Филмот ,,Титаник” ќе имаше различен крај доколку не се предомисли режисерот (ВИДЕО)

Доколку не се предомисли режисерот Џејмс Камерон филмот ,,Титаник “ , чија премиера беше одржана пред цели 22 години , ќе имаше поинаков крај.

На крајот од филмот каков што го гледавме, остарената Роуз умира мирно во сон откако ги исполни сите свои соништа и се соединува со Џек по нејзината смрт. Филмот требаше да заврши на сличен начин, но една сцена беше избришана затоа што режисерот Џејмс Камерон одлучи дека е непотребна.

Во таа сцена, Роуз се искачува на оградата на бродот, а нејзината внука и истражувачот Брок (кој поминал три години опсесивно трагајќи по дијамантот во форма на срце) мисли дека таа ќе се самоубие.

Во тој момент, Роуз им открива дека цело време го имала дијамантот кај себе. И покрај тоа што му дозволува на Брок да го задржи за момент, таа му кажува дека богатствата се всушност моменти во животот и дијамантот завршува во океанот.

Камерон реши да ја избрише сцената затоа што сметаше дека публиката не е заинтересирана за Брок и колку сцената ќе го наруши чувството за меланхолија кај гледачот, а на крајот на филмот Роуз беше сама во моментот кога го фрли дијамантот во океанот.

Бил Пакстон, кој играше Брок, се согласи со промената на крајот на филмот.

„Не ни требаше тоа. Нашата работа беше завршена. Ако сте паметни и го тргнете егото и нарцизмот од приказната, ќе го послушате филмот. Тој ќе ви каже што е потребно, а што не“, заклучи тој.

Свештеник- педофил , повторно доби задача да работи со деца (ВИДЕО)

Католички свештеник, за кој знаело дека е осуден за злоупотреба на деца, пратен е во мисија во африкански земји за да работи со семејства и деца, откри истрагата на Си-Ен-Ен.

Свештеникот Лук Делфт е обвинет за сексуална злоупотреба на најмалку две момчиња во организацијата Каритас, водечка католичка добротворна организација, во Централноафриканската Република.

50-годишниот свештеник од Белгија припаѓа на Редот на Собранието на Св. Френсис Салехиски, дел од римокатоличката црква чија мисија е христијанско образование на адолесценти и млади. Делфт беше отстранет од функцијата само откако СNN им откри на неговите претпоставени нови обвинувања за силување деца.

Со години, Организацијата криела дека свештеникот  Делфт сексуално злоупотребува деца, пренесува Си-Ен-Ен, преместувајќи го од едно на друго место, во различни држави низ светот. И покрај обвинувањата и осудата за сексуална злоупотреба, му било дозволено да продолжи да работи со деца.

Албан Ален, кој сега има 17 години, изјави за Си-Ен-Ен дека Делфт повеќе пати сексуално злоставувал кога го запознал пред четири години во логорот за раселени лица  во Кага-Бандоро.

Кога новинарот на Си-Ен-Ен го прашал свештеникот Делфт дали има нешто да каже за наводите за сексуален напад, тој само рече ,,Не”.

„Но, вие сте свештеник, претставник на Бога. Децата ве обвинуваат дека сексуално ги злоупотребувате и немате што да кажете, ништо во своја одбрана? “, Го праша новинарот.

„Не, јас немем што да кажам“, одговори Делфт.

Делфт злоупотребил најмалку две момчиња, едно на 12 години и друго на 13 години, додека работел како началник во 2001 година во интернатското училиште „Продаж“ во белгискиот град Гент.

Делфт во тоа време имал 31 година, а неговата работа била да се грижи за децата. Наместо тоа, тој влегол во нивните соби во текот на ноќта и ги злоупотребувал.

Познат актер наеднаш ослабна 35 килограми : Мислев дека сум готов

Познатиот британски актер Кристијан Беил кој покрај актерските таленти, се одликува со неверојатни и понекогаш опасни физички трансформации, реши официјално да стави крај на практиката на постојано слабеење и дебелеење за неговите улоги.

„Постојано повторувам дека сум готов со тоа, но сега навистина мислам дека завршив“, изјави 45-годишниот актер за Си-Би-Ес.

Тој изгубил 35 килограми за неговиот последен филм „Форд против Ферари“ за да може да ја игра улогата на возачот Кен Мајлс.

И, иако Бејл рече дека прекинува со екстремните физички трансформации, неговиот колега Мет Дејмон изјави пред  новинарите дека е воодушевен од неговите методи: "Се забавував кога го гледав. Тој има дисциплина на монах затоа што се трансформира од Дик Чејни за да стигне до овој лик. Тој мораше да изгуби 35 килограми".

Иако шегувајќи с постојано велеше дека зголемувањето на телесната тежина за улогата на Чејни е лесно и дека „мораше да јаде многу пита“, Бејл кратко изјави за „Variety“ дека бил тежок процес: „Очајно е. Тоа е страшно. Ако губите тежина , нема ништо друго освен да одите на спиење гладен и да се чувствувте очајно. Зголемувањето на телесната тежина е друга крајност. Целосно ја губите дисциплината и голтате како лудак. Морам да престанам бидејќи не е здраво за моето тело. Во четириесеттите години може да биде опасно ако не сте свесни за сопствената смртност “.

БМВ , Фолксваген и Дајмлер се казнети со 100 милиони евра

Германски регулатор денеска одреди казна од вкупно 100 милиони евра за водечките производители на автомобили БМВ, Дајмлер и Фолксваген за здружување во картел поради набавка на челични производи.

Помеѓу 2004 и 2013 година, овие производители на автомобили редовно се состануваат со производители на челик и други компании за снабдување со челик за да се договорат единствен износ на наплата по  набавна цена на челикот, соопшти Кабинетот за сузбивање на картели.

Додадоа и дека компаниите плаќале нелегални цени како резултат на картелските активности, барем до 2016 година.

Компаниите ги прифатија казните.

BMW објави дека ќе плати казна од 28 милиони евра. Според портпаролката,  Даимлер ќе мора да плати 23,5 милиони евра.

Останатите скоро 49 милиони евра одат на Фолксваген, најголемиот германски производител, од каде не сакале да коментираат за висината на казната, но изразија задоволство од завршувањето на истрагата и отстранувањето на правната неизвесност.

Канцеларијата за сузбивање на картелите забележува дека челичните производи купени од картелот по набавна цена , се користат при производство на коленести вратила, запчаници и шипки на управувачкиот систем, што претставуваат еден процент од крајната вредност на автомобилот.

притисни ентер