Волонтерите од Црвен крст за 10 дена помогнале 3.168 лица полесно да се снајдат во универзитетските клиники

Во изминатите 10 дена дена, од волонтерите побарале помош 3.168 лица на седум клиники, каде се поставени пунктовите, што покажува дека пациентите навистина чувствуваат бенефит од оваа мерка. 

Министерството за здравство соопшти дека успешно функционира проектот во соработка со Црвениот крст во кој волонтерите им помагаат на пациентите полесно да се снајдат низ Клиничкиот центар во Скопје, со цел да стигнат до потребната клиника, до соодветната локација, потребното снимање, преглед или анализа.

Во изминатите 10 дена дена, од волонтерите побарале помош 3.168 лица на седум клиники, каде се поставени пунктовите, што покажува дека пациентите навистина чувствуваат бенефит од оваа мерка. Волонтерите се лоцирани на седум најфреквентни локации во комплексот клиники „Мајка Тереза", во периодот од 8:30 до 12 часот, секој работен ден, посочуваат од Министерството.

– Како волонтери нашиот ангажман е од хуман аспект и преку овој проект им помагаме на пациентите полесно да ги најдат одделите и докторите. Пациенти ни приоѓаат и нѐ поздравуваат, велејќи дека оваа мерка e неопходна. Ќе продолжиме да се вклучуваме во секој проект, кој значи олеснување во работата, бидејќи е корисно за сите, велат Андриана и Сања, волонтери на Црвениот крст, кои во рамки на заедничкиот проект со Министерството за здравство им помагаат на пациентите за полесно снаоѓање во Клиничкиот кампус.

Извршените истражувања по клиниките покажаа дека пациентите имаат проблем со снаоѓањето во комплексот. На овој начин им овозможуваме полесно да ги најдат одделите и докторите, а со тоа и побрзо да ја добијат неопходната здравствена услуга. Оваа форма на помош функционира и на други клиники во Европа и од тамошната јавност е препознаена како добра практика, информираат од Министерството за здравство. 

Нисан отповикува 400.000 возила заради проблем со кочењето

Јапонскиот Нисан отповика скоро 400.000 возила од САД заради дефект во системот за кочење кој предизвикува течење на течноста од системот што може да предизвика пожар во автомобилот.

Отповикувањето ги вклучува моделите  „Maxima 2016-2018“, „Infiniti QX60 2017-2019“, „Murano 2015-2018“ и „Pathfinder 2017-2019“.

Доколку се случи проблем со течење на системската течност од кочниците автомобилот ќе сигнализира предупредување, но доколку тоа предупредување се игнорира во одредени случаи може да дојде до оган, ја известија од Нисан американската Национална администрација за безбедност во патниот сообраќај.

„Доколку предупредувањето се игнорира и возилото продолжи да се користи во овие услови, течноста за кочници може да предизвика електричен спој внатре во моторот“, соопштуваат од Нисан.

Нема податоци дали овој дефект во споменатите Нисан автомобили досега предизвикал пожари и повреди.

Ова отповикување доаѓа помалку од два месеци откако  Националната администрација за безбедност во патниот сообраќај отвори прелиминарна истрага за дури 553.000 Нисан „Rougue (X-Trail)“ по известувањето за грешка во автоматското итно кочење кое се вклучува без предупредување и без пречка.

Нисан минатата година и во Јапонија отповика автомобили поради проблеми со кочниците и управувачкиот систем.

Луксузна прослава на роденденот на Сораја

Сораја на 11 ноември наполни 33 години но тогаш не можела да собере големо друштво па се одлучила својата голема прослава да ја направи денес на 17 ноември.

Како што наведуваат медиумите, таа скала на пријателите да им приреди нешто за паметење па им платила авионски карти до Виена и смештај во луксузен хотел, а резервирала и место и во еден од најлуксузните австриски ресторани каде шише квалитетно вино чини 500 евра.

Сораја ги ангажирала и Александра Младеновиќ и Љуба Аличиќ да и пеат на журката.

Последниот произведен Сааб е продаден за 43 500 евра

На аукција во шведска е продаден последниот произведен примерок од некогашниот локален произведувач на автомобили Сааб.

Сааб 9-3 Аеро од 2014 година достигнал цена од 43.500 евра а последниот дел од историјата на Сааб го купил Клаус Спангорд.

Автомобилот требало да се користи за тестови за безбедност, но заради проблеми кои настанале во компанијата никогаш не се спроведени.

Заради тоа пет години не е користен и има поминато само 66 километри а ентериерот е потполно кожен.

Под хаубата се наоѓа 2.0 литарски бензински мотор со 220 коњски сили и 6 степен автоматски менувач. Овој автомобил има и погон на сите четири тркала.

Компанијата Сааб банкротираше 2011 година а две години подоцна е купена од кинеската компанија НЕВС.

Неколку години е произведуван Сааб 9-3 но новиот сопственик поради финансиски проблеми го изгубил правото на лиценцата на брендот Сааб.

Сега кинеската компанија произведува електрични автомобили базирани на Сааб 9-3 но под името НЕВС.

притисни ентер