Косовски имам доби отказ поради практикување дарвинизам

Кога немал молитви и други верски обреди во својата селска џамија , имамот Дрилон Гаши објавувал статуси на социјалните мрежи во кои вели дека верува во тероријата на еволуција на Дарвин.

Гаши (31) минатиот месец е отстранет од  Исламската заедница на Косово (БИК), највисокото верско тело во земјата. Тој рече дека ова е доказ дека традиционално умерениот ислам на Косово е во опасност.

- Живите суштества се создаваат со еволуција, а еволуцијата ја води Бог - тој ја објасни својата теорија дека исламот и науката можат да бидат во согласност.

„Науката ги изложува природните појави на нештата што ги создал Бог“, додава тој.

Прифаќањето на теоријата за еволуција не е невообичаено за Косово, бидејќи верниците се познати по умерениот ислам.

Според пописот во 2011 година, повеќе од 90 проценти од Косовците се декларираат себеси за муслимани.

Алкохолот слободно се продава, луѓето јавно покажуваат дека се вљубени во сè што е американско, а жените не носат религиозни фустани или шамии.

Овој начин на живот, сепак, се смени во последните две децении откако верското учење на крајот на минатиот век отвори конфликт меѓу традиционалните верници и новиот бран на имами кои се образовани во странство.

Откако војната за независност со Србија заврши во 1999 година, стотици џамии беа изградени со пари од земјите од Персискиот Залив, се шират нови учења, а имамите добија стипендии за студирање во земји како Саудиска Арабија или Египет.

Гаши студирал во Медина, но, тој не ја прифатил ултраконзервативната доктрина која се практикува таму, а на религиозниот естаблишмент не му се допадна на неговото „модерно размислување“, изјави тој за АФП.

На Косово, каде што пристигна исламот со идејата за проширувањето на Османлиската Империја, Гаши ја презеде функцијата во џамија изградена со арапски пари во Витомириче, град со пет илјади жители.

Тој го прошири својот „контроверзен“ став на социјалните медиуми и во разговори со локалните новинари.

„Неговите ставови се спротивни на принципите на исламот и нашите внатрешни правила“, рече портпаролот на БИК, Ахмет Садриу, откако Гаши беше разрешен од функцијата.

притисни ентер