Кинеските милионери за прв пат се побројни отколку американските

Бројот на милионери годинава е зголемен за 1,1 милиони , а богати Кинези за прв пат има повеќе отколку богати Американци , покажа истражувањето на шавајцарската банка Credit Suisse.

Годишното истражување за богатството на Кредит Суис покажува дека во средината на оваа година, првите 10 проценти од најбогатите во светот се 100 милиони Кинези во споредба со 99 милиони во САД.

„И покрај трговските конфликти меѓу САД и Кина во изминатите 12 месеци, обете држави постигнаа силен напредок во креирањето на богаташи, заработувајќи 3,8 милијарди долари односно 1,9 милијарди долари“, соопшти директорот за истражување на светската економија во Кредит Свис, Нанет Хехлер-Фајдбербе.

Бројот на милионери во светот се зголеми за 1,1 милиони на 46,8 милиони, со вкупна нето вредност од 158,3 милијарди долари, што е 44 проценти од вкупниот светски износ.

Во САД се создадени половина од вкупно 675.000 нови милионери.

Падот на просечното богатство во Австралија, во најголем дел заради девизните разлики, се намали за 124.000 милионери. Велика Британија изгуби 27.000 милионери, додека во Турција се намали за 24.000.

Според истражувањето се проценува дека 55.920 луѓе имаат најмалку 100 милиони долари, додека 4.830 поседуваат нето средства над 500 милиони долари.

Глобалното богатство, кое се зголеми за 2,6 проценти минатата година, ќе се зголеми за 27 проценти во текот на следните пет години на 459.000 милијарди американски долари до 2024 година, прогнозира Кредит Свис. Бројот на милионери, исто така, ќе се зголеми во текот на овој период на близу 63 милиони.

Во светот, 56,6 проценти од луѓето поседуваат помалку од 10.000 американски долари, 32,6 проценти од лицата поседуваат меѓу 10.000 и 100.000 долари, 9,8 проценти од луѓето поседуваат меѓу 100 000 и 1 милион долари, додека 0,9 проценти од светската популација поседува скоро половина од светското богатство .

Членовите на Колдплеј ја прекинаа светската турнеја , причината е чудна

Бритискиот бенд Колдплеј реши да паузира со турнејата на која го промовира нивниот последен албум, наведувајќи дека концерттите имаат негативно влијание врз животната средина.

Крис Мартин за Би-Би-Си изјави дека нема да има турнеја за овој албум и дека групата ќе паузира една година или две, додека бендот не најде начин да ја направи својата турнеја не само еколошки одржлива, туку и еколошки корисна.

„Сите ние треба да ја завршиме работата на најдобар можен начин и да дадеме се од себе. Сакаме нашите идни патувања да имаат позитивно влијание врз животната средина“, рече фронтменот на Колдплеј.

Британскиот бенд во моментот е во Аман, главниот град на Јордан, каде го претставува новиот албум со тоа што ќе одржи два концерти кои во живо ќе се пренесуваат преку YouTube.

Концертите се закажани за деенска. Едниот ќе се одржи во зори, а другиот на зајдисонце. Двата дела на концертот ги претставуваат двата дела на нивниот нов албум, ,,Секојдневен живот”.

Во интервју за BBC, Мартин објасни дека тој и неговите колеги го избрале Jордан за да го претстават албумот затоа што се наоѓал некаде на средина на планетата и затоа што таму обично не одржуваат концерти . Тој додаде дека нивниот албум ја претставува глобалната перспектива на групата.

„Ако сте имале привилегија да патувате низ светот, тогаш знаете дека сите доаѓаме од исто место. На многу нежен британски начин, овој албум не сака да прави разлика меѓу кој било човек на планетата“, рече тој.

Колдплеј последен пат го обиколи светот во 2016 и 2017 година со турнеја наречена „Глава полна соништа“, која се состоеше од 122 концерти на четири континенти.

„Нашата следна турнеја ќе биде најдобрата можна верзија на турнеја што е еколошка“, рече Мартин.

Тој смета дека најтежок дел од турнејата ќе биде авионскиот лет затоа што тие сакаат концерти каде нема да се користи пластика и концерти каде ќе се користи соларна енергија.

WWF (WFP) ја поздрави нивната иницијатива, објаснувајќи дека е супер што светски познатите sвезди се борат за да ја заштитат планетата.

Групата ќе одржи концерт во Лондон на 25 ноември и сите приходи ќе бидат донирани во добротворна организација за животна средина.

Најсилниот електричен болид излезе на пат (ВИДЕО)

Со неверојатни 2000 КС , Лотус Евија не е само најсилен електричен , туку и најсилен сериски автомобил на светот.

Со тоа, Лотус со малку го победи и Римац, а во Норфолк сега решија да покажат дека Евија не е само празна (дизајнерска) приказна. Првиот електричен Лотус изгледа страшно, а таков е и на асфалт.

Евиа е автомобил што ќе ги проголта лајковите на љубителите на Лотус, и покрај електричниот погон. Од Лотус најавија дека Евија е во продажба следната година. Само 130 ќе се произведат и секој примерок ќе достигнува 200 км на час за шест секунди и ќе вози до 340 км на час. Цената е прилично ,,скромна” -  1,5 милиони фунти.


Доналд Трамп го одликуваше таткото на Анџелина Џоли

Претседателот на САД, Доналд Трамп, вчера го одликува актерот Џон Војт, еден од неговите неколкумина приврзаници во Холивуд, со Национален медал за уметност, нарекувајќи го „една од најголемите живи легенди на филмот“.

„Вие сте голем актер“, истакна Трамп на церемонијата на Белата куќа. „Џон е исклучително квалитетен актер и, случајно, некој што навистина го сакам“, додаде тој.

Осумдесетгодишниот актер, татко на актерката Анџелина Џоли се прослави со улогата во филмот „Полноќен каубој“ (1969), во кој глуми со Дастин Хофман.

"Фантастичен филм!" извика американскиот претседател додека звукот од оригиналната филмска лента се слушаше низ Белата куќа.

Џон Војт ќе биде запаметен и по неговата улога во филмот ,,Ослободување” од 1972 година со Берт Рејнолдс. Тој во 1978 го доби Оскар за најдобра улога во филмот ,,Враќање на воините”.

Откако во пролетта 2016 година објави дека го поддржува магнатот на недвижнини, во кампањата не престана да се фали со приврзаноста кон Трамп. "Јас, Џон Војт, можам да кажам без сомнение дека Доналд е забавен. Тој сака да се шегува. Тој е чуден, но пред сè, тој е чесен човек".

Тој повеќе пати ја повтори својата безусловна поддршка за републиканскиот милијардер, оценувајќи во мај 2019 година дури и дека е „најголемиот претседател по Абрахам Линколн“.

притисни ентер