

Свети великомаченик Димитриј – Митровден

Како голоем херој во бедите Те најде вселената, страдалнику победувајќи ги незнабошците. Па како што ја скрши Лиевата гордост а го поттикна на смел подвиг Нестора, така свети Димитрие, на Христа Бога моли се, да ни дарува голема милост./МИА.

Ауди го претстави RS Q8 , СУВ чудовиште со 600 КС (ВИДЕО)

„За прв пат по 25 години од постоењето на Audi RS, на патиштата ставаме голем SUV купе со гени на вистински спортски автомобил со високи перформанси“, рече Оливер Хофман, извршен директор на Audi Sport GmbH.

„Со својот битурбо V8 бензински мотор, Audi RS Q8 е престижниот предводник на семејството модели RS “.

Најбруталниот сериски се напојува со добро познатиот 4.0 V8 битурбо мотор, тој испорачува 600 кс и 800Nm . Доволно за да достигне 100 км на час за 3,8 секунди, а на 200 км на час по 13,7 секунди, додека максималната брзина се искачува на 305 км на час.

Овој битурбо V8 во новиот RS Q8 комбинира максимални перформанси со висока ефикасност. Неговиот благ хибриден систем (MHEV) се заснова на електричен систем од 48 волти. Јадрото на системот MHEV е алтернатор-стартер управуван со ремен, споен со коленестото вратило. За време на забавување и сопирање, може да врати до 12 kW моќност и да се складира електрична енергија во компактната литиум-јонска батерија. Исто така, постои и систем за деактивирање на цилиндрите, еден интересен систем управуван од предниот сензор. Поточно, веднаш штом сензорот ќе види дека автомобилот пред вас тргнал, тој ќе го стартува моторот, без оглед што продолжувате да ја притискате сопирачката.

Енергијата се потпира на quattro постојан погон на сите тркала преку стандарден осумстепен титроничен менувач. Овој целосно механички центар за диференцијал обично дистрибуира 40:60 возачка моќ помеѓу предните и задните оски. До 70% вртежен момент може да се насочи кон предните тркала и 85% кон задните.

Спортската воздушна суспензија со контрола на тврдоста и прилагодување на височината до 90 mm е стандардна. Опционално се нуди  електромеханичка стабилизација на активниот наклон (EAWS) за да се минимизира навалување на каросеријата за време на брз влез во кривина. RS Q8 доаѓа стандардно со 22-инчни алуминиумски тркала и гуми 295/40 - најголеми во сериското производство на Audi. 

Позната е и цената. Првите копии ќе пристигнат во германските салони на почетокот на следната година, со почетна цена од 127.000 евра.

Откриени докази за постоење петта сила во вселената

Унгарските физичари открија нови докази за постоење на петтата основна сила во вселената, а досега се знаеше за четири.

Атила Крачнахоркај од Институтот за нуклеарни истражувања „Атомки“ и неговите колеги со години го проучувале радиоактивното распаѓање на нестабилниот изотоп берилиум-8, а во 2016 година објавија дека направиле необичен наод - дека можеби е предизвикана од непозната честичка.

Сега, истиот истражувачки тим откри друга аномалија, овој пат во енергетската транзиција во возбудена состојба на јадрото на хелиумот и веруваат дека тоа укажува на постоење на истата, мистериозна честичка, пишува New Scientist.

Во физиката, денес традиционално се разликуваат четири основни интеракции, односно четири основни сили: гравитациони, електромагнетни, слаби и силни нуклеарни сили. Првите две одамна се познати и лесно се забележуваат дури и на долги растојанија. Другите две се видливи само на растојанија во атомски размери.

Унгарските физичари пресметале дека новата честичка има маса од околу 17 мегаелектрони, што е околу 33 пати поголема од масата на електронот. Честичката затоа беше именувана - X17.

Теоретскиот физичар Џонатан Фенг, од Универзитетот во Калифорнија, верува дека честичката X17 може да реагира само со неутрони, во спротивно таа би била откриена порано во други лабораториски експерименти.

Физичарот Крачнахоркај сега чека други, независни научни групи да го потврдат постоењето на оваа честичка.

„Доколку се утврди дека постои, тоа ќе отвори нова насока во физиката на честичките. Имено, X17 би можел да биде врска меѓу обичната и темната материја“, рече Крачнахоркај.

Ријана ризикува да биде блокирана на Инстаграм поради ,,жешки” фотографии

Откако Инстаграм еднаш и го блокира профилот поради разголени фотографии, Ријана уште еднаш ризикува да биде блокирана со објавување на низа жешки фотографии од базен.

„Проблеми на Fenty.com“, напиша Ријана со фотографијата на која носи минијатурно бикини и раскопчана кошула во форма на Франкенштајн. Патем, Фенти е моден бренд, промовиран од Ријана од 2017 година и нејзината прва колекција стигна на пазарот во мај оваа година.

 
 
 
 
 
 
 
 
 
 
 
 
 

#trouble on FENTY.com

A post shared by badgalriri (@badgalriri) on

„Сестро, стоп“, „Се за љубов“, „Ова е сè“, „Каква дојка“, „Ако само јас бев во тој базен“, „Најдобри гради во бизнисот“, коментираа нејзините следбеници  , а се јавија и многу познати луѓе како Бела Хадид или Снуп Дог.

притисни ентер