Со богата програма и граѓански марш, Општина Прилеп го одбележува 11.Октомври

Општина Прилеп подготви богата програма за одбележување на 78 годишнината од почетокот на антифашистичката револуција.

Одбележувањето ќе трае до 15 октомври, а започна во неделата на 6 октомври, со одржување на Меѓународниот турнир на џудо клубот „СЕИШИН“ и Downhill купот „Топташ 2019“, информираат од општина Прилеп.

Покрај изведбата на театарската претстава „Глембаеви“, изложбата на Меѓународна ликовна колонија „Куманово“ 2018, крводарителската акција на Црвениот крст, промоцијата на книгата „Старите занаети во Прилеп“, мотокрос трката „Stormriders 2019“, авто слалом натпреварот „Прилеп 11.Октомври 2019“, традиционалниот импровизиран напад на градот и огнометот, како и повеќето други манифестации, Општина Прилеп, како што потенцираше градоначалникот Илија Јованоски, годинава посебен акцент стави на обновувањето на традицијата на организирање граѓански марш до Могилата на непобедените.

„Оваа година Општина Прилеп става посебен акцент на она што ќе се случува во петок, кога ќе биде положено свеќе на спомениците на Методија Андонов – Ченто и Кузман Јосифоски – Питу, после што ја обновуваме традицијата на организирање граѓански марш од меморијалниот музеј ’11.Октомври’, од Участакот, до Могилата на непобедените. Заедно со граѓаните, со многу здруженија, пријатели и почитувачи на борците и боречката организација, ќе го посетиме Паркот на револуцијата, каде ќе положиме цвеќе на Алејата на народните херои, споменикот ‘Жена борец’ и Могилата на непобедените, каде ќе има обраќање на претставници на локалната самоуправа, Владата и Сојузот на борци. Ја користам оваа прилика да ги повикам граѓаните да ни се приклучат на овој марш, со што ќе им оддадеме почит на борците кои ја оствариле оваа наша денешна слобода“, изјави градоначалникот Јованоски.

Во одбележувањето на празникот се вклучува и Градската библиотека „Борка Талески“ со двата настана: промоција на книгата „Старите занаети во Прилеп“ на авторот Моника Талеска и изложбата „Да ги зачуваме старите занаети во Прилепската чаршија“.

„Во книгата станува збор за се’ уште зачуваните живи стари занаети во прилепската чаршија, за оние современи ‘херои’ на Прилеп кои се обидуваат макотрпно, посветено и со љубов кон чаршијата и градот, во своите скромни работилници да ги одржуваат старите занаети кои што се продолжение и одлика на некогашните еснафи, поради кои што Прилеп го носи името на ‘еснафски град’. Со изложбата ‘Да ги чуваме старите занаети во Прилеп’, првиот проект добива мултикултурен пристап, бидејќи повторно во фокусот се прилепските занаетчии. Станува збор за 36 фотографии кои ги доловуваат старите занаети и се’ она што претставува конотација на дејноста која тие се обидуваат да ја одржат“, вели Талеска.

Што се однесува до останатите настани предвидени во Програмата, тука се фестивалот „Со Марко на улица“, изложбата на скулптура на Марјан Стојаноски и детскиот фестивал „Ѕвездички“.

„Преку фестивалот ‘Со Марко на улица’ кој ќе трае 2 дена, Општина Прилеп повторно прави промоција на културните работници од драмска, ликовна, музичка, издавачка дејност. Покажавме и досега дека е многу важно да ги негуваме нашите, прилепските културни работници и овој фестивал им е посветен ним и на нивната промоција“, напомена Јана Јанеска-Ристески од Општина Прилеп.

Кога станува збор за главната манифестација која ќе се одржи утревечер на 10.октомври, граѓаните повторно треба да очекуваат изненадување, слично на минатогодишното.

Мерцедес им се извини на купувачите на новата Ѕ класа

Новата класа S штотуку пристигна, но веќе се соочува со своите први проблеми.

И, за овој проблем не е виновен надворешниот непријател, туку внатрешниот, и веројатно станува збор за комбинација на конструкциски грешки и контрола на квалитетот. Имено, Мерцедес морал да го иницира првото отповикување на S-Class на почетокот на годината.

Како што е познато, поради пократката внатрешна врска, постои можност да не може да ги издржи динамичките оптоварувања, па затоа е можно да се изгуби контролата, што може да заврши со сообраќајна несреќа.

Сопствениците на новата S-Class ќе мора да ги посетат сервисните центри каде што уште еднаш ќе бидат прегледани елементите на шасијата. Наводно, навојот е прекраток и врската не е доволно безбедна.

„Се извинуваме за потребата од вонредна посета на сервис и се надеваме на разбирање“, соопшти Мерцедес, пренесува „Бизнис инсајдер“. Како оправдување, тие велат дека грешката не била забележана на време затоа што внатрешната врска пристигнала како дел од поголема единица која што била директно инсталирана во возилото.

Да потсетиме, S-Class се произведува во ултрамодерната фабрика 56 во Синделфинген, во која Daimler инвестирал околу 730 милиони евра,пишува Бизнис Инсајдер.

„Само Вистина" со Сашо Орданоски

Во вечерашната „Само Вистина“ гостуваше Сашо Орданоски.

- Осцилациите одат во различни крешенда, пописот е нешто што мора да се направи, ќе се попишува и присутно и отсутно население, ако се зборува за етничкиот аспект, некој ќе биде многу разочаран, рече Орданоски.

- Секогаш има политика, посебно кога треба да се бројат графите на ваква или онаква етничка припадност. Нормално е дека ќе бидат подигнати сите нивоа на нервоза и недоверба, рече Орданоски.

- Во Македонија се доаѓа на власт со два или три пратеници повеќе, ни претстојат локални избори и секој ќе биде казнет или награден според сработеното, рече Орданоски.

Повеќе детали погледнете во најновото издание на „Само Вистина".

Британски Оксфам: Десетте најбогати луѓе на светот можат да купат вакцини за сите

Вкупното богатство на десетте најбогати луѓе на светот се зголемило за 540 милијарди долари, и покрај пандемијата на коронавирус.

Со овие пари можат да се купат вакцини за секого, а исто така да се спречи сиромаштија предизвикана од пандемијата, пренесува Би-Би-Си.

Според извештајот на британската непрофитна организација Оксфам Интернешнл, капиталот на десетте најбогати луѓе на светот е еквивалентен на износот на сите влади на Г20, што е планиран за закрепнување на економијата.

Помеѓу 18 март и 31 декември минатата година, богатството на милијардерите се зголемило за 3,9 трилиони долари и сега изнесува 11,95 трилиони долари, колку што владите на Г20 потрошиле за пандемијата.

Меѓу десетте најбогати се светски познати имиња како основачот на Амазон, Џеф Безос, шефот на Фејсбук, Марк Закерберг, пронаоѓачот Илон Маск и филантропот Бил Гејтс.

Само Безос има заработено толку многу од септември, што можел да му плати на секој работник во Амазон бонус од 105.000 долари и да остане богат како пред пандемијата. Амазон вработува повеќе од 1.200.000 луѓе, а 810.000 само во САД.

Оксфам проценува дека поради пандемијата околу 500 милиони луѓе живеат во сиромаштија.

„Ова го гледаме како можност да се преземат радикални чекори, да се оданочуваат богатите и корпорациите и да се зголеми минималната социјална заштита за сите“, рече извршниот директор на „Оксфам“, Дени Срискандарајах.

Многу спортисти, филантропи и претприемачи донирале многу пари за да помогнат во пандемијата.

Коосновачот на Твитер, Џек Дорси, во април објави дека ќе донира милијарда долари во добротворни цели. Бил Гејтс и неговата сопруга Мелинда ќе донираат 305 милиони долари за вакцини, третман и дијагностика, додека Џеф Безос донирал 125 милиони долари, објави BBC.

притисни ентер