Жестока дебата во европскиот парламент за Македонија

Европската унија го губи кредибилететот, а паѓа и митот дека Емануел Макрон е големиот Европеец, жестоки осуди и критики за европското „не“ на преговорите за Македонија и Албанија одекнаа во Европскиот Парламент.

Каде се разгледуваа заклучоците од минатонеделниот Самит во Брисел. Лидерите на речиси сите поголеми политички групи оценија дека е направена голема неправда и дека под превезот на заложбите за реформирање на Унијата, двете земји не ја добиле заслужената европска перспектива.

-Ние толку многу баравме од Северна Македонија, како на пример, промена на нејзиното име, за да добие шанса за пристапување во ЕУ. Тие навистина максимално се трудеа, а ние им ја затвораме вратата. Тоа навистина е неверодостојна, а шефовите на држави и влади мора да понесат одговорност за тоа, изјави Манфред Вебер, лидер на Европската народна партија во ЕП

-Се работи преговорите да се отворат, а не да се затворат. Оттука, сите аргументи кои велат дека најпрво треба да ја продлабочиме Унијата, не се точни. Знаеме колку време треба да се завршат преговорите, а со тоа, имаме доволно време да ја продлабочиме. Кога Емануел Макрон беше избран, ние го славевме како голем Европеед, но како времето поминува, се добива впечаток дека не е ниту толку голем, ниту таков Европеец како што мислевме, изјави Филип Лабертс, копретседавач на партијата на Зелените во ЕП

На недоделувањето датум за Македонија и Абанија повторно се осврна првиот човек на Европскиот совет, Доналд Туск, овој пат, во своето проштало обраќање во Европскиот Парламентот.

-Според мое мислење, тоа беше грешка и тоа отворено и директно им го кажав на лидерите. Сега се надевам дека лидерите ќе го исполнат заклучокот, дека ќе се навратат на ова прашање пред Самитот во Загреб во мај 2020-та година, истакна Донал Туск, претседател на Европскиот совет

Но, дали во меѓувреме македонските преговори можат да оживеат и да не го чекаат мај следната година?, ова е прашањето што од вчера се наметна по најавите на италијанскиот премиер Џузепе Конте дека темата проширување ќе ја врати на маса во Брисел веќе следниот месец. Премиерот Заев потврди дека токму на покана на италијанскиот колега, следниот вторник ќе го посети Рим.

-Веројатно ќе разговараме за таа идеја. Знам дека Италија сака да организира една посебна иницијатива на следниот ГАК – Советот за општи работи на ЕУ, каде повторно ќе го отвори ова прашање. Наша определба останува се повеќе и повеќе да докажуваме пред ЕУ колку беше историска грешка нивната одлука, а согласно тоа да се надеваме дека одлуката час поскоро ќе биде променета, рече Заев, претседател на владата

Конте беше еден од најжестоките критичари на негативната одлука на Европскиот совет во петокот, кога порача дека состанокот во Брисел ќе остане запаметен како историска грешка.

Рајан:СЗО загрижена од високото ниво на пренос на корона меѓу невакцинираните во Северна Кореја

Рајан потсети дека СЗО во неколку наврати соопшти дека таму каде што има непроверена трансмисија, секогаш постои поголем ризик од нови варијанти.

Официјалниот претставник на Светската здравствена организација Мајк Рајан изјави денеска дека високото ниво на пренос на коронавирус меѓу невакцинираните луѓе, како што е случајот во Северна Кореја, создава поголем ризик од нови варијанти на вирусот.

-Секако дека е загрижувачки доколку земјите не ги искористат средствата што сега се достапни, рече директорот за вонредни ситуации на СЗО, Мајк Рајан, одговарајќи на прашање за епидемијата во Северна Кореја, пренесуваат британските медиуми.

Рајан потсети дека СЗО во неколку наврати соопшти дека таму каде што има непроверена трансмисија, секогаш постои поголем ризик од нови варијанти./МИА

Утре променливо облачно со повремени врнежи од дожд

Времето утре ќе биде променливо облачно, претпладне со повремени локални врнежи од дожд.

Наместа во јужните делови врнежите ќе бидат поројни, проследени со појава на грмежи. Ќе дува засилен до силен ветер од северен правец, кој повремено ќе надминува брзина и над 60 км/час. Минималната температура ќе биде во интервал од 8 до 15, а максималната ќе достигне од 19 до 27 степени.

Во Скопје, променливо облачно со повремени врнежи од дожд. Ќе дува засилен, повремено силен ветер од северен правец. Минималната температура ќе се спушти до 12, а максималната ќе достигне до 24 степени.

Потоа во следните денови времето ќе биде стабилно, во четврток и петок со ниски утрински температури, а дневните од сабота ќе бидат во позначителен пораст. Локална појава на нестабилност проследена со пороен дожд и грмежи се очекува во недела, велат од УХМР.

Падна договор: СОНК и МОН се договорија за 15% покачување од септември

По маратонски преговори, пред малку претседателот на СОНК Јаким неделков И Минстерот за образование Јетон Шакири, објавија дека постигнале договор за покачување на платите на наставниците за 15% од септември.

Пред Министерството за образование е Јана Јосифовска.

Дали овој договор може да се смета за конечен?

Целосниот извештај погледнте го во видеото.

притисни ентер