Руската војска го премина Еуфрат кон границата на Турција и Сирија

Руската војска денеска ја помина реката Еуфрат во Сирија во правец кон турската граница , како дел од турско- рускиот договор за повлекување на курдските сили , соопшти Министерството за одбрана на Русија.

„Денес (среда) во 12 часот (Централноевропско време), руската воена полиција го премина Еуфрат во правец кон сириско-турската граница“, соопштија од Министерството.

Руската воена полиција ќе помогне во повлекувањето на Националните одбранбени сили (ППР, курдските борци) и во нивното разоружување во длабочина од 30 км во голем дел од северо-источниот дел на Сирија по должината на границата со Турција, се додава во соопштението.

Врз основа на договорот потпишан вчера од Владимир Путин и Реџеп Таип Ердоган, Русите и Турците ќе патролираат во наредните 150 часа по 11 часот денеска по средноевропско време.

Руското Министерство за одбрана објави и карта на северо-источна Сирија, означувајќи ги локациите на 15 сириски гранични пунктови.

Според руската новинска агенција Риа Новости, припадниците на силите испратени од Москва се сретнале со водачите на курдскиот град Кобане, симбол на отпорот кон групата Исламска држава. Според руско-турскиот договор, Турција сепак ја задржа контролата врз друга област на северо-исток, долга 120 километри, во која нејзината армија е веќе присутна. Турската војска го зазеде овој терен во офанзивата против ПГК, што започна на 9 октомври.

Србија: Над 17.000 нови случаи со Ковид-19, починале 28 лица

Во последните 24 часа се регистрирани уште 17.318 новозаразени со коронавирусот во Србија.

Од последиците на Ковид-19 починале 28 лица.

На респиратори се наоѓаат 112 пациенти.

Како што е наведено, во последните 24 часа се анализирани 36.434 примероци а 2.619 лица се наоѓаат на болничко лекување.

„Intel“ планира да произведува чипови за рударење на Биткоин

„Intel“ најави дека следната генерација на системи за рударење на Биткоини би можела да се испорачува со „Intel Inside“ налепници.

Компанијата ги најави плановите за тоа дека на нивната претстојна конференција ќе се дискутира за „Bonanza Mine“ чип за рударење на Биткоин.

„Bonanza Mine“ е опишан како ефикасен, „ASIC“ за рударење на Биткоин со ниска потрошувачка, според податоците и документацијата кои се потпишани од страна на тројца претставници на „Intel“.

Засега, програмата не укажува на тоа дали „Intel“ навистина планира да го испорача „Bonanza Mine“ како завршен производ или само како истажувачки проект.

„Intel“ претходно објави планови за блокчеин, како и дека тие нема да вклучваат стандардни процесори или графички карти. Тоа не претставува изненадување, со оглед на тоа дека Биткоин рударењето одмана е преминато на „ASIC“.

„Intel“ нема објавено информации за моќноста за рударање на новиот уред ниту дали ќе биде оптимизиран само за Биткоин.

Американските телекомуникациски компании ги одложуваат услугите во 5G мрежата

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

Американските телекомуникациски компании „AT&T“ и „Verizon Communications“ се согласија да го одложат воведувањето услуги во 5G мрежата, одложувајќи го вклучувањето на базните станици во близина на клучните аеродроми за да се спречат прекини во сообраќајот.

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

„Ќе има хаос меѓу авиокомпаниите“

Новата услуга би можела да направи значителен број авиони со широки трупови неупотребливи, оставајќи „десетици илјади Американци заробени во странство“ и „хаос“ на летовите во Соединетите Држави, соопшти здружението „ Airlines for America“.

Федералната управа за авијација (FAA) предупреди дека потенцијалните пречки може да влијаат на чувствителните инструменти во авионот, како што се висиномерите, и значително да го попречат летањето со слаба видливост.

Поради тоа, „Verizon“ одлучи да го одложи вклучувањето на петстотини базни станици во близина на аеродромите, помалку од 10 отсто од планираниот број, додека не се најде трајно решение, изјавија извори во вторникот. Деталите за договорот за одложување не се објавени и не се знае кога ќе бидат вклучени базните станици.

притисни ентер