Настанот, со црвен тепих, почнува од 18:30 часот. Целта е истакнување на достигнувањата и на инспиративните приказни на 10 лица и 10 компании коишто се вистински шампиони за еднаквост и инклузија, соопшти организаторскиот тим на свеченоста.

Оваа година, преку отворен повик, за наградите „Ability awards 2024“ беа номинирани 40 инспиративни лица со попреченост, кои преку своите постигнувања ја претставуваат моќта на решителноста и креативноста. Тие се номинирани во 10 категории:

01. Култура и уметност;

02. Спортски достигнувања;

03. Работник во бизнис-сектор;

04. Работник со ИТ-вештини;

05. Лидерство;

06. Работник во јавна институција;

07. Награда за исклучително влијание на општествената свест;

08. Бизнис-иноватор;

09. Борец за човекови права;

10. Инклузивен иноватор.

Компаниите, пак, ќе добијат одличја во следниве категории:

01. Најдобро инклузивно работно место

02. Иновации во пристапноста

03. Влијание на заедницата

04. Медиум без предрасуди

05. Лидерство за различности

06. Инклузивна маркетинг-кампања

07. Застапување и политика

08. Инклузивна и асистивна технологија

09. Претприемничка иницијатива

10. Корпоративна социјална одговорност

На гала-вечерта ќе присуствуваат највисоки претставници од политичкиот и корпоративниот свет. Меѓу гостите, се очекува да биде и претседателката на државата, г-ѓа Гордана Сиљановска-Давкова.

Медиумски покровители на настанот се МРТ и МИА.

Немавме многу успех во носењето одлуки, но сега е време вистински да одиме напред. А новата Европска комисија и претседателката Урсула фон дер Лајен, верувам дека се целосно согласни и препознаваат дека е дојдено време за храбри акции, истакна грчкиот премиер Кирјакос Мицотакис во интервјуто за Си-ен-ен, говорејќи за иднината на Европската Унија, јави дописничката на МИА од Атина.

Во однос на вториот претседателски мандат на Доналд Трамп и степенот на подготвеност на Европа, Мицотакис посочи дека „пораката требаше да ја имаме примено уште пред претседателските избори во САД“.

-Ако го прочитате извештајот на Драги е многу силно предупредување за тоа што Европа треба да го направи за да ја обезбеди својата стратешка автономија и да ја зајакне својата конкурентност. Овие предлози и овие препораки, широки препораки, веќе се дискутирани на ниво на Европскиот совет. И чувствувам зголемена динамика, дека сме стигнати до важна точка и дека треба да донесеме некои клучни одлуки, истакна Мицотакис.

На прашањето дали поддржува носење одлуки со мнозинство, грчкиот премиер посочи дека ја поддржува потребата да се разгледа извештајот на Марио Драги како целина, но „ако тоа значи дека некои одлуки мора да се носат со мнозинство, тогаш треба да се погрижиме земјите да го задржат правото на приговори за критичните прашања, како што се националната безбедност, надворешната политика или одбраната“.

Службите на Противпожарната служба, Јужноегејскиот регион и општина Родос остануваат во приправност за справување со проблемите предизвикани од невремето Бора. Како што е најавено, наскоро ќе започне процесот на евидентирање на штетата со цел да се обештетат повредените.

Според извештајот, на Лимнос не врне дожд во последните неколку часа, а жителите на островот се обидуваат да спасат што можат по разорните поплави.

Вонредна состојба за Родос и Лемнос прогласи генералниот секретар на Министерството за климатски кризи и цивилна заштита на барање на градоначалникот. Вонредна состојба е прогласена на Лемнос во општинските единици Мирина, Ацики и Неа Кутали. Сите училишта низ островот остануваат затворени во вторник.

Поради силните ветрови и врнежи од дожд оштетени се многу инфраструктури, куќи и патишта. На Халкидики се забележани големи количини на врнежи поради лошото време.