Филмот ,,Титаник” ќе имаше различен крај доколку не се предомисли режисерот (ВИДЕО)

Доколку не се предомисли режисерот Џејмс Камерон филмот ,,Титаник “ , чија премиера беше одржана пред цели 22 години , ќе имаше поинаков крај.

На крајот од филмот каков што го гледавме, остарената Роуз умира мирно во сон откако ги исполни сите свои соништа и се соединува со Џек по нејзината смрт. Филмот требаше да заврши на сличен начин, но една сцена беше избришана затоа што режисерот Џејмс Камерон одлучи дека е непотребна.

Во таа сцена, Роуз се искачува на оградата на бродот, а нејзината внука и истражувачот Брок (кој поминал три години опсесивно трагајќи по дијамантот во форма на срце) мисли дека таа ќе се самоубие.

Во тој момент, Роуз им открива дека цело време го имала дијамантот кај себе. И покрај тоа што му дозволува на Брок да го задржи за момент, таа му кажува дека богатствата се всушност моменти во животот и дијамантот завршува во океанот.

Камерон реши да ја избрише сцената затоа што сметаше дека публиката не е заинтересирана за Брок и колку сцената ќе го наруши чувството за меланхолија кај гледачот, а на крајот на филмот Роуз беше сама во моментот кога го фрли дијамантот во океанот.

Бил Пакстон, кој играше Брок, се согласи со промената на крајот на филмот.

„Не ни требаше тоа. Нашата работа беше завршена. Ако сте паметни и го тргнете егото и нарцизмот од приказната, ќе го послушате филмот. Тој ќе ви каже што е потребно, а што не“, заклучи тој.

Заев од централната трибина во Скопје: Слободарско Скопје знае дека ЕУ и НАТО се правиот пат

„Носите маски, но ја гледам надежта на вашите озарени лица.“

„ Слободно Скопје секогаш било авангардата и гордоста наша", вака претседателот на СДСМ Зоран Заев го отвори своето обраќање на централната трибина на Коалицијата „Можеме", во Скопје.

Претседателот Заев порача дека денес правиот пат значи ЕУ и НАТО, значи грижа за сите, значи заштита од КОВИД – 19, економски раст и повеќе пари за секој.

„Убаво е слободно Скопје кое што верува дека одиме по правиот пат, Скопје кое што знае дека прав пат е грижа за сите, грижа за сите која што ја покажавме на дело во изминатите три години. Грижа за најсиромашните, грижа за помалку бројните етнички заедници, грижа за жените, грижа за лицата со посебни потреби, грижа подеднакво за сите, нашиот главен град Скопје знае дека е на правиот пат затоа што имаме вистинска развојна македонска економија, затоа што покажавме дека кога се решаваат најкрупните прашања можеме да водиме грижа за нашата економија.

Скопје знае дека ЕУ и НАТО се правиот пат. Знае дека сме на правиот пат затоа што гледа дека сме најуспешни во борбата со КОВИД – 19, Скопје знае дека сме на правиот пат затоа што знае дека тоа е патот кој што води кон целосен ред, дисциплина и правда. Скопје, слободно наше Скопје кое што секогаш ја храбрела внатрешноста на Македонија знае дека сме на правиот пат затоа што создаваме еко држава, знае Скопје дека овие шест столба се правиот пат, знае Скопје дека можеме, знае Скопје дека можеме уште подобро, уште повеќе", порача Заев.

Лукаревска: Да ги казниме оние што велат исправи се Македонијо а мислат на режим

Нашиот концепт на стандард, развој и  благосостојба ќе победи на 15 јули, исправени сме пред големата победа на СДСМ и коалицијата МОЖЕМЕ.

Да ги казниме оние кои што велат исправи се Македонијо, зашто сакаат пак да не клекнат на колена. И овој пат како и досега сме исправени пред големата победа на СДСМ и коалицијата МОЖЕМЕ, рече Лукаревска на централната трибина на коалицијата МОЖЕМЕ во Скопје.

-Обезбедивме 60 илјади нови работни места, ги зголемивме просечната и минималната плата, ги зголемивме платите во здравството, образованието, армијата, полицијата, го чуваме достоинството и на пензионерите, ги зголемивме и пензиите. Нашиот концепт за овие избори е стандард наместо пустош, борба против сиромаштијата наместо лично богатење, развој на економијата наместо концептот на ВМРО ДПМНЕ на што и самите се смеат "немаме за леб а трошиме за чоколади". Нашиот концепт на стандард, развој и благосостојба ќе победи на 15 јули.

-Особено сум горда, изградивме едно општество за сите, но исто толку сум горда и на принципот на еднакво општество на мажи и на жени. На овие изборни листи имаме 50% кандидати мажи и 50% кандидатки жени. Нашите заложби, нашите добри политики даваат резултати. Затоа ве повикувам, гласајте на 15 јули, заокружете три, обнова на режим не смееме и нема да дозволиме. Гласајте за Социјал демократскиот сојуз и коалицијата МОЖЕМЕ, гласајте за потврдени вредности.

Центар за комуникации со јавноста на СДСМ

Ахмети од Тетово: И помогнавме на државата да тргне по прав пат и сега отвораме нови поглавја

Изборен собир на плоштадот во Тетово одржа Демократската унија за интеграција, предводена од носителот во шестата изборна единица Али Ахмети и кандидатот за премиер Насер Зибери. 

Партискиот лидер Ахмети рече дека со нивните идеи на овие избори создаваат нова историја.

–Сите зборуваа НАТО, НАТО, НАТО ете влеговме и во НАТО. Сега одиме наоред да кроиме нова историја. И помогнавме на оваа држава да тргне по прав пат и сега отвораме нови поглавја. Ние имаме достоинство и со сите поглавја што сме ги отвориле на екононски план, со влезот во НАТО, евроинтерграција. Но јас не сакам да се заборави оваа навреда што денеска ја слушнав и се шокирав. Навредата за „пет пари" многу боли, но сме поминале многу, УДБА и удбаши и многу неправди, ние нема од што да се плашиме имаме ориентација и цел и сакаме да ја реализираме. За тоа ќе им покажеме на 15 јули и да видат кои сме ние, истакна Ахмети.

На собирот се обратија и кандидати за пратеници во 6 изборна единица, како и Насер Зибери, кандидат за премиер од редовите на ДУИ.

–Поминавме многу места и јас гледам дека оваа идеја што дојде од Али Ахмети излезе од кај Албанците и ја има кај сите во Македонија. Ова ни дава гаранција дека ќе го добиеме мандатот. Јас можам да ви ветам дека ќе има владеење на правото. Нема да има ништо надвор од правните рамки. Ќе работиме на полето на економијата, да има работа за младите, во образованието да има нови училишта. Кога ќе ја напуштиме функцијата ќе бидеме со чист образ. Да ги повикаме Македонците да гласаат за нас нема да им фали ништо, нема да им биде ускратено ниту едно право, ќе има еднаквост за сите, не се плаштете од ДУИ и Албанците, истакна Зибери.

Кандидатот за премиер и кандидатите за пратеници остварија неколку средби со граѓани во тетоските села Теарце, Порој, Челопек, Жеровјане, Камењане, Голема Речица и Мала Речица./МИА

притисни ентер