Наместо шут за пенал , на стадионот на Интер слета падобранец (ВИДЕО)

Додека Лукаку се подготвуваше да шутира пенал за 3:1 на натпреварот на Интер против Сасуоло во италијанската Серија А, среде стадионот слета падобранец.

Човек со падобран одеднаш слета во центарот на стадионот Мапеи во Реџо Емилија. Слетувањето помина без проблеми и падобранецот веднаш беше изнесен од теренот и одведен во притвор.

Локалната полиција приведе 36-годишник од Милано, кој зад себе има повеќе од 900 скокови со падобран, а кој е обвинет за загрозување на општата безбедност. Новинската агенција АНСА соопшти дека еден човек се јавил во полициска станица и рекол дека има проблем со падобранот и бара место за безбедно слетување.

„Не знаев дека се одвива натпревар. Не сакав никого да повредам. Барав широк простор за да слетам“, изјави падобранецот.

Спасовски: Повисоки плати и пензии и шанса за сите носи новата македонска развојна економија

Носителот на листа во ИЕ 2, Оливер Спасовски, имаше средба со жители на општината Ѓорче Петров на којашто беа споделени охрабрувања дека државата е на правиот пат и треба да продолжи да се развива.

Пораките на средбата беа дека државата е осигурана и македонскиот јазик и идентитет признаени од светот, со што се остварени вековните стремежи и се создадени услови за напредок.

-НАТО членството и интеграциите во ЕУ се придонес на нашите генерации во идентитетското и државното запишување во светската карта на држави и народи. Сега се создадени услови за напредок, тоа е брзата развојна македонска економија за којашто зборуваме, со цел повисоки плати и пензии, нови вработувања, социјална грижа за сите, со цел и да ги мотивираме младите да живеат и создаваат во родната земја, а сите граѓаните тука да ја гледаат својата иднина. Тоа е патриотизам на дело, рече Спасовски на синоќешната средба со граѓани во Ѓорче Петров, се наведува во соопштението на СДСМ.

.

Филипче: Клиниката за пластична хирургија е целосно реновирана, досега се подобрени условите во 32 јавно-здравствени установи

Универзитетската Клиника за пластична и реконструктивна хирургија е целосно реновирана, соопшти Министерството за здравство.

Комплетно е обновен хируршкиот инструментариум, апаратурата за електро хирургија, неуростимулација и друга специфична апаратура. Третманот на пациентите и квалитетот на услугата е подигнат на високо ниво согласно највисоката медицинска пракса. Со ова, исполнети се сите услови за спречување на интрахоспитални инфекции согласно стандардите на Светската здравствена организација.

„Ги подобривме условите во 32 јавно-здравствени установи. Клиниката за пластична и реконструктивна хирургија е една од тие институции, каде менаџерскиот тим веднаш почна со реновирање и овозможување подобар третман за пациентите. За многу краток период направивме вистински пресврт во јавното здравство. Како никогаш досега инвестиравме во инфраструктура, нова медицинска опрема и вложување во човечкиот капитал. Вакво зголемување на платите како сега немало никогаш во земјава. Горд сум што здравствените работници се мотивирани за работа. Само преку зголемување на платите и подобрување на условите за работа можеме да ги задржиме во нашата земја“, изјави министерот Филипче.

ВМРО – ДПМНЕ : Само силна индустрија значи силна економија

ВМРОД-ДПМНЕ се обврзува на реиндустријализација на Македонија, ќе  се насочиме на градење на конкурентски предности на домашните компании во преработувачката индустрија, се наведува во партиското соопштение.

Врз база на претходно изработени дијагностички студии и инвестициски планови ќе бидат креирани програми и мерки за финансиска поддршка за инвестиции на оние компании чии инвестициски планови покажале најголем потенцијал за успех во градење на конкурентски предности за извоз.

Финансиската поддршка ќе биде целосно мониторирана во насока на обезбедување целосна транспарентност и ќе биде евалуирана во процесот на негова реализација со цел да се обезбеди сигурност дека се остваруваат поставените цели во инвестициските планови.

Таквата финансиска поддршка ќе биде во насока на:

• Трансфер на нови технологии (опрема и машини);

• Купување на лиценци и франшизи;

• Градење на know-how работни практики;

• Воведување на нови производни линии или подобрување на постоечките производни процеси;

• Креирање на нови бизнис и организациски модели;

• Воспоставување на современи менаџмент системи за квалитет и стандардизација

• Спроведување на истражување на пазарот, маркетинг стратегии и други промотивни активности за настап на странски пазари.

Мерката ќе подразбира финансиска поддршка од 30-50% од вкупната инвестиција, но не повеќе од 200.000 евра по компанија. Се предвидува поддршка на повеќе од 150 компании годишно. Компаниите ќе имаат обврска да ги зголемат платите на своите вработени за минимум 5% една година по завршување на инвестицискиот проект.

ВМРО-ДПМНЕ се обврзува на обнова на Македонија, на враќање на надежта во државата и правниот систем.

СДСМ покажа дека можат единствено повеќе криминал, можат единствено повеќе корупција и можат само порази. Да ставиме крај на виткањето на кичма. Исправи се Македонијо! Одбери обнова!

Центар за комуникации на ВМРО-ДПМНЕ

притисни ентер