Сега програмата за истражување на вселената во Кина објави нова фотографија од предметот, или претходно неидентификуваниот материјал, пренесува Space.com.
Лунарниот Ровер, дел од мисијата Чанги 4 што успешно слета на спротивната страна на Месечината во јануари, ја забележа оваа чудна супстанција уште во јули.
Научниот тим кој раководи со роверот „Јуту 2“ се подготвуваше на 28 јули, три дена по почетокот на двонеделниот лунарен ден, да го повлече роверот за „попладневна пауза“, процес што го штити чувствителниот дел од механиката од прегревање кога сонцето е директно над роверот .
Но, Ју Тиани, член на кинескиот научен тим, за време на анализата на панорамата забележал дека има нешто необично во кратерот. Затоа, истражувачите решија да го задржат роверот малку буден, развлекувајќи го директно кон центарот на кратерот за да добијат подобар преглед на интересниот наод.
Таму видоа заслепувачка супстанција која беше различна по боја, форма и текстура од околниот регион.
Иако резултатите од анализата на спектрометарот не беа познати во јули, научната заедница веруваше дека роверот има поголема веројатност да пронајде зацврстен стопен материјал отколку, според кинеската вселенска агенција, лепило во форма на гел.
На најновата фотографија направена од главната камера „Јуту 2“, можеме да ја видиме средината на кратерот, кој содржи материјал со различна боја од околината и покажува сјајни делови.
Клив Нил, лунарен научник на Универзитетот Нотр Дам во Индијана, за Space.com изјави дека снимката дополнително ги потврдува претходните теории дека материјалот што се забележува одблизу наликува на примерок од Месечината најден во 1972 година, за време на мисијата Аполо 17.
Дан Мориарти, од Центарот за вселенски летови на Годард на НАСА, ја анализирал и рафинирал фотографијата подетално за да добие поточни информации.
"Обликот на фрагментите изгледа доста сличен на другиот материјал во областа. Ова ни кажува дека овој материјал има слична историја со онаа на околината", рече Мориарти, додавајќи дека фрагментите може да излегле на површина под влијание на друга супстанција на површината на Месечината, или тоа е бреција, седиментна карпа која што содржи стакло и базалт од вулканските лунарни темни долини што ги нарекуваме мориња.
„Како и да е, тоа е дефинитивно карпа“, изјави Мориарти за Space.com.