Пратениците денес гласаат за Брегзит

Британските пратеници денес ќе гласаат за договорот за Брегзит на премиерот Борис Џонсон, што се гледа како историски чин по кој Лондон или ќе излезе од ЕУ или ќе западне во уште подлабока криза.

Пратениците ќе расправаат за договорот кој Џонсон во четвртокот на 17 октомври го постигна со лидерите на ЕУ.

Опозициските партии и Џонсоновите сојузници од Северна Ирска  веќе го отфрлиле текстот, но премиерот и неговиот тим ги помина последниве 48 часа обидувајќи се да добијат поддршка од пратениците, наведува „АФП“.

-Нема подобар исход од овој кој јас го заговарам, рекол Џонсон за „Би-Би-Си“, истакнувајќи дека договорот за Брегзит е фантастичен.

Џонсон претходно кажа дека Британија на 31-ви октомври ќе ја напушти ЕУ со или без договор.

Поранешните вработени од „Охис” на мирен протест против фирмата што го чисти хемискиот отпад

Екоцентар 97 ќе продолжи да го чисти хемискиот отпад од Охис уште 4 месеци. Поголемиот дел од доверителите на денешното Собрание дале амин фирмата да продолжи со работа.

Иако бившите вработени денеска преку мирен протест, побараа тоа да не се дозволи, бидејќи фирмата не успеала да ја заврши работата.  Бараа парите кои ги добила Екоцентар 97 да се вратат. Станува збор за околу 2 милиони евра, пари кои се доволни за исплата на годишна плата за илјада охисовци.

И покрај наши дека е противзаконски, односно спротивно на член 4 од основен договор, каде точно се наведува дека може да се продолжи со анекс на договорот, односно само во виша сила, што не беше случај во оваа ситуација.“

„Сами си назначија рок дека ќе дислоцираат и но штом не е направено значи не се професионални..

Може да се каже фирмата сметаме дека не е професионална толку за вакви хемиски дејанија, а нас не чуди незавршена работа, а пари им се префрлени, мислиме дека треба да вратат и да влезат во стечајна маса и да се поделат на бившите вработени...“

Последниов период Охис често е во фокусот на јавноста, особено по инцидентот кој се случи пред извеен период кога се излеа вода со која се чистел метил акрилатот.

Надлежните дури и ги отворија портите на Охис, со цел да уверат дека нема простор за паника.

И Владата и претставници од правосудството се за спроведување на процесот на ветинг

Правосудните претставници немаат бпротив ветингот но тој да не се прави набрзина и без дополнителни механизми во текот на проверката. 

Власта ги оцртува контурите на ветингот во правосудството, судиите и обвинителите не се противат на идејата но велат овој процес мора да се спроведе внимателно и согласно меѓународните стандарди. Постои Министерката за правда вели ветингот не би го извршувал извршната власта, туку експертска комисија.

„Ветингот не го спроведува извршната власт, туку на експертско ниво мешовита комисија, во која што во многу земји учествуваат и меѓународни претставници како гарантори на процесот. Останувам на ставот дека е многу побитно да имате чесни и професионални судии и обвинители, отколку да ги има а да не си ја вршат работата како што треба. Тие носат поголема штета, отколку што би било забележано како штета нивното отсуство во судство“, рече Дескоска.

Министерката е убедена дека чесните судии и обвинители не треба да се плашат од злоупотреби при спроведување на ветингот. Дека ветингот е потребен процес во земјава, истакнува и претседателот на ДУИ.

И судиите и обвинителите порачуваат дека не се против да се провери нивната работа, по порачуваат дека процесот мора да биде добро осмислен и да не се претвори во мешање на извршната во правосудната власт.

„Ветингот може да има и позитивни и негативни страни треба да се внимава да не преставува начин на опструкција на правдата поради недоволниот број на судии со кои би се пополниле испразнетите. Да се создадат добри услови за да може да се имплементира да се зајакнат капацитетите на академијата од каде ние регрутираме судии. Тоа се две зла со ветингот треба да се одбере помалото зло за граѓаните“, вели претседателот на Судскиот совет, Киро Здравев.

Откако пред една недела се спротивстави на спроведување ветинг со аргумент дека и онака има малку обвинители, сега претседателот на Советот на јавни обвинители, Ацо Колевски се согласува со ваков процес, но вели ветингот треба да резултира со подобрување на состојбите во правосудстовото, а не со нивно влошување.

Маричиќ: На самитот на ЕПП Мицкоски доживеа дебакл, целосен меѓународен пораз на лажните и лицемерни политики

На самитот на Европската народна партија во Загреб се случи целосен меѓународен пораз на лажните и лицемерни политики на Мицкоски и ВМРО-ДПМНЕ, рече на прес конференција, Бојан Маричиќ, претседател на Комисија на СДСМ за Европски прашања.

Не само што се покажа дека едно зборува пред граѓаните а друго надвор од државата,  туку и јавно, пред камери, на клучните стратешки теми Мицкоски доживеа дебакл.

Тоа е очкувано, затоа што Мицкоски нема свој став туку работи под диктат на Никола Груевски.

Дури и Европската народна партија, каде членка е ВМРО-ДПМНЕ и има право на глас, во донесената Резолуција од загрепскиот самит, констатира дека ЕУ со неносењето одлука за почеток на преговорите, направила историска, геостратешка грешка.

Тоа е потврда дека ние ги направиваме реформите што беа потребни, дека се што требаше испорачавме, но дека одлуката на ЕУ е поради внатрешни проблеми во самата Унија, како што и највисоките челници на ЕУ потврдија.Оваа резолуција е врел шамар за Мицкоски и ВМРО-ДПМНЕ кои виновници бараа внатре во земјата.

Се покажа уште еднаш дека целиот демократски свет ги препознава реформите и успесите, дека сите важни фактори и претставници во ЕУ се за тоа да започнеме преговори, само Мицкоски навива против напредокот на нашата татковина во евроинтеграциите.Радоста на Мицкоски дека биле во право оние што ја блокирале нашата земја очигледно заврши неславно и тоа на негов терен.

Додека дома Мицксоки вели дека не го признава уставното име на државата, граѓаните видоа дека нема проблем неговата ВМРО-ДПМНЕ во Европската народна партија да биде претставничка од Република Северна Македонија.

Самитот во Загреб го разоткри сиот лажен патриотизам, го разоткри сето лицемерие на Мицкоски и ВМРО-ДПМНЕ.

На Самитот на Европската народна партија, Мицкоски го поддржа Договорот со Бугарија за кој велеше дека е штетен по националните интереси, го призна уставното име и Договорот од Преспа.

Мицкоски се премисли за се за што зборуваше во изминатите две години и го порекна за само две минути.

Толку од искреноста, честитоста и доследноста во ставовите за кои зборува Мицкоски.Затоа граѓаните на 12 април ќе го казнат неговиот нечесен и лицмерен однос и ќе пoтврдат дека државата е прав пат, рече Маричиќ. 

притисни ентер