Меркел денес во Париз ќе го убедува Макрон да не ја блокира Македонија

Средбата Макрон – Меркел ќе се одржи само два дена  пред состанокот на ЕУ министрите во вторник во Луксембург.

Ова според дипломатите е последна шанса германската канцеларка да го убеди францускиот претседател да го смени ставот за блокирање на планираниот почеток на преговори со Македонија и со Албанија за влез во ЕУ. Дипломатите предупредуваат дека со блокирањето Франција ќе си стави товар за можна одговорност при дестабилизација на регионот ,оти мнозинство во ЕУ е за почеток на преговорите со Македонија и со Албанија.

Германската влада смета дека двете земји во целост ги исполниле условите за почеток на преговорите.

Според Симонида Кацарска од Институтот за европска политика, одлуката нема да се донесе во вторник или во среда на Советот на министри туку ќе се преговара до последен момент до Европскиот совет.

Денеска претседателот на Европската народна партија французинот Жозеп Дол, побара позитивен исход за Македонија и за Албанија.

-Граѓаните, а особено младите, од Северна Македонија и Албанија заслужуваат европска перспектива, бидејќи останува извор на мотивација и решеност за тие земји и поширокиот регион да продолжат со потребните реформи за понатамошно спроведување на владеењето на правото, зајакнување на судството, борба против корупцијата, подобрување на соседските односи и гарантирање на независност на медиумите, се вели во соопштението на ЕНП.

Информациите дека Макрон сака да воведе нова методологија за пристапување во Унијата, а со тоа и реална опасност да се одложат македонските преговори, за македонскиот државен врв нема да бидат пречка за конечната одлука. Сметаат дека се работи за методологија која треба јасно да го лоцира напредокот, и за која, ако се примени, Македонија е подготвена да ја исполни.

Германец ги прскал луѓето со лут спреј ,зашто не одржувале дистанца

71-годишен Германец премногу сериозно го сфатил правилото за физичко растојание и ги прскал минувачите со спреј за самоодбрана базиран на лута пиперка, соопшти германската полиција.

Тој прво испрскал група џогери, а потоа и двајца велосипедисти во западниот град Ахен, се вели во полициското соопштение, додавајќи дека нападите биле извршени „без предупредување“.

Велосипедистите, брачна двојка на возраст од 51 и 49 години, успеале да го избегнат спрејот и застанале да повикаат полиција.

Човекот и рекол на полицијата дека нема друг начин да им покаже на другите да се придржуваат кон воспоставените мерки за борба против ширењето на коронавирусот.

Тој е обвинет за предизвикување сериозни повреди и опасно попречување на сообраќајот.

Ахен е еден од најголемите урбани центри во Германија кој во моментов е класифициран како област со висок ризик поради високата стапка на заразени.

Најмалите француски модели заминуваат во историјата

По раскинувањето на ,,бракот” со Тојота, групацијата ПСА одлучи да го прекине производството на своите супермини возила.

Одлуката е конечна, а тоа значи дека Citroen C1 и Peugeot 108 заминуваат во историјата. Иако нема потврда, Ројтерс дознава за ова од три различни извори, а причината е една - парите. Имено, супермините се товар само на производителот, тие не носат профит и нивната популарност опаѓа. Со поригорозните стандарди за емисија на штетните гасови, ќе мора да направат модификации на моторот, но и да инсталираат скапи системи за филтрирање на издувните гасови, што дополнително би ја зголемило цената на автомобилот.

Добрата вест е дека постои шанса за еден вид наследник. По обединувањето со FCA, можно е Французите да му го препуштат развојот на најдобрите во А сегментот - Fiat. Панда, а особено 500 се имиња кои се наоѓаат на европските патишта со децении.

Ибрахимовиќ ги воодушеви своите фанови со објава на социјалните мрежи

Шведскиот фудбалски мајстор Златан Ибрахимовиќ (39) испрати јасна порака до напаѓачот на Интер, Ромел Лукаку, по победата во градското дерби (2: 1) во кое ги постигна двата гола за „росонерите“.

„Милан никогаш немал крал, но има Бог“, напиша на Твитер Ибрахимовиќ (39).

Тоа бил неговиот одговор на Белгиецот кој во февруари по последното Derby della Madonnina, во кое Интер победи со 4-2, напиша „Нов крал пристигна во градот“.

Осум месеци подоцна, Ибрахимовиќ одговори во свој стил.

Од вторпат во редовите на „росонерите“ во декември минатата година, Ибрахимовиќ постигна 16 гола на 23 настапи.

По четири одиграни кола во Серија А, Милан води со максимални 12 бода, додека Интер е шести со седум бода.

притисни ентер