Електричното Пежо 208 ги надмина очекувањата

Француската автомобилска компанија Пежо овој месец ја започнува продажбата на новата генерација од моделот 208 во Европа, а првите податоци доста ветуваат.

Купувачите се посебно воодушевени од електричната верзија која би можела и да ги надмине очекувањата на челниците во француската компанија.

Во Пежо првобитно очекувале електричниот 208 да сочинува десет отсто од вкупното производство на овој модел. Меѓутоа, побарувачката за електричниот 208 е значително поголема.

Од Пежо досега добиле 40.000 резервации за 208 од кои една четвртина се за електричната верзија, потврди директорот а компанијата Жан Филип Императо.

Од францускиот гигант сепак се претпазливи кога се работи за реалната продажба, па Императо предвидува дека електричниот 208 ќе биде 20% од вкупниот број модели.

Пежо планира годишно да прави околу 300.000 примероци од малиот хечбек.

Електричниот Пежо 208 располага со батерија од 50 киловат часови која овозможува автономија од околу 340 километри.

За погон е задолжен електромотор од 136 коњски сили кој забрзува од 0 до 100 км/ч за 8,1 секунди.

Почетната цена на електричниот 208 е 32.100 евра во Франција.

Бил Гејст: Состојбата со корона во САД ќе се врати во нормала до пролет

Гејтс смета дека епидемиолошката состојба ќе се подобри со помош на напредни медицински третмани и, како што рече, „неверојатните“ вакцини.

Еден од најбогатите луѓе на светот, милијардерот Бил Гејтс, коосновачот на „Мајкрософт“ , очекува дека состојбата со корона вирусот во Соединетите Американски Држави, со појавата на „ветувачки вакцини“ и терапија за ковид-19, ќе се врати во нормала до пролетта следната година.

– Следните четири или пет месеци ќе бидат доста тешки, освен ако не ги удвоиме нашите напори и не станеме сериозни – изјави Гејтс за НБЦ Њуз.Тој истакна дека само одговорното однесување може да придонесе за сузбивање на пандемијата и додаде дека затоа е потребно дополнително да се намали бројот на физички контакти и да се носи заштитна маска секаде каде што постои ризик од инфекција.

Гејтс смета дека епидемиолошката состојба ќе се подобри со помош на напредни медицински третмани и, како што рече, „неверојатните“ вакцини.

Тој се надева дека луѓето кои се во дилема дали да примат вакцина против коронавирус ќе бидат поохрабрени по податоците за позитивните искуства и дека тоа навистина помага.

ОЈО: Притвор за осомничен за недозволена трговија со марихуана

На 2 декември, при личен преглед на осомничениот, овластени полициски службеници кај него пронашле 147,6 грама наркотична дрога – марихуана. Дрогата му била одземена, а осомничениот бил приведен информираат од ОЈО.

Јавен обвинител од Основното јавно обвинителство Скопје донесе Наредба за спроведување истражна постапка против 40-годишен скопјанец за кого постои основано сомневање дека сторил кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

На 2 декември, при личен преглед на осомничениот, овластени полициски службеници кај него пронашле 147,6 грама наркотична дрога – марихуана. Дрогата му била одземена, а осомничениот бил приведен.

Јавниот обвинител до судијата на претходна постапка при Основниот кривичен суд Скопје достави предлог за определување мерка притвор, проценувајќи дека осомниченото лице би можело да се даде во бегство или да го повтори делото. Судијата го прифати предлогот и на осомничениот му определи притвор во траење од 30 дена.​

Без вода денеска „Марко Орешковиќ" и дел од „Димо Хаџи Димов"

Без вода денеска од 09:00 часот ќе бидат корисниците од улицата „Марко Орешковиќ" и дел од улицата „Димо Хаџи Димов" во Општина Кисела Вода.

Како што соопштија од ЈП „Водовод и Канализација" – Скопје, причината за прекинот е дефектот ф-80мм на улицата „Марко Орешковиќ".

Водоснабдувањето ќе биде прекинато до завршување со активностите.

притисни ентер