Фото: Нов ѕвер од „BMW“

„BMW“ го претстави новиот модел од серија 2 Гран Купе. Најатрактивната верзија од овој автомобил е спортскиот „М235i“.

Во себе има 2.0 литарски турбо- бензин мотор со 305 коњски сили и „xDrive“ погон за пренесување на силата на сите четири тркала.

Менувачот е автоматски со осум брзини и овој автомобил од 0 до 100 км/ч забрзува за само 4,7 секунди.

Автомобилот е оплеменет со бројни компоненти изработени од карбон или хромирани и детали од сјајно црна пластика.

Купувачите ќе можат да одберат помеѓу 18 и19 инчни бандажи.

Ентериерот го краси новиот спортски волан со црвен маркер на врвот.

Почетната цена на „BMW М235i“ во Германија изнесува 51.900 евра.

Дежурни поликлиники: Јане Сандански, Чаир, Ченто, Шуто Оризари, Ѓорче Петров, Драчево и Бит пазар

Како што соопшти министерството за здравство, службата за итна медицинска помош со домашно лекување ќе се грижи за здравствената состојба на граѓаните во текот на 24 часа, а со вообичаено работно време ќе функционира и единицата за домашна посета.

Денеска дежурните ординации ќе работат во скопските поликлиники согласно вообичаениот распоред за работа за недела и за празници, ќе функционираат ординации за здравствена заштита во трета смена, во поликлиниките Јане Сандански, Чаир, Ченто, Шуто Оризари, Ѓорче Петров, Драчево и Бит пазар, информираат од Здравствен дом-Скопје.

Како што соопшти министерството за здравство, службата за итна медицинска помош со домашно лекување ќе се грижи за здравствената состојба на граѓаните во текот на 24 часа, а со вообичаено работно време ќе функционира и единицата за домашна посета.

Отворени избирачките места во Тетовско, 184.132 граѓани со право на глас

Почна гласањето во шестте општини на тетовскиот регион каде денеска можност за избор на кандидати за пратеници ќе имаат вкупно 184.132 граѓани со право на глас. 

Своето избирачко право ќе може да го остварат на вкупно 265 избирачки места.

Најмногу избирачи има во општина Тетово, со 84.454 гласачи на 117 избирачки места. Следува Боговиње со 27.812 гласачи и 38 избирачки места. Во Желино општинска изборна комисија има 23.926 гласачки листиња, а бројот на избирачки места е 35.

Теарце брои 22.238 гласачи и 30 избирачки места. Во Брвеница има 24 избирачки места каде ќе може да гласаат 15.534 граѓани. Најмалку гласачи има во општина Јегуновце каде се регистрирани 10.168 гласач и 21 избирачко место.

-Изборната комисија за општина Тетово за денот на изборите има предвидено дислокација на неколку избирачки места. Сите избирачки места кои досега биле лоцирани во објектот на ЈКП Тетово на градски пазар се дислоцираат во ОУ Братство-објект Спортски центар, додека сите избирачки места од општина Тетово се преместуваат во ОУ Лирија, соопштија од ОИК Тетово.

Во понеделникот во тетовскиот регион 80 лица беа вкупно пријавени за поради потребата да бидат дома во изолација или болни од Ковид-19. Своето право на глас од дома вчера евидентирани како болни и изнемоштени имаа можност да остварат 192 лица во сите шест тетовските општини.

Почна гласањето во општините Гевгелија, Богданци, Дојран и Валандово

 Точно во 7 часот утрово, со примена на мерките за заштита на граѓаните од Ковид-19 почна излегувањето на гласачите на предвремените парламентарни избори во општините Гевгелија, Богданци, Дојран и Валандово.

Во општина Гевгелија гласањето се одвива на 37 избирачки места на кои своето демократско право може да го искористат 19.136 граѓани кои се евидентирани во единствениот гласачки список.

Граѓаните на општина Богданци денеска ќе се изјаснуваат на 12 избирачки места каде што право на глас имаат 6.706 граѓани. Во општина Валандово се гласа на 24 избирачки места со вкупно евидентирани 9.912 гласачи, а во најмалата општина на југоистокот, Дојран денеска право на глас имаат 2.684 граѓани кои ќе се изјаснуваат на осум избирачки места.

Гласањето почна навреме и се одвива во демократска атмосфера,без проблеми.

притисни ентер