Заев и Анѓушев до почесните конзули на Конференцијата во МНР: Ова е неповторливо време, следна членка сме на НАТО

Премиерот Зоран Заев, придружуван од вицепремиерот задолжен за економски прашања, Кочо Анѓушев денеска присуствуваше на Конференција на почесни конзули на Македонија, што се одржа во МНР.

На конференцијата присуствуваа почесни конзули од повеќе континенти и држави, од САД, Австралија, Индија, Индонезија, Германија, Италија, Холандија, Унгарија, Романија, Турција, Казахстан, Словенија, Хрватска, Јордан, Сирија...

Премиерот Заев и вицепремиерот Анѓушев имаа свои обраќања во рамки на Конференцијата. Двајцата го истакнаа значајниот интеграциски период во којшто се наоѓа Република Северна Македонија, како и отворените економските перспективи коишто веќе даваат првични резултати, а има и потреба и простор да бидат интензивирани.

„Ова е неповторливо време за земјата“, оцени премиерот Заев во дискусијата со почесните конзули, посочувајќи на заокружувањето на интеграцискиот процес во НАТО и очекувањата за почеток на преговорите со ЕУ како можност и за економски развој.

„Очекуваме, не подоцна од оваа година, дека конечно ќе добиеме позитивна одлука од Европската унија, бидејќи скоро 14 и пол години чекаме одлука за почеток на преговорите со ЕУ, што е многу важно за нас. Главниот проблем што `не спречуваше во минатото беше прашањето со Грција, но сега по решението постои многу мотивација внатре во земјата што резултираше со огромен успех во реформскиот процес, заедно со опозицијата. Донесовме и нови регулативи коишто се потврдени од Европската комисија и даваат многу јасна препорака да се почнат преговори со ЕУ. Исто така би сакале да го продолжиме овој моментум на мотивација во нашава земја и да продолжиме со позитивната насока што е многу важно за животот, директно има влијание врз економската состојба, врз животот на граѓаните, но и врз целиот поширок регион во Западен Балкан“, рече премиерот Заев.

Тој посочи дека Република Северна Македонија е следната земја членка на НАТО, што оди во прилог на економскиот развој.

„За нас, НАТО значи стабилност и безбедност, што е многу важно и за секој инвеститор, тоа е минимумот што го очекуваат, како би одлучиле да инвестираат во земјава. Тоа ќе го оствариме преку процесот на интегрирањето во НАТО. Очекуваме дека од наредната, 2020 година ќе бидеме полноправна земја членка на НАТО. Не очекуваме никакви пречки или поплаки од некои од земјите членки, сепак тоа е процес што мора да биде потврден низ парламентите на секоја земја членка на НАТО. И секако тука е Европската унија којашто за нас значи поголема трансформација и подобрување на демократските состојби и станување на вистинска европска земја со европски вредности. Во моментов очекуваме позитивна одлука од Европската унија, за да се одржи и нашата мотивација, да продолжиме да работиме и да се движиме во оваа насока. Да го започнеме процесот на преговори со ЕУ – тоа е едно патешествие кое што ќе нѐ трансформира да станеме подобра земја, а ќе ни даде и поголема мотивација за идната економска соработка на Република Северна Македонија со другите земји од светот. Некој нѐ нарече светлечка земја, ѕвезда на Балканот, што е еден вид и потврда за амбиентот за чувството во Европската унија, затоа што ние навистина работиме напорно заедно со опозицијата, изгласавме многу нови закони и регулативи и мислам дека тоа ќе придонесе позитивно кон нашата држава, особено регулативите поврзани со правосудството, со борбата против корупцијата, како и подобрување на безбедноста на државата. И тоа исто така ќе мотивира уште повеќе бизнисмени и граѓани да работат уште подобро во Република Северна Македонија“, рече премиерот Заев.

Претседателот на Владата, Заев се заблагодари на почесните конзули за сѐ што прават во подобрувањето на имиџот на земјата и повика во претстојниот период посебно да партиципираат во позитивните процеси, во економските придобивки и развојот на државата. Во обраќањето тој на кратко објасни за досегашните економски постигнувања коишто се значително поголеми од претходните години, поради севкупната позитивна клима во државата, за поддршката што ја дава државава на фирмите, за даночните олеснувања со коишто тие може да работат профитабилно, одржливо и безбедно, а дека за граѓаните и за нашата земја тоа значи поголемо производство дома и повеќе работни места.

„Позитивни работи се случуваат во нашата држава. Го цениме вашиот ангажман и ќе продолжиме да ве мотивираме во таа насока. Имате одговорна работа, за нашата земја да биде добро место за живеење со бенефити за граѓаните“ рече, меѓу другото, во обраќањето, премиерот Заев на Конференцијата со почесните конзули.

Заменикот на претседателот на Владата, задолжен за економски прашања, Кочо Анѓушев, посочи на таргетот на владините политики и на економската дипломатија, коишто се пред сѐ во насока да се привлечат компании со висок технолошки развој и добри плати, за да се мотивираат младите луѓе и стручните кадри, да останат да работат во нашата држава.

„Ако претходно таргетот беше ставен и сите ние слушавме дека се привлекуваат странски инвестиции, на тоа дека ќе дојдат тука и ќе работат за 12.000 денара, ние не смееме повеќе да го правиме тоа. Нашата цел е да привлечеме странски инвестиции или компании коишто ќе бидат од повисок степен на технолошки развој, а не да ја базираат својата активност само на евтина работна рака. Најважно е да тие работни места што ќе бидат креирани, да бидат такви да бараат фабрики со 300-400-500 вработени, меѓутоа да бидат со висок степен на капитал, да бидат капитално интензивни инвестиции, бидејќи тие што вработуваат 4-5 илјади луѓе, нивната инвестиција е 10-15 милиони евра, а се базираат на евтина работна сила и се трудо-интензивни како дејности, за разлика од овие инвестиции во последните години и можам тука да ги кажам како добри примери Герешајмер, Баумер, Дура итн. Тие се со својот капитал и со своите инвестиции 60-70-100-150 милиони евра, а вработуваат 300-400-500 вработени, но таму платите дозволуваат додадената вредност на тие компании да бидат над просекот во нашата држава и тоа е тоа што ни треба, бидејќи ние не очекуваме тие компании коишто ќе дојдат во Северна Македонија за инженери и високо стручни кадри, дека ќе ги дадат платите што се во Германија, но очекуваме да дадат барем 40-50 проценти од тие плати, а во тој случај за инженер во нашата држава платата би била 1000-1500 евра и со таква плата тие би биле задоволни, би можеме да ги задржат младите луѓе. Значи очекуваме дека платата треба да биде нешто од величината меѓу 500-800 евра што за нашите вработени би биле атрактивни, а од друга страна и тие ќе го најдат својот интерес бидејќи во тие високо развиени земји секаде е проблем да се најде веќе работна рака и наместо да извезуваме луѓе во тие земји како што се случува во последните години, ние да извезуваме производи. Да не извезуваме деца во другите држави, туку да извезуваме производи“ рече вицепремиерот Анѓушев.

Тој посочи дека се преземаат чекори да се преадаптира и образовниот систем којшто ќе одговара на потребите на стопанството.

„Формулата за тоа е тие инвеститори во нашата држава ги дадат овие плати за коишто зборував и тие ќе имаат бенефит, но и овие наши млади луѓе ќе останат во нашата држава и ќе можат да продолжат да го живеат својот живот и да формираат семејство итн. бидејќи одливот на млади луѓе јас го гледам како најголема опасност. Од таа страна ние направивме и чекори за прилагодување на образовниот систем којшто имаше сериозна диспропорција на тоа што образовниот систем генерира како кадар и тоа што се потребите на економијата” посочи заменикот на претседателот на Владата, Анѓушев.

На Конференцијата, почесните конзули добија и одговори на поставени прашања до премиерот Заев и до вицепремиерот задолжен за економски прашања, Анѓушев, се наведува во соопштението на Владата.

Тен Хаг го потврди враќањето на Лисандро Мартинез

Менаџерот на Манчестер Јунајтед, Ерик тен Хаг, потврди дека Лисандро Мартинез најверојатно ќе се врати во тимот за утрешното гостување кај Брентфорд.

Аргентинецот тренира со полна брзина најмалку десетина дена и ќе може да се врати од повредата на коленото, а добра вест за „црвените ѓаволи“ е што на располагање ќе бидат и други играчи кои имаа проблеми.

-Да, има шанси да се врати во тимот. Ни недостигаше на секој меч што го пропушти бидејќи внесува смиреност во тимот. Во исто време, тој има менталитет на победник и тоа го покажува многу јасно, но може да го пренесе и на другите, што многу придонесува за нивото на нашиот настап. Има и други фудбалери кои се вратија на теренот и веќе тренираат. Очекувам дека и Лук Шо ќе биде подготвен пред крајот на сезоната, такви се прогнозите, ја објасни ситуацијата тренерот.

Гир не коментира за злоупотребените 2,2 милиони евра што Македонија треба да ги врати

Националната агенција за Еразмус во Македонија да ги испорача сите препораки на ОЛАФ – вели евроамбасадорот во земјава Дејвид Гир.

Иако не сакаше да ги коментира одлуките на Европската Комисија, сепак уверува дека и покрај истрагата во иднина нема да се намали буџетот за нови проекти во земјава финансирани од европски пари и очекува програмата да продолжи да функционира без проблеми.

-Во согласност со стандардните процедури не коментираме за истраги извршени од ОЛАФ, телото на Европската Унија за истражување измами. Иако очекуваме од агенцијата тука во Македонија да ги испорача разните препораки дадени од ОЛАФ за овој случај, продолжуваме да имаме доверба во Агенцијата и согласно на тоа, не ја намаливме висината на буџетот за „Еразмус“ програмата. Среќен сум што ќе кажам дека „Еразмус“ продолжува да работи во корист на младите, студентите и универзитетите во оваа земја.- Дејвид Гир – Евроамбасадор

Случајот вчера го обелодени директорот на националната агенција за европски образовни програми и мобилност Марко Ѓорѓиевски, кој посочи дека станува збор за проектни досиеја на 22 корисници на грант од програмата Еразмус Плус, финансирани од Европската Комисија во периодот од 2016 до 2018 година. Поранешната директорка на агенцијата, Лидија Димова за „Фокус“ тврди дека во 2019 година поднела кривична пријава за проневера на средствата, но дека поранешни високи функционери и вршеле притисок да ја повлече истата.

-Во април 2020 година, од Владата ми беше доставен ‘поздрав’ со листа на проекти што требаше да ги ‘пуштам’. Во јуни 2020 година, тогашниот премиер Зоран Заев – во присуство на Нола Исмајлоска – од мене побара да ја повлечам кривичната пријава. Во октомври бев разрешена поради ‘неетичко однесување’ (прашајте го Љупчо Николовски што значи тоа), а во јули 2021 година Нола беше именувана за регионален координатор за ЕУ, се разбира, откако гласаше за промена на името на државата. Во следните неколку месеци новиот директор на Националната агенција, Марко Ѓоргиевски, ги доисплати сите спорни проекти од шемата вредна 2,2 милиони евра.- Лидија Димова – Поранешна директорка на Еразмус

Во проверка на случајот покрај, ОЛАФ вклучено е и обвинителството за гонење на организиран криминал и корупција. Од таму за Канал 5 велат дека активно се спроведува предистражна постапка, но дека засега не откриваат повеќе детали поради тајноста на постапката.

Eрдоган на 9 мај ќе биде примен од Бајден

- Турскиот претседател Реџеп Таип Ердоган ќе престојува во официјална посета на Вашингтон, каде на 9 мај во Белата куќа ќе биде примен од неговиот американски колега Џо Бајден, соопшти денеска официјален извор.

Тоа ќе биде прва средба на овие двајца претседатели во Белата куќа.

Ердоган претходно беше примен од поранешниот американски претседател Доналд Трамп.

Односите меѓу Вашингтон и Анкара неодамна се подобрија кога Турција, членка на НАТО, го одобри влезот на Финска, а потоа и на Шведска во Алијансата, по 20 месеци двоумење.

Како знак на поддршка, Бајден во јануари, а потоа и Конгресот на САД во февруари ја одобри продажбата на американските борбени авиони Ф-16 на Турција, со што стави крај на повеќемесечните расправии меѓу Вашингтон и Анкара околу тоа прашање.

притисни ентер