Милан во најголема финансиска загуба во историјата на клубот

Катастрофалните резултати во последните седум-осум години и 13. место оваа сезона во Серија А , не се единствените грижи за навивачите на Милан.

Денеска клуб од Сан Сиро го објави финансискиот извештај, во кој е наведено дека Милан за сезоната 2018/2019 е во минус од 148 милиони евра, најголем во 119-годишната историја на клубот, а до денес тој долг се зголеми на 156 милиони евра.

Иако плафонот на долгот може да биде 90 милиони евра, Милан го надмина за 66 милиони евра, јавуваат италијанските медиуми.

Во последните две и пол години, седумкратниот европски шампион смени тројца сопственици. Силвио Берлускони го продаде клубот на контроверзниот Јонгхонг Ли, а по само една година Кинезите мораа да го предадат на американскиот фонд „Елиот“, бидејќи не можеа да ги вратат долговите.

Во меѓувреме, Милан Газидис, финансиски експерт, пристигна во Милано од Арсенал, при што Паоло Малдини и Звонимир Бобан го преземаа спортскиот сектор. Сепак, лошите резултати, години неиграње во Лигата на шампионите, непостигнувањето трофеи и честите промени на тренерите, со тим со лош квалитет, го вклучија алармот во Милан. Елиот вложи 265 милиони евра во клубот до 30 јуни годинава, плус дополнителни 60 милиони евра меѓу јули, август и септември, но финансиската состојба и натаму е алармантна.

Продажбата на играчи се намали од 42 на 25,5 милиони, од продажбата на билети од 35,2 на 34,1 милиони и од спонзорите од 44,7 на 38 милиони. Сепак, трошоците за вработените исто така се зголемија од 150,5 на 184,8 милиони евра, додека политиката за трансфер на клубот беше негативна. Милан потроши 153,1 на играчи, заработувајќи само 49,9 милиони евра.

Најголем дел од тој долг го сноси споменатиот Ли, кој по неговото пристигнување купи 11 нови играчи, меѓу кои и Никола Калиниќ, а инвестираше 131,1 милиони евра, чие потекло е сè уште непознато. Кинезот подоцна едноставно исчезна, а во тек е темелна истрага во врска со неговото купување на клубот од Берлускони и инвестирање пари без никакви гаранции.

Изгоре статуата на Меланија Трамп во Словенија (ВИДЕО)

Статуата на Меланија Трамп, сместена недалеку од нејзиниот роден град Севница во Словенија, неодамна беше запалена, а откако снимките го обиколија светот, твитер заедницата не престанува да се забавува.

Статуата беше запалена на 4 јули, а веста за палењето привлече повеќе читатели отколку минатата година за нејзиното поставување, па многумина сега ја виделе за прв пат.

Станува збор за статуа во природна големина, дело на американски концептуален уметник со адреса во Берлин ,Бред Дауни. На неа е прикажана Меланија во син мантил што го носеше на инаугурацијата на нејзиниот сопруг, со десната рака крената како што беше на тој ден во 2017 година.

Изгорената статуа, во меѓувреме, е отстранета.

Твитер беше исполнет со разни шеги за тоа колку скулптурата потсетува на славната 50-годишна прва дама на САД.

"Приказната е дека братучедот на Меланија Трамп беше запален во нејзиниот роден град. Но, ајде да ја погледнеме таа статуа, тоа е вистинската вест", е еден од коментарите.

„Убеден сум дека Меланија сама ја запалила. “, додаде друг на твитер.

Дури и самиот Дауни коментираше за АФП минатата година дека статуата на Меланија Трамп воопшто не личи на неа.

Москва отфрла вмешаност во немирите во Белград

Соопштениејата  за наводната „руска трага“ во немирите во Белград се дезинформации насочени кон фрлање сенка врз руско-српското партнерство.

Министерството за надворешни работи на Русија го објави ова вечерва.

„Некои електронски медиуми известуваа за наводна„ руска трага“ во немирите во српската престолнина, што се случија на 7 и 8 јули. Очигледно, авторите на оваа дезинформација сакаат да останат во согласност со добро познатите стереотипи на нивните спонзори, кои насекаде ја гледаат „раката на Москва“. „Ова е „ наредба“ со низок квалитет што има за цел да фрли сенка врз руско-српското партнерство“, пренесува агенцијата ТАСС.

Русија се надева дека насилството во Србија ќе биде запрено и што поскоро ќе се воспостават законот и редот, соопшти руското Министерство за надворешни работи.

„Очекуваме дека насилството ќе престане што е можно поскоро, ќе се воспостави ред и стабилност во нашата пријателска Србија, како и дека ќе се воспостави социо-политичка дискусија за сите важни прашања со кои се соочува државата“, велат од руското МНР.

Николовски од Делчево: Гласајте за луѓе кои реализираат проекти

Во Делчево вечерва се одржа трибина на која говореше носителот на листа во ИЕ 3, од коалицијата ,,Можеме” Љупчо Николовски и претседателот на Партијата за демократски просперитет на Ромите, Аксел Ахмедовски.

Во своето обраќање на трибината, носителот во ИЕ 3, Љупчо Николовски истакна дека сите анкети потврдуваат дека Владата ќе ја формира СДСМ.

-Приклучете се на најразноликата коалицијата затоа што како бел ден е јасно дека продолжуваме со ова темпо затоа што можеме и подобро и повеќе. Ве поздравувам од претседателот Заев кој упатува повик на мобилизација, човекот кој ги собра на едно место и Македонците и Ромите и Албанците и сите кои ги имаме на едно место, граѓани од различни организации кои се приклучија и се гарант на нашата победа, истакна Николовски.

Да гласаме за коалицијата ,,Можеме” затоа што треба да ги поразиме политиките на нашите кандидати кои се остаток на груевизмот.

-Тоа е истата таа криминална банда, позади која стојат многу афери, злосторничко здружение кое ги изнесе парите во Белизе. Тие бараат поддршка за обнова, а ги видовме 11 години што направија. Затоа ги кандидираат истите функционери на Никола Груевски. Но тука сме јас, Аксел, Соња, луѓе кои многу добро не знаете сите колку се боревме за секој еден проект. Знаете дека позади нас нема дамка, затоа што се е чисто и крв дадовме во нашите глави да го срушиме режимот, потенцираше Николовски.

Дополни дека ќе расте социјалната помош, иако сегашната Влада ја зголеми за 300 отсто.

– Во новата програма даваме збор и дека 64.000 дечиња ќе добиваат детски додаток, ќе работиме на зголемување на образовниот додаток. Ние работиме од срце од душа и тоа ќе го правиме во наредниот период, ќе земаме плата и јас и Аксел, но ќе работиме за граѓаните. Покажавме и одржавме лекција како се помага локалната власт и ви давам збор дека ќе бидам тука за секој проблем и наоѓање на негово решение. Треба уште повеќе да бидете горди затоа што на висока позиција ќе биде партијата на Аксел Ахмедовски на позиција преку која ќе би дава помош и да има на кого да се потпрете.

Затоа на 15 јули ни треба секој глас, затоа што само така ќе напредуваме, порача тој.

-Ги слушнавте ВМРО ДПМНЕ дека ќе ја намалат минималната плата. Тие гласаа против минимална плата, против растот на платите во држата и велеа дека ќе има проблеми затоа што се научени да ги изнесуваат парите на сметките на Рајскоте острови. Затоа на 15 јули тие треба да се плашат за она што ќе ги снајде, дополни носителот Николовски.

Нашата одлука да направиме партија е затоа што сакаме сивата ромска политичка зона да стане бела и ромската заедница достоинствено да учествува во креирањето економски развој и иднина на младите, истакна Ахмедовски пред присутните.

-Се одлучивме за коалиција на претстојните избори затоа што само на тој начин ќе се обезбеди еднаквост за сите. На тој начин ќе се обезбеди и толеранција искоренување на дискриминацијата и сиромаштијата преку креирање заеднички јавни политики со активна вклученост на вистински претставници на ромската заедница во институциите на системот. Ако ме прашате зошто коалиција со СДСМ, затоа што сметаме дека на тој начин ќе биде обезбедена поголема социјална сигурност, рече Ахмедовски.

На трибината свое обраќање имаше и делчевскиот градоначалник Горан Трајковски кој се осврна на сето она, како што рече, што не го направи ВМРО ДПМНЕ додека беше на власт, наспроти она што СДСМ го направи./MИА

притисни ентер