Касапи: Не се само интеграциите во НАТО и ЕУ прав пат , туку и градењето на едно општество за сите граѓани за кое се залага СДСМ

Голема чест ми е што СДСМ предводена од претседатело Зоран Заев  ја формираше  комисијата за еднакво општество за сите и токму јас што ја предводам таа комисија, која за прв пат се формираше во нашата држава.

Ова го истакна пратеничката Ѓулумсер Касапи која е и претседателка на Комисијата за едно општество, на граѓанската трибина организирана од СДСМ „На прав пат" во Тетово.

Таа посочи дека тоа е потврда дека сме на прав пат како општество кое се гради како еднаква држава за сите граѓани.

-Затоа ќе кажам, не само интеграциите во НАТО и ЕУ прав пат, туку и градењето на едно општество за сите.

Во изминатите 2 години СДСМ со конкретни работи покажа дека вистински се залага за подобар живот, подеднакво за сите наши граѓани. Заедништвото помеѓу граѓаните е многу важно и ние го негуваме затоа што искрено веруваме. Не сакаат граѓаните поделби. Затоа ќе продолжиме по правиот пат-заврши Касапи.

Спасовски: Ние градиме инфраструктура, институции, држава градиме, а режимот правеше системски дупки рушеше и крадеше, тоа нема да дозволиме да го обнови

Носителот на листа во ИЕ 2, Оливер Спасовски, денеска е на средби со граѓани, пазарџии, купувачи, пензионери, во скопската Општина Ѓорче Петров, се наведува во соопштението на СДСМ.

На средбите со граѓаните од различни општествени сфери тој нагласи дека само во ИЕ 2 е инвестирано во 159 километри рехабилитирани и нови патишта, плус водоводи, канализации, болници, градинки.

„Ние градиме инфраструктура, градиме институции, држава градиме по европски стандарди, додека претходниот режимски систем правеше системски дупки, рушеше и крадеше. Станавме членка на НАТО. Со процесот на евроинтеграциите градиме мостови и ние да можеме да одиме кон Европа и Европа да ја донесеме, во секој поглед – тука, дома", рече Спасовски.

„Мисајловски не изгради во свое Ѓорче додека беше министер во Владата на режимот, ниту крена глас зошто им ставаат на луѓето стиропор и ги оставаат во кал додека градат со мермер во својата Бела палата, а сега ќе кажува за некаква обнова тука во Ѓорче Петров или во Куманово и слично. Тој сака обнова на режимот, но тоа е минато. Градиме сигурна европска иднина и тоа продолжува со побрзо темпо и по 15 јули", рече Спасовски.

На средбата со пензионерите тој најави повисоки пензии, како што ќе растат платите во државава, што е овозможено со стабилизацијата на Пензискиот фонд.

„Власта на ВМРО-ДПМНЕ остави огромна дупка во Пензискиот фонд, затоа што крадеа, а пензиите ги исплаќаа од кредити. Ние градиме стабилни институции. Го стабилизиравме Пензискиот фонд којшто беше во долгови и обезбедивме сигурни пензии за сегашните пензионери и за идните пензионери. Реформата во пензискиот систем се спроведува врз основа на темелни анализи и на реален раст на економијата, а не на политички, моментални решенија. Дефицитот во Фондот e намален за 3.7 милијарди денари, без радикални мерки како замрзнување на пензии или зголемување на старосната граница за пензионирање. Видовте и за време на здравствената криза дури и предвреме се исплатуваа пензиите. Сите пензионери, 324.000, од јануари добиваат месечно зголемување од 722 денари што е најголемо покачување на пензиите во последните 12 години. Бидејќи висината на пензиите е поврзана со растот на платите, а нашата цел е натамошен раст на платите, тоа значи и раст и на пензиите. Ќе има минимална пензија од најмалку 10.700 денари и раст на пензиите, а најмалите ќе се зголемат за најмалку 21 процент", рече Спасовски.

Со купувачите и пазарџиите тој зборуваше за покачувањето на животниот стандард преку повисоки плати и зголемување на потрошувачката.

„Минималната плата ја покачивме на 14.500 денари и ќе биде 20.000 денари, а во време на претходната власт беше 9.000 денари. Просечната плата од 22.300 денари колку што ја затекнавме, ја покачивме на 27.500 денари, а ќе биде 34.000 денари до крајот на мандатот. Гласот за да продолжиме напред на изборите на 15 јули е глас за изградба стабилна држава во којашто сакаат да инвестираат домашните и странските инвеститори. Тоа значи да се гради сигурна иднина. Затоа најавуваме со право брза развојна економија. Ќе ги помогнеме домашните и странските инвеститори со 600 милиони евра. Најавуваме и една милијарда евра странски инвестиции. Тоа обновен режим не може да го овозможи, затоа ВМРО-ДПМНЕ не е опција. Опција е да продолжиме по правиот евроатлански пат кон сигурна иднина, можеме и повеќе и подобро", рече Спасовски на средбите во Ѓорче Петров.

Царовска на средба со Форум на жени од Карпош: Со цврста заложба ја јакнеме родовата еднаквост

Носителката на листа на пратеници во ИЕ 1 и потпретседателка на СДСМ,  Мила Царовска денес се сретна со претставнички Форумот на жените од оваа општина, се наведува во партиското соопштение. 

На состанокот се зборуваше за унапредување на родовите права и цврстата заложба на партијата да продолжат со политиките за родова еднаквост и економско јакнење на жените.

"Изминатиот период како Влада донесовме најлиберален Закон за прекинување на бременоста. Волјата на жената е најважна и таа сама одлучува за своето тело. Донесеме вистински вредности во општеството и ги јакнеме жените економски. Во сите програми за финансиска поддршка на бизниси жените се застапени со 50%. Со поддршката на жените во нашата држава ги продолжуваме реформските процеси за социјална и праведна држава. Време е за 50-50, за силни жени кои рамноправно учествуваат во создавањето на силно општество", рече Царовска.

Ќе имаме ли доволно брашно за леб годинава?

Почнува жетвата на пченицата и годнава без договорена откупна цена и без најави од стоковите резерви кои можат  многу  да помогнат да имаме стабилан цена на лебот.

Како изминативе години така и годинава почна жетвата на пченицата речиси во сите региони без да се знаат откупните цени. Мелничарите тактизираат со не објавувањето на цените а земјоделците прават дополнителен трошок со увреќување и складирање и транспорт онаму каде имаат за тоа услови додека оние без магацини за чување ќе бидат на удар на ниските откупни цени на мелничарите.

Националната федерација на фармери со својата под секторска група по направените анализи изготви препораки до надлежните за претстојниот откуп на лебното жито.

Според нивните пресметки производната цена на килограм пченица се движи од 9 до 12 денари зависно од регионот заради што бараат минималната откупна цена да не биде под 12 денари а ако и годинава мелничарите нудат ниски цени да се искористи законската можност за интервентен откуп од државата.

Сите производители на пченица укажуваат дека особено годинава е неопходно во време на жетва, што поскоро, стоковите резерви да се вклучат во откуп на домашна пченица по реални цени со што ќе помогнат голем дел од пченицата да се откупи и да сме помалку увозно зависни за брашно а со тоа да имаме и стабилна цена на лебот во време на здравствена криза која никој не знае до кога ќе трае.

Годинава се очекува род од околу 240 илјади тони на лебно жито но ако има ниска откупна цена по млиновите и годинава половината од тоа ќе заврши за сточна храна а државата ќе зависи од тоа дали ќе се затворат границите од земјите од каде увезуваме како што најчесто тоа го правиме од соседна Србија.

притисни ентер