Околу милион луѓе протестираа вчера во Сантијаго, Чиле, против радикалните социјални реформи.

„Чиле доживува историски ден денес. Сантијаго е сведок на мирен марш на милион луѓе кои го претставуваат сонот за ново Чиле“, напиша градоначалникот Рубилар на Твитер.

Градоначалникот изјави за радио станицата Куператива дека 1,2 милиони луѓе излегле на улиците, проценувајќи дека „Чиле денес се смени“.

Локалните власти објавија дека 820.000 луѓе учествувале на протестите на централниот плоштад во Плаза Бакедано до 6 часот вчеравечер.

Демонстрантите, кои бараат оставка од претседателот Себастијан Пинера, маршираа покрај зградата на Владата без инциденти, а протестите се одржуваат и во другите чилеански градови, вклучувајќи ги Валпараизо, Пунта Аренас и Вина дел Мар.

По околу еден час од почетокот на протестот , полицијата интервенираше во обид да ги растера демонстрантите и на нив фрлаше солзавец и ги гаѓаше со водени топови.

Војската потврди дека полицискиот час останува на сила во главниот град од 11 часот наутро до утрово во 4 часот по полноќ.

Осумте дена насилство однесоа најмалку 19 животи, 585 се повредени и скоро 3.000 се уапсени.