Ладен туш од Франција или „дворски игри’ пред самиот на европските лидери?

Неповолните ветрови од Франција не го уриваат оптимизмот на државниот врв дека Македонија следната недела може да остане без долгоочекуваниот датум за преговори.

Неофицијалните информации, кои протекоа вчера дека Макрон сака да воведе нова методологија за пристапување во Унијата, а со тоа и реална опасност да се одложат македонските преговори, според претседателот Пендаровски и Заев сепак нема да бидат пречка на конечната одлука. Сметаат дека се работи за методологија која треба јасно да го лоцира напредокот, и за која, ако се примени, Македонија е подготвена да ја исполни.

- Воопшто не станува збор за француско вето, туку Франција бара подобрување на методологија на преговорите, преку кои напредокот при преговарањето низ 35 поглавја да биде неповратен, изјави Стево Пендаровски, претседател.

- Нема земја во ЕУ или земја која преговара, која направила повеќе од Македонија да ја добие заслужената одлука за почеток на преговори со Унијата. Имаме право да го очекуваме тоа, вели Зоран Заев, претседател на владата.

Дека позицијата на Франција останува неизвесна потврди и францускиот амбасадор Тимоние. За разлика од неговиот оптимизам пред две недели дека очекува зелено светло од Макрон, денеска со типична дипломатска порака.

- Чекориме заедно, датумот е една работа, но она што е важно е принципот со кој чекориме заедно. Ние сме мотивирани за тоа, вели Кристијан Тимоние, амбасадор на Франција.

За Симонида Кацарска од Институтот за европска политика, нема дилеми дека одлуката Париз ќе ја држи до последен момент.

Според Кацарска, дополнителен неповолен момент за Македонија може да биде вчерашниот удар, кој го доживеа Макрон од страната на европратениците, кои го отфрлија назначуваето на Силви Гулард за член на Европската Комисија.

Ибрахимовиќ ги воодушеви своите фанови со објава на социјалните мрежи

Шведскиот фудбалски мајстор Златан Ибрахимовиќ (39) испрати јасна порака до напаѓачот на Интер, Ромел Лукаку, по победата во градското дерби (2: 1) во кое ги постигна двата гола за „росонерите“.

„Милан никогаш немал крал, но има Бог“, напиша на Твитер Ибрахимовиќ (39).

Тоа бил неговиот одговор на Белгиецот кој во февруари по последното Derby della Madonnina, во кое Интер победи со 4-2, напиша „Нов крал пристигна во градот“.

Осум месеци подоцна, Ибрахимовиќ одговори во свој стил.

Од вторпат во редовите на „росонерите“ во декември минатата година, Ибрахимовиќ постигна 16 гола на 23 настапи.

По четири одиграни кола во Серија А, Милан води со максимални 12 бода, додека Интер е шести со седум бода.

Хит на ТикТк со 3 милиони прегледи: Жена се трка во 9-ти месец од бременост(ВИДЕО)

Видеото на 28-годишната Макен Мајлер која трча во деветтиот месец од бременоста стана вирален хит.

Оваа Американка трчала пет до шест пати неделно во текот на целата бременост. На почетокот на бременоста се загрижила како би изгледало нејзиното трчање во подоцнежната фаза. Таа му рекла на својот сопруг дека проценила дека сепак ќе успее да истрча 1,6 километри за 7 минути.

„За да ме мотивира, тој рече дека ќе ми даде 100 американски долари ако можам да истрчам милја за осум минути, и тоа во деветтиот месец од бременоста“, рече таа за „Базфид“.

Не само што успеала да го одржи ветувањето, туку го сторила тоа за 5:25 минути, а не за осум, како што бил договорот. Видеото на ТикТок во кое трча е прегледано над 3 милиони пати.

"Мојот прв лекар ме поддржуваше затоа што порано работел со спортисти. Вториот беше малку поскептичен, се додека не направивме ултразвук што покажа дека бебето е целосно здраво. После тоа, тој само ја истакна важноста на поголемиот внес на калории", објаснува Мајлер.

„Општо, ако некој направил одредени вежби пред бременоста, може да продолжи да ги прави и за време на бременоста, со некои исклучоци (топла јога и спорт со близок контакт, на пример). Треба да се преземат општи мерки на претпазливост, односно да обрнете внимание на хидратацијата, запрете при вртоглавица или ако се чувствувате болни. И, се разбира, ако станува збор за ризична бременост и лекарот ве советувал на одмор, тогаш треба да се избегнува физичка активност “, додава д-р Џенифер Линколн за BuzzFeed.


НАСА ја избра Нокиа за изградба на првата мобилна мрежа на Месечината

НАСА ја избра финската компанија Нокиа за изградба на првата мобилна мрежа на Месечината, соопшти денеска компанијата.

Мрежата на Месечината ќе биде дел од напорите на американската вселенска агенција да ги врати луѓето на Месечината до 2024 година и таму да изградат долгорочни населби врз основа на програмата Артемис, објави Ројтерс.

Нокиа објави дека првиот безжичен широкопојасен систем за комуникација во вселената ќе биде изграден на Месечината на крајот на 2022 година, пред луѓето да заминат таму.

Мрежата ќе обезбеди комуникација за многу различни апликации за податоци, вклучително витални функции за команда и контрола, далечински управувач на лунарните ровери, навигација во реално време и пренос на видео со висока резолуција, соопшти Нокиа.

притисни ентер