Како против современиот начин на живот – Секое трето дете во Македонија е со вишок килограми

Децата претставуваат нашата иднина, за да им овозможиме убава, здрава и лесна иднина, потребно е децата да имаат балансиран тип на исхрана, редовни спортски активности, вежби или прошетки.

Ова е пораката на др. Соња Ралева, лекарка и специјалист во Школски диспанзер до родителите по објавеното истражување од СЗО дека повеќе од третина од децата на возраст од шест до осум години кои одат во второ одделение во државава имаат зголемена телесна тежина или дебелина. Според др. Ралева има неколку главни фактори кои придонесуваат за дебелина кај децата.

Здравиот начин на исхрана вели Ралева, вклучува ограничување на внесот на енергија од вкупните масти и шеќери, како и зголемување на консумацијата на овошје и зеленчук, како и мешунки, интегрални житарки и ореви и редовна физичка активност.

Според податоците на Европската иницијатива на СЗО за следење на дебелината кај децата, од 2016 година, со која биле опфатени 40 земји, државава го зазема 10-тото место. Се проценува дека во светот има повеќе од 150 милиони деца со прекумерна телесна тежина и доколку не се преземат неопходните мерки на претпазливост, бројот ќе се зголеми на 250 милиони до 2030 година.

Трамп за Кина: Нашите односи се нарушени, можеа да ја спречат епидемијата

Американскиот претседател Доналд Трамп денес оцени дека односите помеѓу САД  и Кина се „сериозно нарушени“, наведувајќи ја кризата со коронавирусот.

Тој рекол дека за сега не планира втора фаза од економскиот договор потпишан во јануари помеѓу двете светски сили.

Трамп повторно во изјава го обвини Пекинг за кризата со коронавирусот.

„Кина можеше да ја запре епидемијата со коронавирусот“.

Прашан за втората фаза од комерцијалниот договор потпишан после две години трговска војна тој одговорил:

„Не размислувам околу тоа за сега. Искрено, имам многу други работи за кои треба да мислам“.

Велешкиот суд му одреди притвор на Панчевски

Судот во Велес денеска му одреди притвор на поранешниот претседател на кривичниот суд, Владимир Панчевски.

Информацијата за Канал 5 ја потврдија извори од велешкиот суд, појаснувајќи дека притворот му е одреден затоа што тој не се појавил на денешното рочиште, а не бил присутен ниту неговиот бранител.

Пред една година скопското обвинителство поднесе обвинителен предлог против Панчевски за злоупотреба на службената положба во врска со АКМИС-от, системот за управување со судските предмети во кривичниот суд. Предметот се суди во Велес за да се избегне евентуална пристрасност во Скопје поради тоа што Панчевски беше претседател на кривичниот суд.

Зибери: Идејата за првиот премиер Албанец претставува моќен симбол за еднаквост

Кандидатот за премиер од редовите на ДУИ, Насер Зибери, денеска со караванот „Оствари го сонот" ги посети Теарце, Порој, Челопек, Жеровјане, Камењане, Голема Речица и Мала Речица.

Зибери разговараше со граѓаните од овој регион за предизвиците со кои се соочуваат, презентирајќи ги своите планови, заложби и идеи за иднината на овој регион, а исто така граѓаните имаа можност да добијат и одговори на прашањата кои ги засегаат во секојдневниот живот.

На средбите Зибери со соговорниците дискутираше и за неговите заложби за првите 100 дена од неговиот мандат, за важноста на ова патување, откривајќи ја идејата за првиот премиер Албанец, што претставува моќен симбол за еднаквост, мултиетничка припадност и современа демократија, а исто така е и идеја за подобар живот за сите.

Зибери од жителите на овој регион побара поддршка за оваа идеја не само од албанските граѓани, туку и од Македонците и другите етнички заедници./МИА

притисни ентер