Македонија

Палмер: Русија сака да ја спречи Евро-атлантската интеграција на регионот

Русија сака да ја спречи Евроатланската интеграција на регионот, оцени високиот американски дипломат Метју Палмер пред Сенаторите.

Русија сака да ја спречи евроатлантска интеграција на земјите од Западен Балкан, обвини американскиот заменик-помошник државен секретар Метју Палмер, кој воедно додаде и дека сенаторите на САД се разочарани од одлуката на ЕУ - Македонија и Албанија се уште да не започнат преговори за членство, со што се губи и кредибилитетот на Брисел. Палмер оценката ја сподели во обраќањето во Подкомитетот за Европа на американскиот Сенат..

„Примарната цел на Русија е да го држи регионот поделен, слаб и зависен од политичката поддршка на Москва. Русија сака да го спречи договорот меѓу Србија и Косово, Босна и Херцеговина да стане функционална држава, да го спречи патот на Црна Гора и Северна Македонија кон НАТО.“

Македонија се очекува да стане полноправна членка на НАТО најрано во декмеври, а пореално на почетокот од следната година.. Дотогаш, домашните аналитичари, велат дека безбедносната ситуација во Македонија може да се дефинира како „неизвесна“.

Ваквиот став, поранешниот министер за одбрана, Трајан Гоцевски, го темели на дестабилизирачките процеси во балтичките земји и Црна Гора пред пристапувањето во Алијансата.

Аналитичарот Благоја Марковски апелира да не се дозволи да запрат евро-атлантските аспирации.

Марковски нагласи дека без оглед на „вториот Букурешт“, политичката структура што ќе дојде на власт, ќе треба да ги спрведува Договорите со Грција и Бугарија, бидејќи се, како што вели, значаен фактор и на безбедносен план.

Свет

ОН: Иран можеби изврши злосторство против човештвото

Иранските власти потенцијално извршиле злосторства против човештвото во последните месеци, изјави денеска експерт на Советот за човекови права на Обединетите нации.

Тој наведе случаи на убиства, притворање, исчезнувања, тортура, силување, сексуално насилство и гонење.

Протести има ширум Иран откако иранската Курдка Махса Амини почина во полициски притвор во септември минатата година. Говорејќи пред Советот со седиште во Женева, британско-пакистанскиот адвокат Џаваид Реман, назначен за специјален известувач за човекови права во Иран, рече дека има докази дека Амини починала „како резултат на тепање од страна на државната полиција за морал“.

Иранските власти тврдат дека обдукцијата покажала дека Амини починала од претходно постоечки медицински состојби, а не од удари во главата и екстремитетите. Реман посочил дека обемот и тежината на злосторствата извршени од властите за време на задушувањето на протестите предизвикани од случајот Амини „укажуваат на можно извршување на меѓународни злосторства, особено на злосторства против човештвото“.

Тој изразил огорченост поради егзекуцијата на најмалку четири лица поврзани со протестите и рече дека од јануари оваа година во Иран по „многу нефер судења“ биле егзекутирани вкупно 143 лица. Амбасадорот на Иран во Советот, Али Бахреини, рече дека обвинувањата се измислени и дека Иран е цел на прогон.

Живот

Се јави водителката, која се онесвести среде емисија: Овој пат не е срцето (ВИДЕО)

Метеорологот од Лос Анџелес, Алиса Карлсон Шварц се огласи откако ненадејно колабираше за време на утринските вести додека ја читаше временската прогноза, загрижувајќи ги своите колеги.

„Благодарна сум што овој пат не беше срцето. Добив стотици пораки, а тие сè уште доаѓаат, па ако не одговорам, затоа“, напиша таа на Инстаграм.

Инаку, Шварц се осврна на сличен проблем што го имала и претходно, но на друга телевизија. Во 2014 година ѝ се слошило за време на прогнозата, а подоцна било откриено дека има проблеми со срцевите залистоци.

Да потсетиме, откако пред неколку дена се онесвести во студио, нејзините колеги останаа во целосен шок. „Ох“, извика Рејчел Ким, а нејзината колешка Нишел Медина рече дека „ќе мора да направи кратка пауза“.

Алиса брзо била пренесена во болница и таму се опоравува.

Свет

Хаос во Париз: Полицијата ги претепува демонстрантите, вечерва уапсени над 70 лица (ВИДЕО)

По повод усвојувањето на спорниот закон за пензии, во Франција се уште не стивнуваат протестите.

Вечерва почнаа собири и штрајкови, а за четврток се планирани големи демонстрации.

Само вечерва во Париз повторно беа уапсени околу 70 демонстранти, а полицијата безмилосно ги разбива протестите, спречувајќи ја толпата да се групира и да создаде барикади и блокади.

На видеата кои се споделуваат на социјалните мрежи може да се види како полицијата трча и интервенира со брутална сила.

Француската влада денеска го преживеа гласањето за недоверба на собранието, со тесно мнозинство од само девет гласа.

Пензиската реформа која ги налути француските граѓани предвидува зголемување на старосната граница за пензионирање од 62 на 64 години, како и најмалку 43 години работа за некој да се квалификува за целосна пензија.

притисни ентер