На крајот на декември ќе почне извлекувањето на згурата од велешката Топилница

Првично техногената суровина ќе се транспортира со по два камиона на час или 50 – тина  камиони во текот на 24 часа.

Вработени и ангажирани работници и екипи на „Кепс Монт Груп" ДОО Скопје со специјални камиони со кади покриени со специјални церади, кон крајот на декември годинава ќе започнат со транспорт на првите количества на тогаш извлечена минерална техногена суровина од троската со тешки метали од  таканаречениот „Црн рид", тежок 1,8 милиони тони и висок од 200 до 250 метри и длабок 22 метри, а настанат како последица од 30-годишното работење на велешката Топилница.

Фирмата  веќе започна со подготвителните работи, а на локација  ќе се  инсталираат сите потребни машини  и опрема. Ќе се инсталира  и подвижната монтажна техничка линија -транспортни ленти: по две за утовар и две за истовар на суровината, покриени со хауба,  а  од која дирекно ќе се става рудата во затворените специјални камиони.

На прес конференција одржана под Црниот рид, како што појасни Ранко Шчекиќ менаџерот на техничкиот песонал на „Кепс Монт Гроуп"  првично техногената суровина ќе се транспортира со по два камиона на час или 50 – тина  камиони во текот на 24 часа.

Специјалните камиони  во наредните 48 месеци, а  можеби и подолго,  во зависност од динамиката на работите по однос на екологијата, возилата  непрекинато  ќе минат на релација: по земјениот пат од  „Црниот Рид" кај Топилница па по улицата  што води покрај  Општинската зграда кон раскрсницата кај семафорите, па преку мостот кај  Градскиот базен преку населбата Шорка и Мостот на Вардар кај Башино Село. Оттаму надолу ќе се транспортираат се' до Солунското пристаниште, а оттаму се' до Малезија.

-Целиот транспорт  на троската од „Црниот рид" ќе биде еколошки. Транспортот ќе се врши со камиони од типот „кесон" со метални кади со покриени специјални хауби на теретот, а  што дозволува европскиот стандард за екологија. Исто така и целата експлоатација на минерална суровина од троската  „Црниот рид" ќе биде еколошка без користење на никакви киселини, адитиви и реагенси, ниту со топење, тука исклучиво со механички третман, а по секое копање на ридот ќе се прска  со водена заваса, за да се елеминира евентуалната прашина, појасни Шчеќиќ.

Но тој потенцира дека  за да почнат активностите на ископ на техногена минерална суровина претходно ќе треба да се отстрани целиот останат отпад од „Црниот рид".

Шчекиќ се пожали дека на „Црниот рид" освен еколошки  има  и секаков вид друг  отпад, комунален, индустриски и градежен, па и фрлени мрши од животни,  а посочи и дека најзоре на Црниот рид  лежи фрлена мрша од крава.

Како што појасни Љупчо Аврамовски експрт од консултантската куќа „Енвиро ресурс" кој ја изработи студијата,при ископот на техногената суривина од „Црниот рид" ќе се врши мерења на ПМ 10 честичките и на оловото, четири  сезони по 14 дена.

-Во случај и покрај водената завеса  мерењата да покажат поголеми концентрации на ПМ 10 честички, од максимално дозволените 10 микро милиграми суспендирани честички во тој случај ќе се застане со работата и ќе се намали екплоатацијата, појасни Аврамовски.

Тој информира дека согласно студијата што тие ја направиле, по завршувањето на ископот, во наредните 12 месеци ќе се изврши и  ремедијација на земјиштето каде сега се наоѓа „Црниот рид". Тоа ќе биде  на длабочина од 300 милиметри, ќе се извади земјата, а ќе се донесе чиста почва-хумус и ќе се засади трева, маслодајна репка или други растенија на предлог од стручњаци од Земјоделскиот факултет, информира Аврамовски,

Тој потенцира дека со ископ и транспорт на минералната суровина од „Црниот рид" на велешка Топилница" ќе се реши првата од  10-те постоечки  „жешки еколошки точки" во земјава,

Воедно како што  појасни експертот Ранко Шчекиќ, ова извлекувањето и  транспортот на троската од „Црниот рид" на велешка Топилница  е вистинското најдено  решение за спас на велешани и градот.

Појасни дека ако како што првично се предлагало „Црниот рид"  целиот се покриел, тоа би довело до катастрофа по населението во овој реон. Тој појасни дека земјиштето под ридот е трусно, а депонираниот материјал е жив и се лизга надолу, а само на 300 метри подолу е реката Вардар.

-Ова е жив материјал, и ако се покриела депонијата, односно „Црниот рид" кој е жив материјал, ќе се зголемела тангентната сила што сега е 63 отсто, при што би имало и поголем притисок врз земјиштето каде тој е лоциран. Бидејќи Велес е на трусно подрачје при поголем земјотрес, целиот терен би се лизнал и однел надолу се' пред себе се' до мостот на Вардар  кај Башино Село. Тоа   би предизвикало  катастрофа за жителите во овој реон, потенцира Шчекиќ.

Тој информира дека според направените анализи во ЛЏ Лабараторијата во Холандија преку Белградскиот институт и Лабараторијата во Бор, Србија, а  во зависност од шаржерот на рудата која се топела и колку таа од работниците била  вешто  стопена во 1,8 милиони тони „Црниот рид" од велешката  Топилница  има од 6-9,8 проценти цинк, од 2,2 до 3,4  проценти олово  и железо од 1,25 проценти.

Како што додаде дека има други метали, а кои се во  минимални количества како  кадмиум, арсен од 0,01 проценти и други метали, но  кои метали се  сврзани во таканаречена  „кристална решетка" со останатите тешки метали, а поради што и нема опасност по околината од овие метали, појасни експертот Шчекиќ.

ВМРО-ДПМНЕ: Зоран Заев веднаш да си поднесе неотповиклива оставка

„Доста беа лаги, доста манипулации. Зоран Заев веднаш да си поднесе неотповиклива оставка. “

Европа кажа не на криминалот и корупцијата, кажа не на рекетот. Европа му кажа не на Зоран Заев, а жртва за жал се граѓаните и Република Македонија. Овој пораз е единствено на сметка на Зоран Заев и погубните политики на СДСМ, а не на македонскиот народ и граѓаните на Македонија.

Нашиот народ живее тешко, над 500 илјади граѓани живеат во сиромаштија, криминалот царува во Македонија, а на чело на криминално рекетарската банда сместена на Илинденска б.б. е аболицираниот Заев. Како што предупредуваше ВМРО-ДПМНЕ, откажувањето од името, идентитетот, јазикот и историјата не се европски вредности, без реформи европската перспектива за Македонија е само мисловна именка.

Потребни се реформи кои што ВМРО-ДПМНЕ ќе ги предложи во најкус можен период. Доаѓа обновата на Македонија и крај на криминалната банда која ја корумпираше секоја пора на македонското општество.

Заев е во паника и единствено го одложува неизбежниот крај на неговата трагична политичка кариера во која донесе само порази за македонската држава и македонскиот народ. Заев се плаши само од едно нешто, тој се плаши поради тоа што ќе мора да плати за се што стори. Се плаши бидејќи ќе одговора за лоповлукот, корупцијата, рекетот, криминалните тендери и грантови на штета на македонскиот народ. Крајот е близу, време е за обнова, време е за предвремени парламентарни избори, на кои граѓаните на Република Македонија ќе кажат доста е од корумпирани политичари за кои синоним е Зоран Заев.

Центар за комуникации на ВМРО-ДПМНE 

Премиерот Заев ќе се обрати до јавноста

Претседателот на Владата на Република Македонија Зоран Заев денеска ќе се обрати до граѓаните и медиумите и ќе одржи прес-конференција.

Откако на самитот во Брисел Македонија не доби датум за старт на преговори како што беше очекувано, денес по повод тоа премиерот Заев ќе се обрати до јавноста

Обраќањето ќе се одржи во Медија центарот на Владата со почеток во 12:00 часот.

Обраќањето ќе може да го проследите на Канал 5 телевизија.

ДВ: Макрон го поткопува кредибилитетот на ЕУ на Балканот

Македонија и Албанија нема да започнат преговори за пристапување затоа што францускиот претседател не го дозволува тоа. 

И тоа може да го остави Балканот во конфликти и на други сили, коментира Бернд Ригерт, дописник на Дојче веле од Брисел во авторскиот текст за случувањата на дводневниот Самит на ЕУ и неможноста на европските лидери да се договорот за преговори со Скопје и Тирана.

– „Разочарување има во Македонија и во Албанија. Тоа е разбирливо. Според Европската комисија, Европскиот парламент и претседателот на Европскиот совет, Доналд Туск, двете земји од Западен Балкан ги исполниле условите за започнување на преговорите за ЕУ. Од 2003 година, тие и другите балкански земји добија еврпска перспектива. Македонија ги исполнува барањата уште од 2009 година, а Албанија од минатата година. Откако Скопје го реши спорот со Атина околу името, Македонците веруваа дека на овој самит на ЕУ конечно ќе им се даде зелено светло за почеток на преговори. Но, тоа експлицитно го одбива само еден европски лидер – францускиот претседател Емануел Макрон. Уште двајца, холандскиот премиер и данската премиерка, се сокрија зад Макрон и одбија разговори со Албанија.

Неразумното вето на Макрон ја втурнува Европската унија во двојна криза со кредибилитетот – едниот на Балканот, другиот во самиот Брисел.

Колку вредат ветувањата на ЕУ доколку не се исполнат дури и по реформите и напорите на кандидатите? Зошто експертите во Европската комисија, која знае да биде критична, со години ги проверуваат кандидатите ако на крајот е доволно „не" од Париз да ги направи бројните резултати од проверката безвредни?

Идниот претседател на Европската комисија, Урсула фон дер Лајен, која се залага за евроинтеграција на балканските држави, ќе има големи тешкотии со француското противење. Не помага тоа што Макрон прво овозможи таа да дојде на таа позиција – а сега е навреден што не успеа да помине неговата кандидатка за Европската комисија. Макрон е лут на Брисел. Исто така, не помогнаа ниту гаранциите од канцеларката Ангела Меркел, која се залага за проширување на ЕУ.

Кредибилитетот на ЕУ и последиците во балканските земји – фрустрацијата и падот на подготвеноста за реформи – очигледно не се толку важни за францускиот претседател, како внатрешните аргументи што тој ги изнесе. Секако, зад вратот му е десничарската популистичка опозиција, која повеќе не сака имигранти во Франција и зборува против Европската унија. Но, тоа сигурно не би требало да ја поткопа заедничката политика на ЕУ.

И во Германија, десничарските популисти ги критикуваат настојувањата за проширување на ЕУ. Канцеларката, сепак, тоа досега не ја интересираше.

Шуплив е и аргументот на Макрон дека Албанија не може да ги започне преговорите затоа што многу Албанци бараат азил во Франција. Минатата година во Франција азил добија точно 74 Албанци. Останатите 8000 се економски мигранти и можат да бидат депортирани.

Поважното прашање е зошто економската состојба во Албанија е толку лоша што многу луѓе ја напуштаат земјата. Процесот на пристапување, што може да трае десет години или повеќе, може да се искористи за економски зајакнување на земјата и приближување до стандардите на ЕУ. Албанија и Македонија не би влегле во Европската унија утре и за нив не би важело веднаш слободното движење на работната сила. Работата е сосема обратна.

ЕУ несомнено извлече лекции од преговорите за пристапување со Бугарија, Романија и Турција. Денес, процесот е многу покомплексен и ригорозен. Понатамошните измени на овој процес, што со право ги бара францускиот претседател, можат да се случат и за време на преговорите, а не задолжително пред нив.

Процесот на пристапување никогаш не бил ригидна проверка, туку секогаш дава можност да се реагира на ситуацијата во земјите кандидати. Најдобар пример за тоа се 14-годишните преговори со Турција, кои се практично замрзнати поради автократското однесување на претседателот Ердоган.

Без перспектива дека еден ден ќе бидат дел од ЕУ, се загрозува мирот меѓу балканските земји. Влијанието на Русија, Кина и Турција би можело да се зголеми. Тешко е да се замисли дека тоа го сака францускиот претседател.

Аргументите на Франција се слаби. Макрон треба да го преиспита своето вето освен ако и тој самиот не сака да биде популист. Следната можност е самитот на ЕУ во декември", пишува Бернд Ригерт во авторскиот текст „Макрон го поткопува кредибилитетот на ЕУ на Балканот"./МИА

притисни ентер