Македонија

Пратениците преку законот за Инспекторат за употреба на јазиците, расправаат за извештајот на Венецијанската комисија

Пратениците по редовната пауза денеска ќе продолжат со расправата.

Главно за драфт извештајот на Венецијанската комисија во однос на Законот за употреба на јазиците, а по повод точката на дневниот ред за дополнетиот предлог на Законот за Инспекторат за употреба на јазиците.

Пратеникот Илија Димовски од ВМРО – ДПМНЕ укажувајќи дека дополнетиот предлог на Законот за Инспекторатот за употреба на јазиците е директно поврзано со Законот за употреба на јазиците, побара оваа точка да се одложи на неопределено време се до добивањето на финалната верзија на извештајот на Венецијанската комисија.

– Имам проблем со вашата неискреност и спремноста да се пазарите немајќи никаква морална линија во политичкото делување. Ветувавте дека ќе се внесат сите забалешки од Венецијанската комисија, како ќе ги внесете тие забелешки, рече меѓу другото Димовски.

Димовски апелираше до пратениците од СДСМ да не дадат зелено светло за Законот за употреба на јазиците во насока, како што рече, да се прати порака оти е потребно е да се постапува по препораките на Венецијанската комисија, а кои, според него, треба да се ревидира по најмалку 10 точки кои се надвор од Уставот, од Рамковниот договор и од меѓународните стандарди. Тој оцени дека препораките од Венецијанската комисија, е апсолутен пораз на правниот тим на валдата, на чело со министерката за правда Рената Дескоска, која, рече, се обидува да ја избегне одговорноста.

Пратениците од ВМРО – ДПМНЕ, потсетија дека во врска со Законот за употреба на јазиците во регуларна процедура поднеле 80 амандмани, а потоа и други 36.500 амандмани кои не биле разгледани. Тие ги прашаа нивните колеги од мнозинството што ќе добијат со барањето за одложување на конечниот извештај од Венецијанската комисија за Законот за употребата на јазиците, во кој се констатирани низа забелешки.

Пратеникот Зијадин Села од Алијансата на Албанците потсети дека Законот за јазиците во 2008 година бил донесен под притисок и смета дека бил дискриминаторски. Според него, препораките од Венецијанската комисија меѓу другото се однесуваат на две прашања за употребата на албанскиот јазик на банкнотите и на униформите на Армијата.

Пратеникот Самка Ибраимоски истакна дека откако ќе се добие финалниот извештај од Венецијанската комисија политичките партии ќе седнат и ќе разговараат. Треба да има едно општество и еднакви можности за сите граѓани, рече тој, на што Димовски се осврна на тоа дека една од препораките од Венецијанската комисија е тоа дека јазиците на помалите етнички заедници, меѓу кои и ромскиот не се доволно обработени.

За Антонијо Милошоски со усвојувањето на дополнетиот предлог на Законот за Инспекторат за употреба на јазиците, дополнително може да го наруши кредибилитетот на државата кај Венцијанската комисија, која, подвлече, предлага да се одложи извршувањето на паричните санкции, особено во делот на судовите и судските постапки, за да се обезбеди правна сигурност.

Нацрт-мислењето на Венецијанската комисија, рече тој, е правна шлаканица за Владата особено за Министерството за правда. Се осврна на изјавите дадени од премиерот Зоран Заев и на вицепремиерот задолжен за европски прашања Бујар Османи, а во кои едниот тврди дека ќе се почитуваат препораките од Венецијанската комисија, додека другиот го вели спротивното.

Во низата реплики помеѓу пратениците од опозицијата и од мнозинството, пратеничката Јагода Шахпаска од СДСМ и коалицијата, предупредувајќи дека законот за Инспекторат за употреба на јазиците не е предмет на разгледување на Венецијанската комисија, истакна дека Милошоски користи изборна реторика и ги заплашува граѓаните во однос на употребата на албанскиот јазик. /МИА.

Свет

Иранските пораки ги намалија цените на нафтата

Цените на нафтата денеска паднаа на 86 долари на меѓународните пазари, бидејќи инвеститорите беа смирени од пораките од Иран по „сомнителниот“ инцидент со беспилотни летала, намалувајќи ги стравувањата од ескалација на израелско-иранскиот конфликт.

На лондонската берза цената на барелот по пладне беше пониска за 72 центи во однос на затворањето на тргувањето вчера и изнесуваше 86,39 долари.

На американскиот пазар барелот за испорака во мај се тргува по пониска цена од 66 центи, по 82,07 долари. Речиси за исто толку падна и цената на барелот за испорака во јуни и се лизна на 81,42 долари.

Пазарите утрово беа катапултирани од извештаите на западните медиуми за експлозија во близина на иранскиот град Исфахан. Американската ТВ компанија ABC објави, цитирајќи неименуван американски функционер, дека израелски проектили погодиле локација во Иран.

Иранската државна телевизија објави дека „на небото над Исфахан биле забележани три дронови. Системот за противвоздушна одбрана бил активиран и ги уништил беспилотните летала“. Иранските медиуми не го спомнаа Израел во извештаите, а еден аналитичар изјави за државната телевизија дека беспилотните летала се управуваат од луѓе кои се инфилтрирале во Иран.

Техеран го минимизираше инцидентот и посочи дека не планира да реагира. Пораката беше најјасно дадена од висок ирански функционер, кој за Ројтерс изјави дека Техеран не планира одговор во овој момент.

Берзите стравуваат од ескалација откако Техеран објави одговор на израелскиот напад врз иранскиот конзулат во сирискиот главен град Дамаск, во кој загинаа неколку високи ирански воени претставници и конзуларни претставници.

Иран пред десет дена испрати стотици беспилотни летала и проектили во Израел, кои главно беа соборени од системот за противвоздушна одбрана. Никој не беше убиен и беше предизвикана само ограничена штета, но Тел Авив сигнализираше дека планира одговор, и покрај предупредувањето на САД дека нема да ги поддржи нивните офанзивни акции.

„Почетниот скок на цените на нафтата можеби ги нагласи првичните стравувања од понатамошна ескалација, но видовме дека пазарите на капитал и нафта го сменија курсот по тие прелиминарни потези“, рече Џошуа Махони од Scope Markets.

Инвеститорите очекуваа одговор на Израел на нападите со ирански беспилотни летала и постепено намалување на премијата за ризик, па цената на нафтата падна за повеќе од четири отсто од понеделникот, забележува Ројтерс.

Но, тензијата сè уште не е целосно смирена бидејќи Иран е трет по големина производител на нафта во Организацијата на земјите извознички на нафта (ОПЕК), според податоците на Ројтерс, така што ескалацијата би загрозила значителен дел од понудата, забележува Бјарне Шилдроп од СЕБ.

Американските пратеници укажаа дека би можеле да воведат санкции за извозот на нафта од Иран, вклучувајќи ги во пакетот помош за Украина во очекување на гласање во Конгресот. Предложени се казнени мерки за бродови, пристаништа и рафинерии кои преработуваат иранска нафта и за трансакции на кинески финансиски институции поврзани со купување на иранска нафта.

Одделно, ОПЕК објави дека барел од нафтената кошница на нејзините членки вчера се намалила за 2,29 долари на 87,35 долари.

Шоу биз

Ума Турман ги воодушеви сите на годишнината од култниот филм во Лос Анџелес (ВИДЕО)

Ума Турман ја воодушеви публиката во Лос Анџелес на 30-годишнината од прикажувањето на „Pulp Fiction“.

53-годишната актерка за оваа пригода избра црна облека. Во споменатиот филм Ума го отелотвори ликот на Миа Валас, а многу фанови напишаа дека оттогаш таа речиси не се променила. Тие на социјалните мрежи пишуваат дека изгледа многу младешко и дека „никогаш не изгледала толку добро“.

Инаку, Ума доби и номинација за најдобра споредна женска улога за улогата на Миа Валас.

Pulp Fiction е филм на Квентин Тарантино од 1994 година. Беше номиниран за седум Оскари, вклучително и за најдобар филм. Во филмот глуми и Џон Траволта.

Свет

Франција им нареди на трговците да ги означуваат производите, на кои им го намалиле пакувањето

Француските трговци ќе мора да ги известат клиентите за намаленото пакување на производите кое не е придружено со соодветно намалување на нивните цени, објави Министерството за финансии, сигнализирајќи нова мерка за борба против скриените поскапувања.

Тајното покачување на цените преку намаленото пакување на производите предизвикува главоболки и кај потрошувачите и кај владите, бидејќи ја инхибира потрошувачката во услови на послаба куповна моќ на домаќинствата под притисок на високата инфлација и трошоците за задолжување.

Француските малопродажни компании од јули до септември ќе треба да ги информираат потрошувачите за храната и другите производи за широка потрошувачка чија цена не го следи намаленото пакување, соопшти Министерството. „Ќе ставиме крај на таквите практики. Сакам да ја вратам довербата на потрошувачите, а довербата оди рака под рака со транспарентноста“, рече министерот за финансии Бруно Ле Мер.

Цените на храната станаа главно политичко прашање во Франција минатата година бидејќи цените на храната скокнаа за рекордни 16 отсто по редовните годишни преговори меѓу трговците на мало и компаниите за храна.

Владата со закон го регулираше одложувањето на датумот за преговори годинава и побара од компаниите да го ограничат поскапувањето. Минатиот септември ланецот супермаркети „Карфур“ прикажа предупредувања за цените на некои производи со цел да изврши притисок врз големите производители на стоки за широка потрошувачка, како „Нестле“, „ПепсиКо“ и „Унилевер“ пред преговорите.