Џонсон повика на генерални избори во Британија на 12-ти декември

Премиерот на Велика Британија Борис Џонсон повика на генерални избори на 12 декември како начин да се надмине ќор-сокакот за Брегзит, откако  во британскиот парламент  не постигна успех за договорот за напуштање на Унијата.

Џонсон изјави дека ќе побара од пратениците на почетокот на следната недела да гласаат за иницијатива за барање предвремени избори.

Потегот на Џонсон доаѓа откако пратениците на 22 октомври го блокираа неговиот обид за брзо преследување на договорот за Брегзит со ЕУ низ Парламентот.

Пратениците рекоа дека им е потребно повеќе време да го анализираат договорот, со што невозможно е Британија да ја напушти ЕУ на закажаниот датум на 31 октомври.

Шаќири на ФБ: Од септември наставниците ќе имаат за 15 проценти повисоки плати

 Конечно постигнавме договор со СОНК.  Од септември наставниците ќе имаат 15 проценти повисоки плати, напиша вечерва министерот за образование и наука Јетон Шаќири на „Фејсбук".

Во фејсбук статусот, Шаќири вели дека секогаш ќе се труди да ги подобрува условите на наставниот кадар.

– Им се заблагодарам на соработката на Владата и на сите што придонесоа за овој процес успешно да се финализира, напиша министерот Шаќири.

Британски новинар ќе објави книга за Меган Маркл: Дознав неверојатни работи

Меган Маркл и нејзините адвокати правеле се што можат за да го саботираат пишувањето на книгата.

Принцот Хари не е единствениот кој ќе објави книга со информации за членовите на британското кралско семејство. Британскиот истражувачки новинар, биограф и писател Том Бауер вели дека неговата книга за Меган Маркл содржи „извонредни информации“, пишува „Дејли меил“.

Бауер вели дека завршил со пишувањето на книгата и дека таа би можела да биде објавена оваа есен.

- Дознав работи за неа кои се навистина неверојатни. Мислам дека перцепцијата на јавноста за неа или ќе се потврди или ќе биде полоша, но во секој случај тоа ќе биде големо изненадување – вели Бауер.

Нему му било тешко да дојде до информации, вели тој, бидејќи луѓето најчесто не сакале да зборуваат, а Меган и нејзините адвокати направиле се за да го саботираат пишувањето на книгата.

Брнабиќ: Ни се закануваат со бомби бидејќи не воведовме санкции кон Русија

Српската премиерка Ана Брнабиќ во изјави дека честите дојави за бомби претставуваат притисок од странство врз Србија бидејќи таа не воведе санкции кон Русија по инвазијата на Украина, како што тоа го направија повеќето западни земји.

„Ние сме единствената земја во Европа која не воведе санкции кон Русија и притисоците се неверојатни од ден на ден. „Овие дојави за бомби се и притисок од странство поради невоведувањето санкции кон Русија“, изјави Брнабиќ за белградските медиуми, пренесе Н1.

притисни ентер