Хозе Калдерон ја заврши кариерата

Шпанскиот плејмејкер Хозе калдерон на 38 години реши да ја напушти професионалната кошарка.

Хозе Калдерон има доста богата кариера во Европа и во НБА - најсилната лига на светот.

Тој ја започна својата кариера во Алава, градејќи ја преку Аликанте, Фуенлабрада и секако Тао Керамика, за да замине во НБА во 2005 година и да го добие дресот на тогаш најмладата франшиза - Торонто Репторс.

Во сезоната 2008/09, Калдерон беше рекордер во процентот на слободни фрлања, со уште една одлична сезона во Торонто, кога беше лидер во процентот на шутирања за три поени, што го повтори и во дресот на Детроит Пистонс една сезона подоцна.

Потоа ги бранеше боите на Далас Маверикс, Њујорк Никс, Лос Анџелес Лејкерс, Атланта Хокс и Кливленд Кавалирс, за да ја одигра својата последна сезона на големата сцена во Детроит.

Калдерон ќе се приклучи на сојузот на играчи, каде ќе биде асистент на специјалниот консултант Мишел Робертс.

Мисајловски: Чаир е заборавен од власта, ние ветуваме дека тука повеќе нема да има граѓани од втор ред, туку илјадници проекти за сите граѓанин

Денеска повторно сме во Чаир, да се видиме тука со населените места, во маалата, да разговараме за проблемите на граѓаните, рече потретседателот на ВМРО-ДПМНЕ и носител на изборна единица 2, Владо Мисајловски  .

Се видовме и со повозрасните, со пензионерите кои не замолија да се зголемат пензиите, не замолија реално да се зголемат пензиите, а не како изминативе три години во кои постојано се ветуваше, но за жал пензионерите не добија ниту денар повеќе.

Затоа ние се обврзуваме со ветување до сите пензионери дека ќе ги зголемиме пензиите за преку 20%, бидејќи тие заслужуваат и се столб на општеството.

Тие тука во Чаир живеат и живееле со години, сакаат да останат тука, затоа треба да им го подобриме стандардот, но не само на пензионерите, туку и на сите останати. Затоа ветуваме поголеми плати, како и подобар животен стандард.

Ветуваме инфраструктурни објекти, ветуваме поголеми капитални инвестиции. Позади мене се наоѓа Поликлиниката Чаир, СДСМ ветуваше дека ќе ја реновира комплетно, но може да видиме дека едно камче не е мрднато. Ние можеби ветуваме илјадници проекти, но сите тие се издржани, сите тие ќе бидат исполнети, затоа што ние стоиме позади секој еден проект. Можеби не ветуваме се и сешто, но она што ќе го ветиме, ќе го исполниме.

Тука доста граѓани се чувствуваат како граѓани од втор ред, бидејќи институциите не работат за нив, бидејќи локалната и централната сосема ги заборави.

Затоа почитувани граѓани, почитувани чаирчани дајте ни ја поддршката, дајте ни шанса да направиме обнова во Македонија. Да направиме обнова во културата, да ја обновиме инфраструктурата, обнова на традиција и достоинството и на семејните вредности.

Чаир е место кое заслужува да му се даде посебен акцент, Чаир не смее да се заборави и овие луѓе тука кои се останати да живеат, сакаат само една подобра перспективност, подобар стандард и нивните деца да продолжат да живеат тука.

За да младите останат тука, потребна е обнова на Македонија, затоа ги повикувам сите граѓани да излезат и да ни ја дадат поддршката, а после 16-ти јули да работиме напорно секој ден, за секој еден граѓанин.

Центар за комуникации на ВМРО-ДПМНЕ

Грчката забрана за Србите важи до 15 јули, мерката може и да се продолжи

Грција ќе ги затвори границите за српските граѓани од утре од 6 часот, а сега објавија колку долго ќе трае оваа мерка.

„Пристапот до Грција за сите граѓани на Србија, на сите премини, ќе биде забранет до 15 јули“, објави грчката влада.

Грција исто така напомена дека, во согласност со своите договори со ЕУ, може да ја преиспита оваа мерка и дека анализите се прават на дневна основа.

Треба да се додаде дека се наведува дека оние кои имаат „исклучителни причини“ за своето патување сепак ќе имаат право да влезат во Грција, но не е прецизирано што значи тоа, наведуваат српските медиуми.

Драматично во Јапонија: Најмалку 20 загинати и 14 исчезнати во големите поплави (ВИДЕО)

Најмалку 20 луѓе загинаа, а 14 се водат како исчезнати во поплавите и лизгањето на земјиштето, предизвикани од  рекордни поројни дождови во југозападна Јапонија, објавија локалните медиуми.

Се стравува дека 14 исчезнати лица се исто така мртви, ден откако поплавата го погоди руралното подрачје на префектурата Кумамото, јави телевизијата НХК, повикувајќи се на локалните власти.

Околу 50 луѓе се спасени од поплавен дом за стари лица во селото Кума, на околу 950 километри југоисточно од Токио, пренесува Kyodo News.

Властите во Кумамото наредија евакуација на околу 200 000 жители, бидејќи обилните дождови, лизгање на земјиштето и поплавите продолжуваат да се закануваат.

Јапонската метеоролошка служба очекува силниот дожд да зафати големи области од источна и западна Јапонија до вторник.

Префектурите Кумамото и Кагошима се зафатени од силен дожд уште од вчера.

Врнежи од дожд до 300 мм се очекуваат на југозападниот остров Шикуку, 250 мм на островот Кјушу, вклучувајќи го Кумамото, и 200 мм на источниот и централниот дел на земјата, вклучително и Токио, до понеделник вечер, соопшти метеоролошката служба.

Пред две години, поплавите и лизгањето на земјиштето во западна Јапонија однесоа повеќе од 220 животи, што претставува најголем број загинати поврзани со временски непогоди во три децении.

притисни ентер