Среде концерт рапер фрли 50 000 долари во публиката (ВИДЕО)

Еден од најпознатите рапери , Пост Малоун фрли 50 000 долари во банкноти од по еден долар во публиката на својот концерт во ноќен клуб во Мајами.

24-годишниот рапер во клубот се појави со група соработници и пријатели кои во еден момент му подадоа куфер полн со банкноти што Пост започна да ги фрла . Кешот леташе низ клубот, додека „Пост“ ги изведуваше своите најголеми хитови како „Рокстар“ и „Психо“, со снимки и фотографии што ги преплавија социјалните мрежи.

Посетителите откриле дека Пост и неговиот тим немилосрдно се забавувале по настапот и дека останале во клубот до пет часот наутро. „Тие беа премногу драги за сите“, рекоа посетителите.

„Најдобра ноќ досега“, „Сакам да се вратам“, „Забавно ми беше“, „Сè уште сум пијан од таа ноќ“, „Ова беше најдобрата претстава досега“, се само некои од коментарите на социјалните мрежи, додека оние кои не беа таму се пожалија „Колку сум љeубоморен што не бев таму“, коментираат другите.

Хрватски магазин и се извини на починатата Мира Фурлан за натпис од 1991 година

Главниот уредник на Глобус, Здравко Милиновиќ и се извини на Мира Фурлан поради несоодветен напис во 1991 година.

„Иако предоцна, длабоко и се извинуваме на Мира Фурлан“, гласи насловот на „Јутарњи лист“, весник што е во истата групација со Глобус.

Мира Фурлан почина минатата недела. По веста за нејзината смрт во Соединетите држави, хрватската јавност започна да го доведува во прашање ставот кон неа во раните 90-ти.

Во 1992 година, во Глобус бил објавен три-делен фељтон. Еден од насловите бил „Тешкиот живот на лесната жена“, а во текстот, верз база на озборувања и шпекулации, го прекопале нејзиниот приватен живот и ја обвинија на предавство на Хрватска. Биле наведени нејзините љубовни партнери, било пишувано за погребот на нејзината мајка и било споменато дека нејзината мајка има еврејско потекло. Во тоа време главен уредник на Глобус бил Денис Куљиќ.

Второто продолжение на фељтонот бил под наслов: „Неподготвени за животната улога“. Третото имало наслов „Приказната за два града“. Причината за овие текстови бил фактот што Мира Фурлан настапила во театар во Белград и по притисоците во хрватските медиуми, се преселила во САД. Фељтонот бил објавен од крајот на јануари до средината на февруари 1992 година.

Глобус во монографијата по повод 30 години објавување на неделникот, во кој биле споменати некои неуспеси, не го спомнува овој.

"Ние не ги спомнавме трите продолженија на фељтонот за Мира Фурлан. Сега, кога одличната актерка ја нема засекогаш, кога многумина (дури и негативците) се сетија на медиумскиот линч на Мира Фурлан, времето кога таа беше отпуштена од Хрватскиот народен театар и остана без станот во Загреб, можеме да ги покриеме ушите, да молчиме и да чекаме сè да помине.

Но, вистината боли. Затоа Глобус, барем сега и барем предоцна, мора длабоко да се поклони и длабоко да се извини “, стои во текстот потпишан од главниот уредник на„ Глобус “, пишува ,,Јутарњи лист” .

Над 130 уапсени по насилните протести во Холандија

Полицијата во Холандија уапсила повеќе од 130 претежно млади луѓе на четвртата вечер од строгиот полициски час поради коронавирусот, но немало поголеми испади како претходните ноќи, соопштила денеска полицијата.

Вчера вечер било многу помирно од претходните, кога немирите се повторија во неколку градови низ Холандија.

Групи претежно млади луѓе се собрале во градовите низ целата земја, а полицијата известила за неколку изолирани судири.

„Спречена е голема ескалација“, соопшти полицијата, која била распоредена во голем број за да ги спречи насилствата како резултат на отпорот на илјадници Холанѓани на воведениот полициски час во саботата.

Во Ротердам, на местото на особено насилните немири претходната вечер, уапсени се 81 лице, главно на возраст под 25 години, и ќе бидат обвинети за поттикнување и јавно насилство.

Бранот насилство е реакција на поострите мерки против коронавирусот, вклучително и полицискиот час.

Полицијата соопшти дека демонстрантите, организирани преку социјалните мрежи, намерно провоцирале судир со полицајците.

Заев -Сахакјан:Јакне партнерството со УНДП за подобрување на глобалните и национални предизвици

Претседателот на Владата Зоран Заев денеска ја прими постојаната претставничка на Програмата за развој на Обединетите нации (УНДП) Нарине Сахакјан.

Според соопштението од Владата ,тие ја оценија досегашната соработка како плодна и успешна и разменија мислење за тековните активности и остварување трансформациски промени во креирањето на јавните политики.

На состанокот беше разговарано за тековните и идни активности на УНДП, со фокус на главните предизвици на локалниот развој и Проектот „Градење на општинските капацитети за имплементација на проекти" спроведувани од УНДП за финансирање на изработка на техничка документација во области како хидротехнички проекти, системи за дистрибуција на гас, јавни објекти, бизнис и индустриски и други инфраструктурни проект.

Се дискутираше и беше истакната поддршката и соработката на УНДП во изработката на Националната стратегија за развој на земјата, при што беше констатирано дека продолжува посветеноста и имплементацијата на документот: „Рамка за соработка на одржлив развој на Обединетите нации" за периодот 2021-2025 година, како стратешка програмска рамка за активностите на Обединетите нации во нашата држава, во насока на постигнување на Целите за одржлив развој и Агендата 2030 на ОН.

Беше поздравена меѓусебната соработка и отвореноста на Владата за унапредување на соработката, особено во проекти за побрз и одржлив развој на економијата, како и инвестирање на капитални проекти кои го подобруваат животот на граѓаните во општините.

На средбата стана збор и за подготовка на промоција и отпочнување со работа на крајот на идниот месец, на Лабораторијата за акцелерација, која Канцеларијата на УНДП ја основа во земјата, со цел приклучување на најбрзата и најголема светска мрежа за учење за предизвиците и целите на одржливиот развој.

Со станување на членка на мрежата од 90 лаборатории, кои опфаќаат 114 земји, Македонија ќе има увид во сите информации на УНДП во обезбедувањето решенија за постигнување на целите на одржливиот развој до 2030 година.

притисни ентер