Во Задар брутално претепани американски геј војници (ВИДЕО)

Американските војници едвај извлекле жива глава од ноќниот клуб во Задар , каде биле претепани од поголема група мажи , додека тверкале на подиумот.

Двајца војници на американските воени сили беа брутално претепани во саботата навечер во ноќниот клуб ,,Опера” во Задар. Војниците кои дошле во Задар на годишен одмор од Вирџинија и Џорџија биле нападнати по „тверкањето“ во клубот каде отворено покажале дека се геј, пренесува Задарски.хр.

Во нападот поголема група мажи едвај  спасиле жива глава, по што завршиле во Општата болница, каде им била укажана лекарска помош заради крвавите глави, модринки и набиеници.

„Минатата вечер буквално доживеавме еден од најлошите моменти во животот. Група од осум до десет хрватски мажи нè нападнаа во клубот. Никогаш не сум се чувствувал толку беспомошно во животот. Се чинеше дека тие немаа намера да нè остават живи “, изјави шокираниот 24-годишен војник, кој го сподели своето прво вакво искуство на социјалните мрежи, каде што доби поддршка од пријатели од неговата единица, како и познаници и пријатели што ги има ширум светот.

Задарската полиција ни потврди дека ноќта во саботата навечер во ноќниот клуб Опера во Задар , се случил инцидент во кој двајца американски државјани на возраст од 25 и 24 години биле претепани. Нападот се случил околу 3:10 часот.

Во нападот на двајца американски војници биле вклучени неколку неидентификувани лица кои им нанеле помали повреди удирајќи ги со раце и нозе.

Првата полициска станица работи интензивно за да се утврди идентитетот на напаѓачите и причините. Засега напаѓачите се бараат за нарушување на јавниот ред и мир, што е во доменот на прекршоците, но истрагата ќе покаже дали имало елементи на криминал од омраза или криминал при физичкиот напад врз геј војници со темна кожа.

„Патувањето што започна толку убаво заврши на толку ужасен начин, но благодарен сум што јас и мојот пријател сме живи! Имаме неколку џумки и модринки, но ќе бидеме добри! “, изјави 24-годишникот од Дорон, Џорџија.

Неговиот пријател, 25-годишник од Ричмонд, Вирџинија, ја споделил на социјалните мрежи истата приказна од болницата во Задар, каде што двајцата биле придружувани од полицијата. Војниците вчера заминале во базата во Франкфурт , Германија , а хрватската полиција денеска објави соопштение за случајот , без да ги наведе деталите за нападот.

Дел од медиумите објавија и видео на кое се гледа како војниците тверкаат и по улиците на Задар , пред да влезат во ноќниот клуб. 

Џафери: Да стигнеме на целта заедно , како народи , како држави , како регион

Претседателот на Собранието Талат Џафери вечерва се обрати на на свечената академија по повод Денот на албанската азбука во МНТ.

,,Дозволете ми да го изразам задоволството што го имам денес, кога ја славиме 111-годишнината од Битолскиот конгрес и унифицирањето на албанската азбука, да ве поздравам во својство на претседател на Собранието и во име на моите колеги пратеници да ја искористам оваа можност да го честитам најважниот ден во историјата на политичкиот и културниот развој на Албанците, бидејќи одлуките од овој конгрес претставуваат еден од столбовите што помогнаа во издигнувањето за едно скалило повисоко на албанската култура и образование, но и понатамошното консолидирање во насока на развојот и напредокот на Албанците, со јасно избирање на ориентацијата и насоката што ќе ја следат во иднина. И овој чекор, колку и да изгледа скромен за старите светски цивилизации, сепак претставува придонес и во целокупниот развој на човештвото.

Секако дека овој интелектуален подем на Албанците се заснова врз темелите што ги поставија албанските интелектуалци и преродбениците од Здружението „Башкими“ собрани од сите страни на светот во Битола на Кирјази, чија што волја и визија и посветеност резултираше со најскапоцениот производ за животот и светлата иднина на еден народ, односно со унифицирана азбука која стана средство за писмена комуникација меѓу сите Албанци, но и стандардизиран јазик кој што е преведен и продолжува да се преведува на сите светски јазици. Со ова, продолжува животниот век на еден народ, односно неговата вредност и тежина. Затоа што, еден јазик е толку богат, толку вреден колку што се говори, пишува, збогатува и шири низ светот. Тоа е моќно оружје во интелектуалното, културното, уметничкото но над се, идентитетски знак на еден народ или како што рекол англискиот поет Семјуел Тејлор Колериџ „Јазикот е оружје на човечкиот ум, и во исто време содржи трофеи од своето минато и оружје за нејзините идни походи.“ И навистина, јазикот обединува луѓе, обединува идеи и овозможува соработка и се разбира напредок и развој. И во оваа прилика, сакам да изразам искрена благодарност кон сите сограѓани и претставници на домашните институции кои со своето присуство тука, меѓутоа и со сето свое институционално делување, покажуваат јасно дека само граѓанските општества со граѓани кои  уживаат права меѓутоа исто така имаат и исти обврски, можат да бидат моторот кој што ја води напред нашата држава и целиот регион на Западен Балкан кој што одамна е определен за градење на општества со прифатени универзални вредности за правата и слободите на човекот. 

Кога зборувам за издигнувањето и развојот, мислам на многуте вредности и всушност институциите кои сега го живеат полнолетството меѓутоа и оние кои се на зачетокот, како што е Институтот за духовно и културно наследство на Албанците, на чие што раководство сакам да му честитам за нивната неуморна работа и за вредниот придонес што тие го даваат во насока на збогатување на културното и историското наследство на Албанците во овој дел на Балканот, чувајќи ги, негувајќи ги и промовирајќи ги вредностите од минатото и вредностите што ќе се создадат во иднина во насока на проширување на хоризонтот на делување. За поздравување е обемот и разновидноста на активностите што ги развива овој институт, се разбира секогаш во соработка со локалните институти, организации и академски институции од земјата и од странство, но над сè, научната и академската работа што трудољубиво се спроведува. Во иста линија е и основањето, консолидирањето и се надеваме набрзо и првите резултати од Агенцијата за примена на јазикот што се основаше пред една година. Почитувани, дозволете да го делам со вас чувството на гордост што го чувствувам во однос на востановувањето на Државната награда „22 Ноември“ за признание кон луѓето од политичкиот, културниот и социјалниот живот во Македонија, кои придонеле во унапредувањето на меѓучовечкиот соживот и взаемното разбирање помеѓу припадниците на различните заедници, култури и религии во земјата и што оваа година, оваа награда оди во рацете на почитуваниот научник, историчар и хуманист Давид Хосафлок и на просветните ветерани, Кимете и Аднан Агаи.

Минатата година, кога прославувавме 110 години на Денот на Азбуката, кога говорев за новата реалност, мислев на новиот политички контекст во кој што се наоѓавме како регион тогаш и сега, кога правам споредба со актуелниот контекст, можам да кажам дека Република Северна Македонија е речиси внатре во НАТО, таму каде што Република Албанија сега веќе одбележува полни десет години членство и набрзо ќе бидеме партнери и во оваа димензија на соработка, додека пак што се однесува на нашето заедничко патување во постигнувањето на нашите интеграциски аспирации во европското семејство, за жал наидуваме на пречка која и после целиот наш ангажман и искрена посветеност, повторно не зависи од нас и ние не можеме значително во менување на истата. Меѓутоа, секако продолжуваме со истиот ритам на правење на реформи, со подобрување на квалитетот на живот на нашите граѓани и над се, со создавање на поволни услови за нашите млади,  за овозможување на отворање на нивните крила и поттикнување на нивните творечки, научни афинитети и над се, отворање на бескрајните хоризонти на производство на опипливи човечки вредности за нивниот потенцијал, нивниот придонес за општеството, за државата и регионот биде виден, ценет и да се ужива од страна на сите. Затоа што, како што реков и тогаш, времињата се менуваат, дискурсот се менува меѓутоа, битно е една работа да биде иста и заедничка, а тоа е целта каде сакаме да стигнеме, и тоа да стигнеме заедно, како народ, како држави, како регион.

Честит 22 Ноември!

Манчевски во Валандово: Она што го вети СДСМ во програмата, парите кај граѓаните, е исполнето согласно роковите

Успеавме  за 2,5 години да ја зголемиме минималната плата, да ги покачиме платите во јавнатаадминистрација и тоа го ветуваме ќе продолжиме со двојно повеќе работа истакна потпретседателот на СДСМ Дамјан Манчевски на граѓанската трибина во Валандово.

-Она што го ветивме – парите кај граѓаните, го правиме и го исполнивме во рокови. Првите пари од проектот мој ДДВ наскоро ке легнат на сметките кај граѓаните. Тоа се пари од државата, никогаш порано се нема случено преку ваков проект пари да завршат кај граѓаните. Минималната плата денес е 14.500 денари. Тоа значи за  5.5000 повисока од пред 2,5, години. Ние сме левичари, нашата цел е да им помогнеме на граѓаните, на работниците, на ранливите групи. Со сите овие мерки просечната плата сега е над 25.000 илјади денари а социјаната помош е зголемена за 300%, рече Манчевски.

Посветено работиме за просечна плата од 30.000 денари до крајот на 2020 година. истакна потпретседателот на СДСМ Дамјан Манчевски на граѓанската трибина под мотото „На прав пат" во Валандово.

Манчевски додаде дека за 2.5 години отоврени се над 54 нови илјади работни места, пред се во приватниот сектор а невработеноста е намалена на најниски 17.5%, се наведува во соопштението на СДСМ.

Трамп: Да не бев јас , Хонг Конг ќе беше срамнет за 14 минути

Американскиот претседател Доналд Трамп денес изјави дека кинеската војска не интервенирала за да ги задуши про-демократските протести во Хонг Конг, само затоа што тој тоа го побарал од неговиот кинески колега Си Џинпинг.

„Без мене, Хонг Конг ќе беше срамнет со земја за 14 минути. Си Џинпинг има милион војници на позиции околу Хонг Конг. Тие не влегоа само затоа што јас тоа го побарав“, рече американскиот претседател.

Хонг Конг, поранешна британска колонија,која се врати во Кина во 1997 година, се управува по принципот „една земја, два система“, а Хонг Конг ужива слободи непознати за остатокот од Кина. Овој принцип ќе се применува во Хонг Конг до 2047 година.

„Мора да го поддржиме Хонг Конг, но јас исто така го поддржувам претседателот Си“, рече Трамп.

Трамп ја даде изјавата откако американскиот Конгрес донесе резолуција во која се истакнува поддршката за „човековите права и демократијата“ во Хонг Конг.

Резолуцијата сè уште чека на потписот на Трамп.

притисни ентер