Македонија

Шарец: Македонија заслужува почеток на преговорите со ЕУ

Македонија заслужува да добие зелено светло за почерток на пристапнит епреговори со ЕУ , изјави денеска во Брисел словенечкиот премиер Марјан Шарец.

Шарец предупреди на можните последици , доколку Макеонија не добие почеток на преговорите со ЕУ.

Доколку Македонија денес не добие зелено светло, работите би можеле да станат „непредвидливи“, рече Шарец пред почетокот на средбата на лидерите во Брисел, каде што една од темите е и проширувањето на ЕУ.

„Би било убаво ЕУ да ги исполни своите ветувања , а во спротивно знаеме дека преговарачкиот процес за влез во полноправно членство е долг, многу долг и дека ништо не се случува преку ноќ“, им рече Шарец на новинарите во врска со резервите што ги има Франција за почеток на преговорите Македонија и Албанија.

„Разбирам во спротивно дека многу работи се сè уште нецелосни и дека проширувањето на ЕУ можеби не изгледа за никого во моментов изводливо, но почетокот на преговорите секако не значат крај на овој процес“, рече Шарец, додавајќи дека одложувањето на почетокот на преговорите им носи голем притисок. Ова ќе биде значаен поттик за Македонија, особено со оглед на нејзината турбулентна историја и односите на Балканот.

Словенија не се залага за пристапување во пакетот на Македонија и Албанија, но ако некој направи сé што се очекуваше за да се почнат преговори, тогаш да ги почне пристапните преговори, рече Шарец и додаде дека таква одлука би била поттик за македонското општество да ги спроведе потребните реформи и трансформација, а исто така ќе придонесе за одржување на кредибилитетот на ЕУ во Македонија.

Култура

Хуманитарен концерт во сеќавање на Климентина Рафајловска

Во Салон 19:19 во Скопје вечерва ќе се одржи концерт во сеќавање на Климентина Рафајловска (1977-1994), која била ученик на пијано и харфа во училиштето „Илија Николовски-Луј”.

На програмата ќе бидат изведени дела од композиторите Сен Санс, Равел, Буланже, Штолцел, Пијацола, Хенсон, Капле, Форе и Шостакович.

На концертот ќе учествуваат музичари од нејзината генерација, Ема Абаџиева – обоа, англиски рог, Весна Ангелова Христов – пијано, Орце Ицковски – фагот, Гордана Јаневска – виолина, Тереза Крцоска – виолина, Јанинка Невчева – пијано, Јулија Нелковска – виолина, Надежда Рубен – сопран, Боро Станковски – виола, Елена Стојческа – флејта, Дарко Трајковски – виолина, Мерсиха Шукри – харфа.

Соученичката на Рафајловска, Мерсиха Шукри, која е единствената харфистка во земјава во изјава за МИА вели дека целта, меѓудругото, е и да се подигне свеста и поддршката за болните од рак.

- Климентина Рафајловска ни беше соученичка во музичкото училиште. За жал, за кратко време нѐ напушти, се разболе од леукемија. Оваа година се навршуваат 30 години од нејзината смрт. Во таа чест, генерацијата се собравме да одржиме концерт во нејзина чест. Воедно, да ја подигнеме свеста и поддршката за сите заболени од лошата болест, вели Шукри, додавајќи дека животот е непредвидлив и затоа е потребно многу повеќе љубов и разбирање.

Човекот е покршлив од стаклото и многу малку е свесен дека секому може да му се случи, вели Мерсиха Шукри.

Во чест на Рафајловска, од 1995 до 2008 година беше доделувана наградата „Климентина Рафајловска” за првенец на генерација, од страна на истоимената Фондација. Меѓу добитниците на оваа награда се и Симон Трпчески, Ирина Наумовска, Никола Атанасов, Александар Краповски и други.

Средствата собрани со продажба на билетите и од донаторската кутија, ќе бидат донирани на Здружението посветено на пациенти болни со рак и нивни негуватели ХЕМА-ОНКО, а наменети за потребите на пациентите на Универзитетска клиника за хематологија.

Регион

Единаесет лица се повредени во сообраќајка на бугарски автобус во Турција

Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.

Сообраќајната несреќа се случила на 50 километри од бугарската граница. Автобусот е на компанијата „Метро туризам“.

На местото на несреќата се упатени екипи на полиција и медицински лица.

Повредените, вклучувајќи го и возачот на автобусот, се хоспитализирани во околните болници. /МИА

Македонија

Сообраќајот тековно и без застои

Сообраќајот на државните патишта се одвива непречено, по претежно суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.