Израелските иновации го менуваат светот – ќе научиме ли нешто од водечката „стартап-нација"?

 Колку често користите УСБ или влажни марамчиња? Има ли некој што не пробал шери-домати или што не слушнал за стент за срце?

Но, дали сме се прашале од каде доаѓаат овие „производи", кој ги „измислил" и чии пронајдоци се?

Одговорот е – Израел.

Библиската, „света земја" денес е глобален центар за врвна технологија. Со повеќе високотехнолошки стартапи по глава на жител од кое било друго место во светот, Израел има водечка улога во иноваторството.

Од различни практични алатки што значително го подобруваат секојдневното живеење и придонесуваат за заштита на животната средина, преку нано и кибернетски решенија, до футуристички медицински помагала што дијагностицираат болести во моментот. Ова е дијапазонот во кој се движат ултрамодерните „подвизи" на Израел.

Земјата кубури со ресурси. Околу 75 отсто од територијата на државата е пустина. Речиси нема извори на храна, а дискутабилна е и употребливоста на почвата. Од друга страна, и историјата покажала немилосрдност. Го собрала данокот. Шест милиони Евреи се убиени во текот на Втората светска војна.

Но, ништо не е обесхрабрувачки, ниту може да ја наруши амбицијата, желбата за наука, иновации, технолошки развој и напредок. Напротив, уште повеќе ја зголемува и стимулира.

– Во Израел, земјата со многу малку природни ресурси, го откривме најголемиот ресурс: човечкиот капитал, кој е поголемо богатство од кој друг било ресурс на Земјата. Ова е познатата реченица на поранешниот претседател и премиер Шимон Перез, која како неприкосновена матрица се провлекува низ генерациите.

Израел има стартапи во областа на музиката, во одбраната, па дури и во делот на „воспитувањето" деца од основните школи.

Учениците имаат можност во целосно опремени лаборатории, како низ игра, да работат со физичари, инженери, да конструираат роботи, а потоа и интернационално да се натпреваруваат, поттикнувајќи ги и негувајќи ги иноваторските, па и претприемачките вештини.

Еврејската култура (посветеноста) или израелскиот дух (истрајноста), што ја прави „светата земја" една од водечките „стартап-нации" во светот? Веројатно, и едното и другото.

– Инженерирајте ги вашите соништа во реалност и вложувајте во човечки капитал, би ви рекле некои од младите израелски „стартапчии", кои одамна ја научиле лекцијата, а своите сили, наместо дома, „ги мерат" надвор, на пазарите во Европа, Кина и САД.

Ќе имаме ли капацитет да пресликаме некоја од успешните израелски приказни, да научиме нешто повеќе, да ја прифатиме помошта што оваа водечката „стартап-нација" ни ја нуди?

– Ако нејќете да ги миете садовите на Европа, станете иноватори. Ние сме тука да ви помогнеме, порачува израелскиот амбасадор Дан Оријан./МИА.

ВМРО-ДПМНЕ од 16 часот со блокада на улиците кај Влада, МНР и министерството за правда

ВМРО-ДПМНЕ од 16 часот со блокада на улиците кај Влада, МНР и министерството за правда и протести во 20 градови

Продолжуваат и денеска протестите ширум Македонија.

Од 16 часот со блокада на улиците кај Влада, МНР и министерството за правда и протести во 20 градови, ВМРО-ДПМНЕ повторно ќе порача дека премиерот Зоран Заев треба да си даде оставка.

Заев тргува со идентитетот, јазикот, историјата. Народот се буди, протест сега за да не биде предоцна, велат од партијата.

Филипче на состанок со Координативното тело за вакцини за Ковид-19, благ пад на новозаразените

На состанокот ќе се разгледува стратегијата за имунизација со вакцина за Ковид-19, како и за приемот и дистрибуцијата на вакцините, категориите на граѓани кои ќе бидат први вакцинирани, како и текот на постапката на вакцинација.

Министерот за здравство Венко Филипче денеска ќе има работен состанок со Координативното тело за вакцини за Ковид-19 преку КОВАКС механизмот, кој обезбедува глобален и рамномерен пристап до безбедни и ефективни вакцини, потврдени и регулирани од Светската здравствена организација.

На состанокот ќе се разгледува стратегијата за имунизација со вакцина за Ковид-19, како и за приемот и дистрибуцијата на вакцините, категориите на граѓани кои ќе бидат први вакцинирани, како и текот на постапката на вакцинација.

Последните денови се забележува благ пад на новозаразените. Во претходното деноноќие, од направени 3399 тестирања беа регистрирани 1342 нови случаи на коронавирусот, починаа 22 лица, а Институтот за јавно здравје регистрира 679 оздравени пациенти.

Од активните случаи најмногу се во Скопје – 10477, Прилеп – 1031, Гостивар – 996, Тетово – 974, Битола – 942, Куманово – 886. Во другите градови има помалку од 800.

Вкупната бројка на ковид дијагностицирани во нашата земја од почетокот на епидемијата изнесува 65231, бројката на оздравени пациенти е 41656, на починати е 1847, а бројот на активни случаи изнесува 21728. Од вчера се евидентира еден контролен тест, а според досега завршените епидемиолошки анализи во моментов дистрибуцијата по градови е следна:

Од следната недела ќе почне да работи пункт за тестирање со брзи антигенски тестови за коронавирусот и во скопско Шуто Оризари. Матичните лекари ќе можат да закажат термини за тестирање веќе од понеделник. Од среда ќе почне тестирањето и ќе се одвива секој ден од понеделник до петок во прва смена, информираат од Министерството за здравство. Во Скопје досега имаше шест пункта за брзи тестови и тоа во поликлиниките во Ѓорче Петров, Чаир, Ченто, Бит Пазар, Јане Сандански и Млин Балкан. На овие пунктови дневно се прават по 360 тестирања, соопштуваат од министерството.

Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1318 и има колку 130 празни болнички кревети во ковид центрите.

Во центрите во Скопје хоспитализирани се вкупно 461 лица сомнителни и потврдени за Ковид-19. Во ГОБ 8 Септември има вкупно 108 болни, на Клиниката за инфективни болести лежат 151 пациенти, додека во Институтот за белодробни заболувања кај деца Козле има 35 пациенти, од кои седум деца и 28 возрасен.

На Институтот за ТБЦ се примени вкупно 43 пациенти со симптоми на корона вирусот.

Во болниците низ државата најмногу хоспитализирани има во Прилеп 128, во Куманово има 110 пациенти, во болницата во Битола се хоспитализирани 81 пациент позитивен и суспектен на Ковид-19.

В.д. директорот на Центарот за управување со кризи, Стојанче Ангелов вчера изјави дека директорите на болниците бараат засилено обезбедување.

– Имаме побарувачка од директорите на болниците да го зголемиме бројот на припадници на Армијата зашто луѓето се чувствуваат побезбедно кога има војска, вели Ангелов.

Тој истакна дека Главниот кризен штаб постојано заседава и е подготвен да реагира во секој момент, доколку има потреба. Припадниците на безбедносните сили може да се соберат за половина до максимум еден час.

Ангелов, исто така, соопшти дека потенцијален ризик за ширење на заразата се и мигрантите.

– Имаме информации дека во одредени кампови е силно раширен КОВИД-19, затоа што тие таму немаат никакви услови, посебно нехигиенски, а да не зборуваме за дистанца. Натрупани се особено во некои кампови во Грција каде бројката е повеќекратно поголема од дозволената и нивниот трансфер, влез и движење низ земјава може негативно да се одрази освен безбедносно и во однос на ширењето на КОВИД, рече Ангелов.

Тој истакна дека нашите војници освен што го обезбедуваат здравствените капацитети како поддршка на полицијата, истовремено се распоредени и на јужната и северната граница.

Земјите од ЕУ на здравствена заштита во просек трошат 9,9 проценти од БДП, ние 4,5

На здравствена заштита и социјални бенефити Македонија во 2019 година потрошила вкупно 507 милиони евра односно 4,5 проценти од БДП или по 244 евра по глава на жител, што е под просекот од 9,9 проценти од БДП во земјите од ЕУ.

Од друга страна, секој наш граѓанин во 2018 година на здравствена заштита од свој џеб потрошил околу 65 евра, од кои 24 евра на лекови и помагала, а 36 евра на здравствени услуги надвор од болниците.

Според податоците на Евростат, земјите во ЕУ во просек на здравствена заштита потрошиле 9,9 проценти од БДП во 2018 година. Најмногу за здравство одвојуваат Германија – 11,5 проценти, Франција – 11,3 и Шведска со 10,9 проценти од БДП. Од друга стрна, најмалку на здравствена заштита одвојува Луксембург – 5,3 проценти и Романија – 5,6 проценти.

Но, доколку се гледа колку државите трошат на здравството по глава на жител тогаш најмногу одвојувале Данска – 5 260 евра, Луксемгург – 5 220 евра и Шведска – 5 040 евра по жител, а најмалку Романија – 580 евра и Бугарија – 590 евра по жител.

Според податоците на Државниот завод за статистика објавени во Статистичкиот годишник, вкупните расходи на здравствена заштита и социјални бенефити во 2019 година кај нас изнесувале 31 276 милиони денари или 507 милиони евра, од кои само на здравствена заштита 27 307 милиони денари или 443 милиони евра. Од нив најмногу 10 172 милиони денари биле за болнички услуги, 8 514 милиони денари за специјалистичко-консултативна заштита и 7 647 милиони денари за примарна здавствена заштита.

Ако се врзат овие податоци со БДП-то за 2019 година кое изнесувало 689 425 милиони денари или 11 195 милиони евра, тогаш излегува дека државата во 2019 година потрошила 4,5 проценти од БДП за здравствена заштита.

Според статистичките податоци, во нашата земја живеат околу 2 073 702 жители, што значи дека по глава на жител државата троши 244 евра на здравствена заштита.

Граѓаните во 2018 година на здравствена заштита потрошиле вкупно 8 023 милиони денери или 130 милиони евра, од кои на лекови и помагала – 48 милиони евра, на здравствени услуги надвор од болниците – 72 милиони евра и на здравствени услуги во болниците 9 милиони евра.

Според ДЗС, во 2018 година сме имале вкупно 8 754 здравствени работници од кои 6 329 лекари, 3 822 специјалисти, 1 862 стоматолози и 1 104 фармацевти.

Вкупниот број на болнички кревети во 2018 година изнесувал 3 243 од кои на хурургија 1 637, педијатрија 726 и гинекологија и акушерство 880. Бројот на болнички постели изнесува вкупно 8 754, од кои во општи болници – 3 969, клиники и институти – 2 034 и специјалситички болници и центри за рехабилитација – 2 671.

Македонија со 4,2 болнички кревети на 1 000 жители е под просекот од 5 болнички кревети на 1 000 жители во ЕУ.

притисни ентер