Шекеринска – Палмер: Силна поддршка на САД за евроатлантски перспективи на државата - Канал 5

Македонија

Шекеринска – Палмер: Силна поддршка на САД за евроатлантски перспективи на државата

Министерката за одбрана Радмила Шекеринска денеска во Министерството се сретна со Метју Палмер, заменик помошник на државниот секретар на САД и специјален претставник за Западниот Балкан, кој е во посета на нашата држава.

Шекеринска – Палмер: Силна поддршка на САД за евроатлантски перспективи на државата

На средбата станало збор за НАТО перспективата на државата која со ратификацијата во Сенатот на САД и уште 25 земји членки на НАТО е сосема јасна – Македонија наскоро ќе биде потврдена како 30.земја членка на НАТО. Високиот гостин од американскиот Стејт Департмент ја реафирмираше поддршката на САД за нашата земја и за европските перспективи на државата.

„ Ратификацијата во сенатот на САД и посетата на американскиот државен секретар Помпео се силен доказ за стратешкото партнерство и поддршката од САД за Северна Македонија. Недонесувањето на одлуката на Европскиот совет за почеток на преговори не ја менува нашата одлука – да работиме на остварувањето на нашите стратешки цели – членството во Европската Унија и НАТО ", рече министерката Шекеринска.

Министерката Шекеринска и заменикот помошник државен секретар на САД, Палмер заклучија дека соработката во одбраната меѓу двете земји е на највисоко ниво и дека со членството на Македонија во НАТО таа соработка ќе се зајакнува, соопшти Министерството за одбрана.

Забава

Вучиќ на клупа за вежбање: Да бидам за нијанса помалку дебел (Видео)

Александар Вучиќ објави видео на Инстаграм од парк каде што седи на клупа за вежбање.

Вучиќ на клупа за вежбање: Да бидам за нијанса помалку дебел (Видео)

„Далеку сум од добра форма, но Србија е повторно на вистинскиот пат“, напиша српскиот претседател во описот на објавата. Во видеото, тој почна да ги наведува проектите што има намера да ги заврши во наредниот период.

Потоа рече:

„И треба да го искористам ова кратко време пред ручек како да правам нешто, за да биде помалку забележливо она што ќе го јадам. Во секој случај, Србија е повторно на вистинскиот пат. И време е да ги подобрам моите физички карактеристики, да бидам за нијанса помалку дебел и со малку повеќе енергија отколку во претходните неколку месеци.“ Тој не правеше никакви вежби.

Неговото видео набрзо се прошири на социјалните мрежи, а луѓето му пишуваа дека се бламира.

„Лошо се храниш“, се пошегуваа некои во коментарите со емотикони за сендвичи.

Тагови: Александар Вучиќ вежбање

Фудбал

Алмеида нoв тренер на Севиља

Шпанскиот фудбалски прволигаш Севиља го назначи денеска поранешниот аргентински репрезентативец Матијас Алмеида (51) за нов тренер, потпишувајќи тригодишен договор.

Алмеида нoв тренер на Севиља

За време на неговата фудбалска кариера, Алмеида мина една сезона во Севиља, што беше негова прва европска станица по пристигнувањето од Ривер Плата, а подоцна играше во Италија за Лацио, Парма и Интер.

Алмеида го постигна најголемиот успех во својата тренерска кариера досега со грчкиот АЕК, со кој ја освои грчката титула и трофејот во Купот во својата прва сезона на клупата на клубот од Атина./МИА

Тагови: Алмеида Севиља

Македонија

Ангеловски: Можете ли да победите 150-годишна стратегија со „шарм-стратегија“?

„Со поделбата на Македонија во 1913 во Букурешт мислеа дека го затврорија македонското прашање“

Ангеловски: Можете ли да победите 150-годишна стратегија со „шарм-стратегија“?

Симптоматично е што нема да присуствува Радев, туку ќе оди Премиерот Жељазков, јасни се ставовите на Радев кои малку одудираат од ставовите на НАТО и затоа тој нема да биде присутен таму. Точно е она што го вели бугарскиот премиер Георгиев, дека немаат отворени прашања, бидејќи истите тие ги затворија во сандакот кој требаше да биде посмртниот а во кој шајките ги стави Османи. Дваесет години говорам за двојните стандарди кои ги имаат членките на ЕУ. Имаме тврдење на ЕК дека Украина е многу блиску до зачленување поради што нема корупција и нема отворени прашања со соедите. Големите Европски сили со поделбата на Македонија во 1913 во Букурешт мислеа дека го затврорија македонското прашање. Не можат да се помират дека таа одлука не е исправна. Можете ли да победите 150-годишна стратегија со „шарм-стратегија“? Се доведовме до ситуација меѓународното право за се „крши“ овде, врз нас,вели Страшо Ангеловски во Само Вистина.

притисни ентер