Депресијата кај младите е излечива, треба да се препознае и навреме да се третира

Депресијата стана сојузник во животот и кај младите луѓе. На Клиниката за психијатрија се почесто тинејџери доѓааат со развој на депресија. 

Возраста е од 15 до 24 години и навистина е загрижувачка, вели директорт на Клиниката за психијатрија Стојан Бајрактаров.  Причината за ваквата состојба е изложеноста  на социјални комуникации кои создраваат една повлеченост и анксиозност кај младите.

Ненавременото лекување на депресија може да дојде и до одземање на животот.  Во светски рамки самоубиството е водечка причина за смрт во старосната популација меѓу 15 и 29 години. Во Македонија во 2018 година се регистрирани 121 самоубиства од кои 35 на возраст од 15 до 35 години.

800.000 луѓе годишно во светот се решаваат да си го одземат животот, според пресметките едно лице на секој 40 секунди, но во реалниот живот статистиката може да се промени ако навреме се реагира, велат психијатрите по повод Свестки ден посветен на менталното здравје.

Како да сокриете дека сте прочитале порака на „WhatsApp“?

Оваа опција лесно може да се активира или деактивира.

„WhatsApp“ како и многу други апликации за допишување, има покрај секоја порака ознака со помош на кој можете да видите дали лицето со кое се допишувате ја прочитало пораката.

Еден сив штиклиран знак значи дека пораката е пратена, два дека е примена, а ако покрај пораката стојат два сини штиклирани знака, значи дека е прочитана.

Сепак, оваа опција не им се допаѓа на сите а лесно можете да ја исклучите. Имајте во предвид дека ако ја исклучите, и вие нема да можете да гледате дали некој ја прочитал вашата порака, како ни обратно. Ова не важи за групни четови, каде секогаш се гледа дали пораката е прочитана.

Еве како да ја активирате оваа опција:

„Whatsapp“ -> Трите точки во горниот десен агол -> „Settings“->“Accounts“ -> „Privacy“ -> И „Reid receipts“ ставете го на „off“.

По истиот пат можете и да ја вратите оваа опција.

Почна истоварот на крузерот во Јокохама, Македонците остануваат во дополнителен карантин

По 14 дена во карантин во пристаништето во Јокохама, почна истоварот на патници од крузерот „Дајмонд Принцес“ на кој во изминатите денови беа утврдени над 500 случаи на корона-вирус.

Болеста во поблага форма беше регистрирана и кај еден од тројцата македонски државјани на бродот кој беше сместен во болница во Јокохама. Останатите двајца македонски државјани, кои се дел од екипажот на бродот, согласно протоколот, ќе останат во дополнителен две-неделен карантин заедно со останатите членови на бродскиот персонал.

 Анализите покажаа дека секој седми патник на бродот бил инфициран од вирусот.

Драмата на крузерот со околу 3.700 лица и членови на екипажот од 56 земји, почна на 4-ти февруари кога превентивно беше закотвен на пристаништето, а бродот беше ставен во карантин поради појава на корона вирусот.

Бројот на грипосани во Гевгелија во рамки на сезонскиот просек

Во Регионалниот центар за јавно здравје во Гевгелија до сега се пријавиле околу 110 заболени лица со симптоми на грип, што се смета за бројка во рамки на сезонскиот просек, рече денеска епидемиологот Сашо Олумчев.

Бројот на регистрирани во Општина Гевгелија не е алармантен и покрај тоа што во текот на оваа недела вирусот би можел да има висока активност и поголема распространетост, велат од Центарот од каде потврдија дека неделава поголем на број на пријавени се регистрирани кај помладата популација од пет до 19 годишна возраст.

Вирозите во гевгелиските училишта секојдневно ги празнат училиниците и голем е бројот на деца кои отсуствуваат од настава, но барем до сега овен што часовите се скратени за 15 минути, нема најава дека би можело да дојде до прекин на наставата.

Слична е ситуацијата и во детските градинки каде некои родители велат дека отуството на нивните деца има превентивно значење. /МИА

притисни ентер